Surah At-Taariq — The Morning Star
Surah At-Taariq (The Morning Star) is chapter 86 of the Quran, with 17 verses. This page presents the Arabic text with a Burmese translation, verse by verse.
وَٱلسَّمَآءِ وَٱلطَّارِقِ
(ငါအရှင်မြတ်သည်) မိုးကောင်းကင်ကိုလည်းကောင်း၊ ညအချိန်၌ (အမှောင်ခွင်း၍ ရောက်) လာသော အရာကိုလည်းကောင်း၊ သက်သေထူတော်မူ၏။
Ayah 1وَمَآ أَدۡرَىٰكَ مَا ٱلطَّارِقُ
ညအချိန်၌ (အမှောင်ခွင်း၍ ရောက်) လာသော အရာမှာ အဘယ်နည်း။” ဟူသည်ကို အသင် (တမန်တော်) အား မည်သည့်အရာက သိနားလည်စေနိုင်မည်နည်း။
Ayah 2ٱلنَّجۡمُ ٱلثَّاقِبُ
ယင်းသည် (ဖောက်ထွင်းလင်းဝင်း၍) ကြည်လင်တောက်ပသော ကြယ်တာရာပင် ဖြစ်၏။
Ayah 3إِن كُلُّ نَفۡسࣲ لَّمَّا عَلَيۡهَا حَافِظࣱ
ဧကန်ပင်၊ နဖ်စ် (ခေါ် မျိုးရိုးဗီဇထဲ၌ ထည့်ပေးတော်မူထားသော ဉာဉ်စဉ်စရိုက်၊ ပင်ကိုယ်အရည်အသွေး၊ စွမ်းရည်အစွမ်းအစနှင့်စိတ်ဆန္ဒများကို အရှင့်စည်းမျဉ်းတော်အညီဖြစ်စေ၊ သို့မဟုတ် စိတ်အလိုဆန္ဒနှင့်အညီဖြစ်စေ၊ ရှာဖွေသုံးစွဲနိုင်ရန် အသုံးချနိုင်သော စိတ်ဝိဉာဉ်) တိုင်းတွင် ယင်းအပေါ်၌ ထိန်းသိမ်းစောင့်ရှောက်သူ (အဖြစ် တာဝန်ပေးတော်မူထားသော စေတမန်) တစ်ဦးစီ ရှိပေ၏။
Ayah 4فَلۡيَنظُرِ ٱلۡإِنسَٰنُ مِمَّ خُلِقَ
သို့ဖြစ်ပေရာ လူသားသည် သူ့အား မည်သည့်အရာမှ ဖွဲ့စည်းဖြစ်တည်စေတော်မူခြင်းခံရသည်ကို တွေးတောဆင်ခြင်၊ စူးစမ်းလေ့လာ၊ သုံးသပ်သင့်ပေမည်။
Ayah 5خُلِقَ مِن مَّآءࣲ دَافِقࣲ
လူသားသည် ပန်းထွက်ထုတ်လွှတ်သောအရည်တစ်စက်မှ ဖွဲ့စည်းဖြစ်တည်စေတော်မူခြင်းခံရ၏။
Ayah 6يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ
ယင်း (အရည်) သည် (လှုံ့ဆော်မှု၏အကျိုးဆက်အဖြစ်) ကျောရိုးအဆစ်နှင့်နံရိုးများကြား (၌ သိုလှောင်ထားခြင်း) မှ (အရှင့်နိယာမတော်အရ) ထွက်လာခြင်း ဖြစ်၏။
Ayah 7إِنَّهُۥ عَلَىٰ رَجۡعِهِۦ لَقَادِرࣱ
ဧကန်မလွဲ၊ ထိုအရှင်မြတ်သည် လူသားအား (ကလလရည်ကြည်တစ်စက်မှ ဖွဲ့စည်းဖြစ်တည်စေတော်မူနိုင်စွမ်းရှိတော်မူသကဲ့သို့) အမှန်ပင် ရှင်ပြန်ထစေတော်မူနိုင်စွမ်းရှိသော အရှင်မြတ်ပင် ဖြစ်တော်မူ၏။
