Surah As-Saaffaat — Those drawn up in Ranks
Surah As-Saaffaat (Those drawn up in Ranks) is chapter 37 of the Quran, with 182 verses. This page presents the Arabic text with a Luganda translation, verse by verse.
وَٱلصَّٰٓفَّٰتِ صَفࣰّ ا
Ndayidde ba Malayika abasimbye ennyiriri ennambulukufu
Ayah 1فَٱلزَّٰجِرَٰتِ زَجۡرࣰ ا
Olwo nno abo abagoba ebire olugoba (bigende bitonnyese enkuba)
Ayah 2فَٱلتَّٰلِيَٰتِ ذِكۡرًا
N'abo abasoma ebigambo ebibuulirira
Ayah 3إِنَّ إِلَٰهَكُمۡ لَوَٰحِدࣱ
Mazima Katonda wa mmwe ddala ali omu
Ayah 4رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ
Mukama omulabirizi we ggulu omusanvu n'ensi n'ebyo ebiri wakati wa byombi era Mukama omulabirizi w'ebuvanjuba (n'e bugwanjuba)
Ayah 5إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ
Mazima ffe twawunda eggulu ly'okunsi n'okulabika obulungi kw'e mmunyeenye (ezirijjudde)
Ayah 6وَحِفۡظࣰ ا مِّن كُلِّ شَيۡطَٰنࣲ مَّارِدࣲ
N'okulikuuma ku buli Sitane kyewaggula
Ayah 7لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبࣲ
Tezisobola kuwuliriza bitonde ebya waggulu era zikanyugirwa ebitawuliro okuva ku buli luuyi
Ayah 8دُحُورࣰ اۖ وَلَهُمۡ عَذَابࣱ وَاصِبٌ
Nga zifuumuulwa emisinde era nga zigenda kufuna ebibonerezo ebitakoma
Ayah 9إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابࣱ ثَاقِبࣱ
Okugyako (Sitane) eyo enyakula ekigambo kyeba enyakudde olwo nno neekasukirirwa ekitawuliro ekibumbujja
Ayah 10فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينࣲ لَّازِبِۭ
Kale nno babuuze nti bo be bazibu mu kutonda oba ebyo bye twatonda, mazima ffe (bo) twabatonda mu budongo obukwafu
Ayah 11بَلۡ عَجِبۡتَ وَيَسۡخَرُونَ
Wabula gwe weewuunya (ng’okungiriza) ate nga bo bajeeja bujeeja
Ayah 12وَإِذَا ذُكِّرُواْ لَا يَذۡكُرُونَ
Era nga bwe baba babuuliriddwa tebeebuulirira
Ayah 13وَإِذَا رَأَوۡاْ ءَايَةࣰ يَسۡتَسۡخِرُونَ
Era bwe balaba akabonero konna (mu bubonero bwa Katonda) nga bajeeja
Ayah 14وَقَالُوٓاْ إِنۡ هَٰذَآ إِلَّا سِحۡرࣱ مُّبِينٌ
Era nebagamba nti: kino tekiri okugyako eddogo eryeyolefu
Ayah 15أَءِذَا مِتۡنَا وَكُنَّا تُرَابࣰ ا وَعِظَٰمًا أَءِنَّا لَمَبۡعُوثُونَ
(Nebongerako nti) bwe tuliba tufudde netufuuka ettaka era netuba magumba ameereere abaffe tulizuukizibwa
Ayah 16أَوَءَابَآؤُنَا ٱلۡأَوَّلُونَ
Oba ba kitaffe abaakulembera
Ayah 17قُلۡ نَعَمۡ وَأَنتُمۡ دَٰخِرُونَ
Gamba nti yee (mulizuukizibwa) nga nammwe mukkakkanyiziddwa
Ayah 18فَإِنَّمَا هِيَ زَجۡرَةࣱ وَٰحِدَةࣱ فَإِذَا هُمۡ يَنظُرُونَ
Mazima kyo (ekyo kuzuukira) luliba olufuuwa mu ngombe lumu oligenda okulaba nga bo batunula
Ayah 19وَقَالُواْ يَٰوَيۡلَنَا هَٰذَا يَوۡمُ ٱلدِّينِ
