Surah Al-A'laa — The Most High

Surah Al-A'laa (The Most High) — 87/114 · 19 ayah. Basahin at pakinggan na may tekstong Arabe at salin sa Filipino.

سَبِّحِ ٱسۡمَ رَبِّكَ ٱلۡأَعۡلَى

Luwalhatiin ang Pangalan ng iyong Tagapagtangkilik na Panginoon, ang Kataas-taasan

Ayah 1

ٱلَّذِي خَلَقَ فَسَوَّىٰ

Na Siyang lumikha (ng lahat ng bagay) at nagbigay ng anyo at kaayusan

Ayah 2

وَٱلَّذِي قَدَّرَ فَهَدَىٰ

Na nagtakda ng Ganap na Sukat (kahihinatnan ng lahat at bawat isa maging sa kabutihan o kasamaan) at nagbigay ng Patnubay (nagturo sa sangkatauhan ng Tumpak at Maling Landas)

Ayah 3

وَٱلَّذِيٓ أَخۡرَجَ ٱلۡمَرۡعَىٰ

At nagpatubo ng mga luntiang halamanan at pastulan

Ayah 4

فَجَعَلَهُۥ غُثَآءً أَحۡوَىٰ

At muli ay ginawa, (at Kanyang) ginawa ito na dayami (at bagaso)

Ayah 5

سَنُقۡرِئُكَ فَلَا تَنسَىٰٓ

Sa sunod-sunod na antas ay ipahahayag Namin sa iyo (o Muhammad) ang Mensahe (ang Qur’an) upang hindi mo malimutan

Ayah 6

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Maliban sa anumang pahintulutan ni Allah. Talastas Niya ang nakalantad at nalilihim

Ayah 7

وَنُيَسِّرُكَ لِلۡيُسۡرَىٰ

At gagawin Naming magaan ito sa iyo (O Muhammad) upang masunod mo ang Landas (sa paggawa ng mga kabutihan)

Ayah 8

فَذَكِّرۡ إِن نَّفَعَتِ ٱلذِّكۡرَىٰ

Kaya’t paalalahanan mo (ang mga tao) kung ang pagpapaala-ala ay magbibigay kapakinabangan (sa mga makikinig)

Ayah 9

سَيَذَّكَّرُ مَن يَخۡشَىٰ

Ang panawagan at paala-ala ay diringgin niya na may pangangamba (kay Allah)

Ayah 10

وَيَتَجَنَّبُهَا ٱلۡأَشۡقَى

Datapuwa’t ito ay itatakwil ng mga masasawing palad (sa kaparusahan)

Ayah 11

ٱلَّذِي يَصۡلَى ٱلنَّارَ ٱلۡكُبۡرَىٰ

Na mahuhulog sa Nag-aalimpuyong Apoy at lalasap ng kanyang paglalagablab

Ayah 12

ثُمَّ لَا يَمُوتُ فِيهَا وَلَا يَحۡيَىٰ

dito, siya ay hindi mamamatay (upang maginhawahan), o mabubuhay (sa mabuting kalagayan)

Ayah 13

قَدۡ أَفۡلَحَ مَن تَزَكَّىٰ

Katiyakan, ang magtatamo 954 ng tagumpay ay siya na nagpapadalisay ng kanyang sarili (sa pamamagitan ng pag-iwas sa pagsamba sa mga diyus- diyosan at pagtanggap sa Kaisahan ni Allah at sa Islam)

Ayah 14

وَذَكَرَ ٱسۡمَ رَبِّهِۦ فَصَلَّىٰ

At lumuluwalhati sa Pangalan ng kanyang Tagapagtangkilik na Panginoon (sumasamba lamang kay Allah at wala ng iba), at bukas ang puso sa pananalangin (alalaong baga, ang limang takdang panalangin sa maghapon bukod pa ang mga dasal na ipinagtatagubilin)

Ayah 15

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Datapuwa’t minahalaga ninyo ang buhay sa mundong ito na hindi magtatagal

Ayah 16

وَٱلۡأٓخِرَةُ خَيۡرࣱ وَأَبۡقَىٰٓ

Bagama’t ang Kabilang Buhay ay higit na mainam at mananatili

Ayah 17

إِنَّ هَٰذَا لَفِي ٱلصُّحُفِ ٱلۡأُولَىٰ

Katotohanang ito ay nasa mga Aklat ng unang kasulatan

Ayah 18

صُحُفِ إِبۡرَٰهِيمَ وَمُوسَىٰ

Sa mga Kasulatan ni Abraham at Moises

Ayah 19