Surah Al-Ghaashiya — The Overwhelming

Surah Al-Ghaashiya (The Overwhelming) is chapter 88 of the Quran, with 26 verses. This page presents the Arabic text with a Dhivehi translation, verse by verse.

هَلۡ أَتَىٰكَ حَدِيثُ ٱلۡغَٰشِيَةِ

(ބިރުވެރިކަމާއިގެން އެންމެންނަށް ކުރިމަތިވެގެންއަންނާނޭ ކަންތަކުގެ ވާހަކަ) އެބަހީ: قيامة ގެ ވާހަކަ (ކަލޭގެފާނާ ހަމަޔަށް އައިސްފައިވޭތޯއެވެ؟)

Ayah 1

وُجُوهࣱ يَوۡمَئِذٍ خَٰشِعَةٌ

އެދުވަހުން، ދެރަވެ ނިކަމެތިވެގެންވާ މޫނުތަކެއް ވެއެވެ

Ayah 2

عَامِلَةࣱ نَّاصِبَةࣱ‏

މަސައްކަތްތެރި، ވަރުބަލި މޫނުތަކެކެވެ

Ayah 3

تَصۡلَىٰ نَارًا حَامِيَةࣰ‏

ހޫނުކަން ގަދަވެގެންވާ ނަރަކަޔަށް އެއުރެން ވަންނާނެތެވެ

Ayah 4

تُسۡقَىٰ مِنۡ عَيۡنٍ ءَانِيَةࣲ‏

ހޫނުކަން ނިހާޔަތަށް ގޮސްފައިވާ ފެންއާރަކުން އެއުރެންނަށް ބޯންދެއްވާނެތެވެ

Ayah 5

لَّيۡسَ لَهُمۡ طَعَامٌ إِلَّا مِن ضَرِيعࣲ‏

ކަށިހުރި، ވިހަ މޭވާޔަކުން މެނުވީ، އެއުރެންނަކަށް ކާނާއެއް ނުވެއެވެ

Ayah 6

لَّا يُسۡمِنُ وَلَا يُغۡنِي مِن جُوعࣲ‏

އެ ކެއުމަކުން (ހަށިގަނޑަކަށް ބާރެއް ނުދޭނެތެވެ. އަދި ބަނޑުހައި ހޫނުކަން ފިލުވައެއް ނުމެދޭނޭމެއެވެ)

Ayah 7

وُجُوهࣱ يَوۡمَئِذࣲ نَّاعِمَةࣱ‏

އެދުވަހުން نعمة ލިބިގެންވާ، އުފާވެރި މޫނުތަކެއް ވެއެވެ

Ayah 8

لِّسَعۡيِهَا رَاضِيَةࣱ‏

ދުނިޔޭގައި އެއުރެންކުޅަ މަސައްކަތަށް ރުހިގެންވެއެވެ

Ayah 9

فِي جَنَّةٍ عَالِيَةࣲ‏

މަތިވެރިވެގެންވާ ސުވަރުގޭގައެވެ

Ayah 10

لَّا تَسۡمَعُ فِيهَا لَٰغِيَةࣰ‏

ގެއްލުންދެނިވި (ބޭކާރު ވާހަކައެއް، އެތާނގައި އެއުރެން ނާހާނެތެވެ)

Ayah 11

فِيهَا عَيۡنࣱ جَارِيَةࣱ‏

ހިނގަހިނގާ ހުންނަ ފެންއާރެއް އެތާނގައިވެއެވެ

Ayah 12

فِيهَا سُرُرࣱ مَّرۡفُوعَةࣱ‏

އުފުލިގެންވާ ދާންތައް އެތާނގައިވެއެވެ

Ayah 13

وَأَكۡوَابࣱ مَّوۡضُوعَةࣱ‏

އަދި ބެހެއްޓިގެންވާ ތަށިތައްވެސްމެއެވެ

Ayah 14

وَنَمَارِقُ مَصۡفُوفَةࣱ‏

އަދި އެތުރިގެންވާ ބާލީސްތައްވެސްމެއެވެ

Ayah 15

وَزَرَابِيُّ مَبۡثُوثَةٌ

އަދި ފެތުރިގެންވާ ދޫލަތައްވެސްމެއެވެ

Ayah 16

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

ފަހެ، ޖަމަލު ހައްދަވާފައިވަނީ، ކޮންފަދައަކުން ކަމާމެދު އެއުރެން ޖަމަލަށް ނުބަލަނީހެއްޔެވެ

Ayah 17

وَإِلَى ٱلسَّمَآءِ كَيۡفَ رُفِعَتۡ

އަދި އުޑު އުފުއްލަވާފައިވަނީ، ކޮންފަދައަކުން ކަމާމެދު އެއުރެން އުޑަށް ނުބަލަނީހެއްޔެވެ؟

Ayah 18

وَإِلَى ٱلۡجِبَالِ كَيۡفَ نُصِبَتۡ

އަދި ފަރުބަދަތައް ކޮޅަށް ނަންގަވާފައިވަނީ، ކޮންފަދައަކުން ކަމާމެދު އެއުރެން ފަރުބަދަތަކަށް ނުބަލަނީހެއްޔެެވެ؟

Ayah 19

وَإِلَى ٱلۡأَرۡضِ كَيۡفَ سُطِحَتۡ

އަދި ބިން ފަތުރުއްވާފައިވަނީ، ކޮންފަދައަކުން ކަމާމެދު އެއުރެން ބިމަށް ނުބަލަނީހެއްޔެވެ؟

Ayah 20

فَذَكِّرۡ إِنَّمَآ أَنتَ مُذَكِّرࣱ‏

(ފަހެ، ކަލޭގެފާނު) އެއުރެންނަށް (ހަނދުމަކޮށް ދެއްވާށެވެ! ކަލޭގެފާނު ވާކަން ކަށަވަރީ، ހަނދުމަކޮށްދެއްވާ ބޭކަލަކު ކަމުގައެވެ)

Ayah 21

لَّسۡتَ عَلَيۡهِم بِمُصَيۡطِرٍ

އެއުރެންގެ މައްޗަށް ބާރު ހިންގަވާ ބޭކަލަކު ކަމުގައި ކަލޭގެފާނު ނުވެއެވެ

Ayah 22

إِلَّا مَن تَوَلَّىٰ وَكَفَرَ

ފުރަގަސްދީ، كافر ވި މީހަކަށް މެނުވީއެވެ

Ayah 23

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

ފަހެ، اللّه، އެމީހަކަށް ބޮޑުވެގެންވާ عذاب ން عذاب ދެއްވާނެތެވެ

Ayah 24

إِنَّ إِلَيۡنَآ إِيَابَهُمۡ

ހަމަކަށަވަރުން، އެއުރެން އެނބުރި އައުންވަނީ، ތިމަންރަސްކަލާނގެ حضرة އަށެވެ

Ayah 25

ثُمَّ إِنَّ عَلَيۡنَا حِسَابَهُم

ދެން އެއުރެންގެ حساب ބެއްލެވުން ވަނީވެސް، ހަމަކަށަވަރުން، ތިމަންރަސްކަލާނގެއަށެވެ

Ayah 26