Ayah 8يَوۡمَ تُبۡلَى ٱلسَّرَآئِرُ
ထိုနေ့တွင် (အရာခပ်သိမ်းတို့၌ တိမ်မြုပ်နေသည့်) လျှို့ဝှက်ချက်အလုံးစုံအား (စစ်ဆေးစီရင်စေတော်မူရန်) ထင်ရှားစေတော်မူသောအခါ။
Ayah 9فَمَا لَهُۥ مِن قُوَّةࣲ وَلَا نَاصِرࣲ
(ထိုနေ့တွင် အရှင်မြတ်က စီရင်ဆုံးဖြတ်တော်မူခြင်းကို အာခံဖီဆန်ရန်) လူသား၌ မည်သည့် အခွင့်အာဏာမျှ ရှိလိမ့်မည် မဟုတ်သည့်အပြင် ကူညီစောင်မမည့်သူဟူ၍လည်း တစ်ဦးတစ်ယောက်မျှပင် ရှိလိမ့်မည် မဟုတ်ပေ။
Ayah 10وَٱلسَّمَآءِ ذَاتِ ٱلرَّجۡعِ
(ငါအရှင်မြတ်သည် ယင်း၌ ရှိသမျှနှင့်အတူ) အစဉ်လည်ပတ်လှုပ်ရှားလျက် ထပ်တလဲလဲ ဖြစ်ပေါ်သော မိုးရေ ရှိနေသည့် မိုးကောင်းကင်ကို သက်သေထူတော်မူ၏။
Ayah 11وَٱلۡأَرۡضِ ذَاتِ ٱلصَّدۡعِ
ထို့ပြင် (ငါအရှင်မြတ်သည် အပင်များ ဖြစ်ထွန်းရှင်သန်၍ ကြီးထွားခြင်းနှင့်အတူ) အက်ကွဲမှု စွမ်းရည်ရှိနေသော မြေကမ္ဘာကို သက်သေထူတော်မူ၏။
Ayah 12إِنَّهُۥ لَقَوۡلࣱ فَصۡلࣱ
ဧကန်မလွဲ၊ ယင်း (ကုရ်အာန်ကျမ်းတော်မြတ်) သည် (အမှန်တရားသစ္စာနှင့်မိစ္ဆာဒိဌိကို ခွဲခြားသိမြင်စေသော မြင်သာထင်ရှားသည့် ရှင်းလင်းချက်၊) တိကျပြတ်သားသောအရှင့်စကားတော်ပင် ဖြစ်၏။
Ayah 13وَمَا هُوَ بِٱلۡهَزۡلِ
ထို့ပြင် ယင်း (စကားတော်ဖြစ်သော ကုရ်အာန်ကျမ်းတော်မြတ်) သည် ကရော်ကမည် (အခြေအမြစ် မရှိသောစကား) မဟုတ်ပေ။
Ayah 14إِنَّهُمۡ يَكِيدُونَ كَيۡدࣰ ا
ဧကန်စင်စစ်၊ (မယုံကြည်သွေဖည်ငြင်းပယ်ကြသော) သူတို့သည် အကြံအစည်အမျိုးမျိုးကို ကြံစည်လျက်ရှိ ကြ၏။
Ayah 15وَأَكِيدُ كَيۡدࣰ ا
သို့ဖြစ်ပေရာ (အို၊ ရစူလ်တမန်တော်) အသင်သည် မယုံကြည်သူ (အမှန်တရားကို သွေဖည်ငြင်းပယ်သူ) တို့အား သူတို့၏ဆန္ဒအလျှောက်ဆက်လက်၍ လုပ်ခွင့်ရလေအောင် (အရေးမယူဘဲ) ခေတ္တခဏ၊ ယာယီရွှေ့ဆိုင်းခွင့်ပေးလော့။
Ayah 16فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا
သို့ဖြစ်ပေရာ (အို၊ ရစူလ်တမန်တော်) အသင်သည် မယုံကြည်သူ (အမှန်တရားကို သွေဖည်ငြင်းပယ်သူ) တို့အား သူတို့၏ဆန္ဒအလျှောက်ဆက်လက်၍ လုပ်ခွင့်ရလေအောင် (အရေးမယူဘဲ) ခေတ္တခဏ၊ ယာယီရွှေ့ဆိုင်းခွင့်ပေးလော့။
Ayah 17