Era baligamba nti zitusanze luno lwe lunaku lw'okusasulwa
Ayah 20هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ
(Ba Malayika baligamba nti) luno lwe lunaku lw'okwawula (wakati wa balongoofu n’aboonoonyi) olwo lwe mwali mulimbisa
Ayah 21۞ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ
(Ba Malayika baliragirwa nti) mukungaanye abo abeeyisa obubi wamu n'ababafaanana n'ebyo bye baasinzanga
Ayah 22مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ
Nebava ku Katonda olwo nno mubalage ekkubo eridda eri omuliro Jahiimu
Ayah 23وَقِفُوهُمۡۖ إِنَّهُم مَّسۡـُٔولُونَ
Era nga (temunnabatwala) mubayimirize (mu bbaliro) mazima bo balina okubuuzibwa
Ayah 24مَا لَكُمۡ لَا تَنَاصَرُونَ
(Olwo nno bagambibwe) nti: mubaddeki lwaki temwetaasa
Ayah 25بَلۡ هُمُ ٱلۡيَوۡمَ مُسۡتَسۡلِمُونَ
Wabula bo ku lunaku olwa leero bagenda kukkiriza (nti tebalina bya kukola kuvvuunuka buzibu bwe balibeeramu)
Ayah 26وَأَقۡبَلَ بَعۡضُهُمۡ عَلَىٰ بَعۡضࣲ يَتَسَآءَلُونَ
Abamu ne boolekera bannaabwe nga bawaanyisiganya ebigambo
Ayah 27قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ
(Abagoberezi) ne bagamba (bebaagoberera) nti mazima mmwe mwalinga mutujjira nga mutuyita ku ddyo
Ayah 28قَالُواْ بَل لَّمۡ تَكُونُواْ مُؤۡمِنِينَ
(Abaagobererwa) baligamba nti nedda wabula temwali bakkiriza
Ayah 29وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمࣰ ا طَٰغِينَ
Era tetwabalinaako buyinza bwonna wabula mwali bantu abeewagguzi
Ayah 30فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ
Olwo nno ekigambo kya Mukama omulabirizi waffe nekitukakatako (fenna) mazima ddala ffe tuteekwa kukomba (ku bibonerezo)
Ayah 31فَأَغۡوَيۡنَٰكُمۡ إِنَّا كُنَّا غَٰوِينَ
Twababuza era mazima ddala ffe (okugenda okubabuza) twali babuze
Ayah 32فَإِنَّهُمۡ يَوۡمَئِذࣲ فِي ٱلۡعَذَابِ مُشۡتَرِكُونَ
Mazima bo (ab'emirundi ebiri) bagenda kwegatta mu kibonerezo
Ayah 33إِنَّا كَذَٰلِكَ نَفۡعَلُ بِٱلۡمُجۡرِمِينَ
Mazima ffe bwe tutyo bwe tukola aboonoonyi
Ayah 34إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ
Mazima bo bwe baagambibwanga nti tewali kisinzibwa kyonna okugyako Katonda baali nga beekuza
Ayah 35وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرࣲ مَّجۡنُونِۭ
Nebagamba nti mazima ffe tuyinza okuleka ba katonda baffe ku lw'omuyimbi omulalu
Ayah 36بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ
Nedda (Nabbi Muhammad talinga bwe bagamba) wabula yajja na mazima era n’akakasa ababaka (abaamukulembera)
Ayah 37إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ
