Surah Ad-Dhuhaa — The Morning Hours

Surah Ad-Dhuhaa (The Morning Hours) is chapter 93 of the Quran, with 11 verses. This page presents the Arabic text with a Burmese translation, verse by verse.

وَٱلضُّحَىٰ

(ငါအရှင်မြတ်သည်) သာယာလှပသောနေတက်ချိန် (နေ၏တောက်ပသောအလင်းရောင်) ကို သက်သေထူတော်မူ၏။

Ayah 1

وَٱلَّيۡلِ إِذَا سَجَىٰ

ထို့ပြင် (ငါအရှင်မြတ်သည်) အမှောင်ထုလွှမ်းလျက် ငြိမ်သက်စေသော ညကို သက်သေထူတော်မူ၏။

Ayah 2

مَا وَدَّعَكَ رَبُّكَ وَمَا قَلَىٰ

အသင့်အား ဖွဲ့စည်းဖြစ်တည်စေတော်မူ၍ ပြုစုပျိုးထောင်စေတော်မူသော အရှင်မြတ်သည် အသင့်ကို ပစ်ပယ်ထားတော်မူသည်မဟုတ်သည့်အပြင် (အသင့်အား အရေးမစိုက်စရာ) မကျေနပ်မနှစ်သက်စရာအကြောင်းလည်း ရှိတော်မမူပေ။

Ayah 3

وَلَلۡأٓخِرَةُ خَيۡرࣱ لَّكَ مِنَ ٱلۡأُولَىٰ

ဧကန်စင်စစ်၊ အသင့်အတွက် လွန်လေပြီးသောအရာ (လောကီဘဝ) ထက် နောက်လာမည့်အရာ (တမလွန်ဘဝ) က ပိုမိုလယ်ကူ၍ သာလွန်ကောင်းမြတ်လှ၏။

Ayah 4

وَلَسَوۡفَ يُعۡطِيكَ رَبُّكَ فَتَرۡضَىٰٓ

ထို့ပြင် မကြာမီ အသင့်အား ဖွဲ့စည်းဖြစ်တည်စေတော်မူ၍ ပြုစုပျိုးထောင်စေတော်မူသော အရှင်မြတ်သည် အသင့်အား (ကျေးဇူးတော်ဖြင့် ဂုဏ်သိက္ခာပေးမှုကို တစ်ခုပြီးတစ်ခု ဆက်တိုက်) ချီးမြှင့်ပေးအပ်တော်မူမည်ဖြစ်ရာ အသင်သည် အားရကျေနပ်လျက် တင်းတိမ်ရောင့်ရဲလိမ့်မည်။

Ayah 5

أَلَمۡ يَجِدۡكَ يَتِيمࣰ ا فَـَٔاوَىٰ

ထိုအရှင်မြတ်သည် အသင့်အား မိဘမဲ့အဖြစ် တွေ့ရှိတော်မူ၍ ခိုကိုးရာ ပေးတော်မူခဲ့သည် မဟုတ်လော။

Ayah 6

وَوَجَدَكَ ضَآلࣰّ ا فَهَدَىٰ

ထို့ပြင် ထိုအရှင်မြတ်သည် အသင့်အား (အမှန်တရားအတွက် ခြေဦးတည်ရာ သွားလျက်) လမ်းမပေါက်နိုင်သူအဖြစ် တွေ့ရှိတော်မူခဲ့ရာ (အသင့်ကို တမန်တော်အဖြစ်ရွေးချယ်တော်မူလျက်) လမ်းညွှန်တော်မူခဲ့၏။

Ayah 7

وَوَجَدَكَ عَآئِلࣰ ا فَأَغۡنَىٰ

ထို့ပြင် ထိုအရှင်မြတ်သည် အသင့်အား လိုအပ်ချက်ရှိသူအဖြစ်တွေ့ရှိတော်မူခဲ့ရာ သင့်အတွက် ဖူလှုံပြည့်စုံမှု ဖြစ်စေတော်မူခဲ့၏။

Ayah 8

فَأَمَّا ٱلۡيَتِيمَ فَلَا تَقۡهَرۡ

သို့ဖြစ်ပေရာ (မည်သည့်အခြေအနေတွင် ဖြစ်စေ) အသင်သည် မိဘမဲ့များအား ချုပ်ချယ်ကြမ်းတမ်းစွာ ဆက်ဆံခြင်း (ကြိမ်းမောင်းခြင်း) မပြုလေနှင့်။

Ayah 9

وَأَمَّا ٱلسَّآئِلَ فَلَا تَنۡهَرۡ

ထိုနည်းတူစွာ (မည်သည့်အခြေအနေတွင် ဖြစ်စေ) အသင်သည် အသနားခံတောင်းခံသူတို့အား ငေါက်ငမ်း၊ နှင်ထုတ်ခြင်းကို မပြုလေနှင့်။

Ayah 10

وَأَمَّا بِنِعۡمَةِ رَبِّكَ فَحَدِّثۡ

ထို့ပြင် (မည်သည့်အခြေအနေတွင် ဖြစ်စေ) အသင်သည် အသင့်အား ဖွဲ့စည်းဖြစ်တည်စေတော်မူ၍ ပြုစု ပျိုးထောင်စေတော်မူသောအရှင်မြတ်၏ကျေးဇူးတော်ဖြင့် သိက္ခာပေးတော်မူခြင်းကို ထုတ်ဖေါ်ပြောကြားလော့။

Ayah 11