Surah Al-Infitaar — The Cleaving

Surah Al-Infitaar (The Cleaving) is chapter 82 of the Quran, with 19 verses. This page presents the Arabic text with a Luganda translation, verse by verse.

إِذَا ٱلسَّمَآءُ ٱنفَطَرَتۡ

E ggulu bwe ririba lyeyasizzaamu

Ayah 1

وَإِذَا ٱلۡكَوَاكِبُ ٱنتَثَرَتۡ

N'emunyenye bwe ziriba nga zivudde waggulu ne zisaasaana

Ayah 2

وَإِذَا ٱلۡبِحَارُ فُجِّرَتۡ

N'ennyanja bwe ziriba nga ziwaguludde

Ayah 3

وَإِذَا ٱلۡقُبُورُ بُعۡثِرَتۡ

Ne Kabbuli bwe ziriba nga zifuukuddwa (abafu bonna ne bavaayo)

Ayah 4

عَلِمَتۡ نَفۡسࣱ مَّا قَدَّمَتۡ وَأَخَّرَتۡ

Omuntu alimanya ebyo bye yakulembeza okukola ne bye yasembyayo

Ayah 5

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Owange ggwe omuntu kale kiki ekyakugayaaza okukuggya ku muleziwo (Katonda) Omugabi

Ayah 6

ٱلَّذِي خَلَقَكَ فَسَوَّىٰكَ فَعَدَلَكَ

Oyo eyakutonda n’akutereeza era n’akwenkanyankanya

Ayah 7

فِيٓ أَيِّ صُورَةࣲ مَّا شَآءَ رَكَّبَكَ

Mu kifaananyi kyonna kye yayagala mwe yakutondera

Ayah 8

كَلَّا بَلۡ تُكَذِّبُونَ بِٱلدِّينِ

Nedda, wabula mulimbisa olunaku olw’okusasulwa (olw’enkomerero)

Ayah 9

وَإِنَّ عَلَيۡكُمۡ لَحَٰفِظِينَ

Mazima muliko abakuumi (Ba Malayika)

Ayah 10

كِرَامࣰ ا كَٰتِبِينَ

Abeekitiibwa abawandiisi (abawandiika ebyo byonna ebikolebwa)

Ayah 11

يَعۡلَمُونَ مَا تَفۡعَلُونَ

Bamanyi ebyo byonna byemukola

Ayah 12

إِنَّ ٱلۡأَبۡرَارَ لَفِي نَعِيمࣲ‏

Mazima abakozi b’obulungi balibeera mu byengera

Ayah 13

وَإِنَّ ٱلۡفُجَّارَ لَفِي جَحِيمࣲ‏

Era mazima abakozi b’ebibi bagenda kubeera mu muliro oguyitibwa Jahiimu

Ayah 14

يَصۡلَوۡنَهَا يَوۡمَ ٱلدِّينِ

Bagenda kuguyingira ku lunaku olw’okusasulwa (olw'enkomerero)

Ayah 15

وَمَا هُمۡ عَنۡهَا بِغَآئِبِينَ

Tebagenda ku gwebulankanyako

Ayah 16

وَمَآ أَدۡرَىٰكَ مَا يَوۡمُ ٱلدِّينِ

On'omanyira ku ki olunaku olw'okusasulwa (olw’enkomerero)

Ayah 17

ثُمَّ مَآ أَدۡرَىٰكَ مَا يَوۡمُ ٱلدِّينِ

Naye ddala on'omanyira ku ki olunaku olwokusasulwa (Katonda yakiddamu olwokuggumiza obukulu bw’olunaku olwo)

Ayah 18

يَوۡمَ لَا تَمۡلِكُ نَفۡسࣱ لِّنَفۡسࣲ شَيۡـࣰٔ اۖ وَٱلۡأَمۡرُ يَوۡمَئِذࣲ لِّلَّهِ

Olunaku omwoyo lwe gutaliba na buyinza bugasa mwoyo mulala na kintu kyonna. N’ebiragiro ku lunaku olwo biriba bya Katonda yekka

Ayah 19