Surah Al-Balad — The City
Surah Al-Balad (The City) is chapter 90 of the Quran, with 20 verses. This page presents the Arabic text with a Burmese translation, verse by verse.
لَآ أُقۡسِمُ بِهَٰذَا ٱلۡبَلَدِ
ထိုမျှမက၊ ငါအရှင်မြတ်သည် ဤ (အထွတ်အမြတ်ဖြစ်သောမက္ကဟ်) မြို့တော်ကို သက်သေထူတော်မူ၏။
Ayah 1وَأَنتَ حِلُّۢ بِهَٰذَا ٱلۡبَلَدِ
ထို့ပြင် (အို၊ ရစူလ်တမန်တော်) အသင်သည် ဤ (အထွတ်အမြတ်ဖြစ်သောမက္ကဟ်) မြို့တော်၌ (မည်သည့် အတားအဆီးမျှမရှိဘဲ လွတ်လပ်စွာ) အခြေချနေထိုင်ခွင့်ရသူ ဖြစ်၏။
Ayah 2وَوَالِدࣲ وَمَا وَلَدَ
ထို့ပြင် (ငါအရှင်မြတ်သည်) ဖခင်ကြီးဖြစ်ခဲ့သူ (တမန်တော်အီဗ်ရာဟီးမ်) နှင့် (ယင်းဖခင်မှ) ဆင်းသက် လာသောသား (ဖြစ်သူ တမန်တော်မုဟမ္မဒ်) ကို သက်သေထူတော်မူ၏။
Ayah 3لَقَدۡ خَلَقۡنَا ٱلۡإِنسَٰنَ فِي كَبَدٍ
မုချဧကန်၊ ငါအရှင်မြတ်သည် လူသားကို (ကြီးကျယ်သော) ခက်ခဲမှုနှင့်စမ်းသပ်မှုကြား၌ပင် ဖွဲ့စည်းဖြစ်တည်စေတော်မူ၏။
Ayah 4أَيَحۡسَبُ أَن لَّن يَقۡدِرَ عَلَيۡهِ أَحَدࣱ
လူသားသည် သူ့အပေါ်၌ မည်သူတစ်ဦးတစ်ယောက်မျှပင် (စည်းမျဉ်းနိယာမတော်များ သတ်မှတ်ပြဌာန်းလျက်) သြဇာအာဏာရှိနိုင်လိမ့်မည် မဟုတ်ဟု တွက်ချက်ထင်မှတ်လေသလော။
Ayah 5يَقُولُ أَهۡلَكۡتُ مَالࣰ ا لُّبَدًا
လူသားက “ကျွန်ုပ်သည် မြောက်မြားစွာသော ဥစ္စာဓနပိုင်ဆိုင်မှု အလျှံပယ်ကို သုံးဖြုန်းခဲ့ပြီ။” ဟု (ဂုဏ်ယူ စွာကား) ပြောဆိုလေ့ရှိ၏။
Ayah 6أَيَحۡسَبُ أَن لَّمۡ يَرَهُۥٓ أَحَدٌ
လူသားသည် သူ့အား မည်သူတစ်ဦးတစ်ယောက်မျှ (မည်သည့်အခါမျှပင်) စောင့်ကြည့် တွေ့မြင်နေလိမ့် မည်မဟုတ်ပေ။ “ဟု တွက်ချက်ထင်မှတ်လေသလော။
Ayah 7أَلَمۡ نَجۡعَل لَّهُۥ عَيۡنَيۡنِ
ငါအရှင်မြတ်သည် လူသားအတွက် သူ့မျက်စိနှစ်လုံးကို စီမံဖြစ်စေတော်မူသည် မဟုတ်လော။
Ayah 8وَلِسَانࣰ ا وَشَفَتَيۡنِ
ထို့ပြင် လျှာတစ်ခုနှင့်နှုတ်ခမ်း တစ်စုံကိုလည်း စီမံဖြစ်စေတော်မူသည် မဟုတ်လော။
Ayah 9وَهَدَيۡنَٰهُ ٱلنَّجۡدَيۡنِ
ထို့ပြင် ငါအရှင်မြတ်သည် လူသားအား (နာခံလိုက်နာစရာနှင့်ရှောင်ကြဥ်စရာ) လမ်းစဉ်နှစ်သွယ်ကို ညွှန်ပြတော်မူ၏။
Ayah 10فَلَا ٱقۡتَحَمَ ٱلۡعَقَبَةَ
သို့ပါလျက် လူသားသည် (တိုးတက်မှုလမ်းစဉ် ဖြစ်သော) တက်လမ်းအတွက် ရုန်းကန်အားထုတ်သည် မဟုတ်ပေ။
