Surah Al-Infitaar — The Cleaving

Surah Al-Infitaar (The Cleaving) is chapter 82 of the Quran, with 19 verses. This page presents the Arabic text with a Afar translation, verse by verse.

إِذَا ٱلسَّمَآءُ ٱنفَطَرَتۡ

Qaran qanxixa waqdi

Ayah 1

وَإِذَا ٱلۡكَوَاكِبُ ٱنتَثَرَتۡ

Kaadu cutuk luuqa waqdi

Ayah 2

وَإِذَا ٱلۡبِحَارُ فُجِّرَتۡ

Kaadu badwa sittal tanfuxxukumeeh, sittat tangale wagqdi

Ayah 3

وَإِذَا ٱلۡقُبُورُ بُعۡثِرَتۡ

Magooqa fokkaqsimtaah addat sugtem iró ciggilsinta waqdi

Ayah 4

عَلِمَتۡ نَفۡسࣱ مَّا قَدَّمَتۡ وَأَخَّرَتۡ

Woo waqdi ummaan nafsi yaaxigeh yuysukumem kee udurrusem taamak

Ayah 5

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Kee seehadaytow maca koo duquurussaah ku Rabbiy cinda lek

Ayah 6

ٱلَّذِي خَلَقَكَ فَسَوَّىٰكَ فَعَدَلَكَ

Kaay koo gineeh, koo massoyseeh soolo koo yeymeeqe

Ayah 7

فِيٓ أَيِّ صُورَةࣲ مَّا شَآءَ رَكَّبَكَ

Isih faxxa hee weelol koo bicseeh gine

Ayah 8

كَلَّا بَلۡ تُكَذِّبُونَ بِٱلدِّينِ

Tonna hinnay, a korosey isin nummah gital matanin galtoh ayró dirabbossaana ikkalah

Ayah 9

وَإِنَّ عَلَيۡكُمۡ لَحَٰفِظِينَ

Diggah, sin dacrissa malayka dacayrih siinit tan

Ayah 10

كِرَامࣰ ا كَٰتِبِينَ

Yallih garil massakaxxa le kutbe abta malayka sin taama dacrissam

Ayah 11

يَعۡلَمُونَ مَا تَفۡعَلُونَ

Isin abba haytaanam taaxigeh

Ayah 12

إِنَّ ٱلۡأَبۡرَارَ لَفِي نَعِيمࣲ‏

Diggah meqe mari jannatal yalli keenih yeceeh yan niqmatat yan

Ayah 13

وَإِنَّ ٱلۡفُجَّارَ لَفِي جَحِيمࣲ‏

Kaadu diggah umam aba mari (koros kinnuk) Jaciim deqsitta girah addal yan

Ayah 14

يَصۡلَوۡنَهَا يَوۡمَ ٱلدِّينِ

Usun galtoh ayró (Qhiyaamah ayró kinnuk) tet culan

Ayah 15

وَمَا هُمۡ عَنۡهَا بِغَآئِبِينَ

Kaadu usun teetik cerrita mara hinnon (inkinnah teetik mayawqan)

Ayah 16

وَمَآ أَدۡرَىٰكَ مَا يَوۡمُ ٱلدِّينِ

Kaadu maca koo tiysixxigeeh galtoh ayró kinnim

Ayah 17

ثُمَّ مَآ أَدۡرَىٰكَ مَا يَوۡمُ ٱلدِّينِ

Tohuk lakal maca koo tiysixxigeeh, galtoh ayró kinnim

Ayah 18

يَوۡمَ لَا تَمۡلِكُ نَفۡسࣱ لِّنَفۡسࣲ شَيۡـࣰٔ اۖ وَٱلۡأَمۡرُ يَوۡمَئِذࣲ لِّلَّهِ

Woh ayroy nafsi nafsih tu edde xiqe waah, woo saaku amri Yalli le

Ayah 19