Ayah 11وَمَآ أَدۡرَىٰكَ مَا ٱلۡعَقَبَةُ
(တိုးတက်မှုလမ်းစဉ် ဖြစ်သော) တက်လမ်းမှာ အဘယ်နည်း။ “ဟူသည်ကို သင့်အား မည်သည့်အရာက သိနားလည်စေမည်နည်း။
Ayah 12فَكُّ رَقَبَةٍ
(တိုးတက်မှုလမ်းစဉ်ဖြစ်သော တက်လမ်းသည်) တစ်ဦးတစ်ယောက်အား (အဖိနှိပ်အချုပ်အနှောင်ခံ ထားရသောဘဝ၊ ကျွန်ဘဝမှ) လွတ်မြောက်စေခြင်းပင် ဖြစ်၏။
Ayah 13أَوۡ إِطۡعَٰمࣱ فِي يَوۡمࣲ ذِي مَسۡغَبَةࣲ
သို့တည်းမဟုတ် (စားဝတ်နေရေး လွန်စွာ ခက်ခဲကျပ်တည်းလျက်) ဆင်းရဲငတ်မွတ်သောနေ့ကာလတွင် အစားအသောက်၊ ကျွေးမွေးစရာများဖြင့် ထောက်ပံ့ခြင်းပင် ဖြစ်၏။
Ayah 14يَتِيمࣰ ا ذَا مَقۡرَبَةٍ
မိဘမဲ့များနှင့်နီးစပ်သောဆွေမျိုးအသိုင်းအဝိုင်းများကိုလည်း (ထောက်ပံ့ခြင်းပင် ဖြစ်၏။)
Ayah 15أَوۡ مِسۡكِينࣰ ا ذَا مَتۡرَبَةࣲ
သို့တည်းမဟုတ် မြေကြီးပေါ်၌ စိတ်ပျက်စရာကောင်းလောက်အောင် လူးလိမ့်နေသော ဒုက္ခိတများ၊ ဆင်းရဲကျပ်တည်းမှု၏ဝေဒနာကို ခံစားနေရသူများအား ထောက်ပံ့ခြင်းပင် ဖြစ်၏။
Ayah 16ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ
ထို့ပြင် သက်ဝင်ယုံကြည်သူတို့သည် ယုံကြည်ခြင်းအတူနှင့်အတူ ခန္တီသည်းခံကြံ့ခိုင်မှုမြဲမြံနှင့်စပ်လျဥ်း၍ အချင်းချင်း တစ်ဦးကိုတစ်ဦး အပြန်အလှန် အလေးအနက် တိုက်တွန်းနှိုးဆော်ဆုံးကြ၏။ ထိုနည်းတူစွာ ကရုဏာတရား၊ အကြင်နာတရား ထားရှိကြရန်လည်း အချင်းချင်း တစ်ဦးကိုတစ်ဦး အပြန်အလှန် အလေးအနက် တိုက်တွန်းနှိုးဆော်ဆုံးကြ၏။
Ayah 17أُوْلَٰٓئِكَ أَصۡحَٰبُ ٱلۡمَيۡمَنَةِ
ထိုသူတို့သည်ကား (ပေါက်မြောက်အောင်မြင်သူများဖြစ်ရုံသာမက ထာဝရပျော်ရွှင်သုခကို ရစေနိုင်သည့် စာရင်းရှင်းတမ်းအားလည်း လက်ယာလက်၌ရရှိမည့်) လက်ယာဘက်၏အပေါင်းအဖော်များပင် ဖြစ်ကြ၏။
Ayah 18وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ
(သို့ရာတွင် ငါအရှင်မြတ်၏ အာယသ်သက်သေလက္ခဏာတော်များကို မဟုတ်မတရား မမှန်မကန် လိမ်လည်စွပ်စွဲ၍ ငြင်းပယ်ကြသော မယုံကြည်သူတို့မှာမူ စိတ်ပျက်ဖွယ်ရာ ပြစ်ဒဏ်များကို ခံစားစေရန် စာရင်းရှင်းတမ်းအား လက်ဝဲဘက်၌ ရရှိမည့်) လက်ဝဲဘက်၏အပေါင်းအဖော်များပင် ဖြစ်ကြ၏။
Ayah 19عَلَيۡهِمۡ نَارࣱ مُّؤۡصَدَةُۢ
ငရဲမီးသည် သူတို့အပေါ်၌ (သိမ်းကျုံးပိတ်လှောင်ထားသကဲ့သို့) ဝိုင်းပတ်လွှမ်းခြုံလျက်ပင် ရှိ၏။
Ayah 20