Mazima ddala mmwe muli ba kukomba ku bibonerezo ebiruma ennyo
Ayah 38وَمَا تُجۡزَوۡنَ إِلَّا مَا كُنتُمۡ تَعۡمَلُونَ
Era temugenda kusasulwa wabula ebyo bye mwakolanga
Ayah 39إِلَّا عِبَادَ ٱللَّهِ ٱلۡمُخۡلَصِينَ
Okugyako abaddu ba Katonda abalondobemu
Ayah 40أُوْلَٰٓئِكَ لَهُمۡ رِزۡقࣱ مَّعۡلُومࣱ
Abo baliweebwa ebigabirirwa ebimanyiddwa
Ayah 41فَوَٰكِهُ وَهُم مُّكۡرَمُونَ
(Biriba) ebibala era nga nebaba nga bo bagabulwa
Ayah 42فِي جَنَّٰتِ ٱلنَّعِيمِ
Nga bali mu jjana ez'ebyengera
Ayah 43عَلَىٰ سُرُرࣲ مُّتَقَٰبِلِينَ
(Baliba) ku bitanda nga buli bamu boolekedde bannaabwe
Ayah 44يُطَافُ عَلَيۡهِم بِكَأۡسࣲ مِّن مَّعِينِۭ
Nga babayisaamu (mu kubagabula) eggiraasi z'ebyo'kunywa eziva mu nsulo ezitakalira
Ayah 45بَيۡضَآءَ لَذَّةࣲ لِّلشَّٰرِبِينَ
(Eby'okunywa ebyo) nga byeru ebiriwoomera abanywi
Ayah 46لَا فِيهَا غَوۡلࣱ وَلَا هُمۡ عَنۡهَا يُنزَفُونَ
Tebigenda kubaamu kirumya mutwe era nga bwebatagenda kutamiira olw'okubinywa
Ayah 47وَعِندَهُمۡ قَٰصِرَٰتُ ٱلطَّرۡفِ عِينࣱ
Era baliba balina abakyala ab'amaaso amakkakkamu amanene
Ayah 48كَأَنَّهُنَّ بَيۡضࣱ مَّكۡنُونࣱ
Abakyala abo balibanga amagi ageegenderezebwa obutayatika
Ayah 49فَأَقۡبَلَ بَعۡضُهُمۡ عَلَىٰ بَعۡضࣲ يَتَسَآءَلُونَ
Olwo nno abamu neboolekera bannaabwe nga bawaanyisaganya ebigambo
Ayah 50قَالَ قَآئِلࣱ مِّنۡهُمۡ إِنِّي كَانَ لِي قَرِينࣱ
Omwogezi (omu) ku bo aligamba nti mazima nze nalina ow'omukwano
Ayah 51يَقُولُ أَءِنَّكَ لَمِنَ ٱلۡمُصَدِّقِينَ
Yalinga angamba nti abaffe ggwe oli mu abo abakakasa
Ayah 52أَءِذَا مِتۡنَا وَكُنَّا تُرَابࣰ ا وَعِظَٰمًا أَءِنَّا لَمَدِينُونَ
Nti bwe tulifa netufuuka ettaka n’amagumba ameereere, abaffe tuli baakubalibwa
Ayah 53قَالَ هَلۡ أَنتُم مُّطَّلِعُونَ
Omukozi w’obulungi aligamba nti abaffe mulaba ekiri mu muliro
Ayah 54فَٱطَّلَعَ فَرَءَاهُ فِي سَوَآءِ ٱلۡجَحِيمِ
Olwo alitunulayo n’amulaba ng’ali mu makkati g’omuliro Jahiimu
Ayah 55قَالَ تَٱللَّهِ إِن كِدتَّ لَتُرۡدِينِ
Aligamba nti ndayidde Katonda wabula kata onzikirize
Ayah 56وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ
Singa si byengera bya Mukama omulabirizi wange nnaalibadde mu baleeteddwa (eri omuliro)
Ayah 57أَفَمَا نَحۡنُ بِمَيِّتِينَ
Ate ffe tetukyaddayo nakufa
Ayah 58إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ
Okugyako okufa kwaffe okwasooka era nga tetuli ba kubonerezebwa
Ayah 59إِنَّ هَٰذَا لَهُوَ ٱلۡفَوۡزُ ٱلۡعَظِيمُ
Mazima ekyo ddala kwo kwe kwesiima okusuffu
Ayah 60لِمِثۡلِ هَٰذَا فَلۡيَعۡمَلِ ٱلۡعَٰمِلُونَ
(N’olwekyo) ku lw’ebintu nga bino abatakabana baalitakabanye
Ayah 61أَذَٰلِكَ خَيۡرࣱ نُّزُلًا أَمۡ شَجَرَةُ ٱلزَّقُّومِ
Abaffe obwo bwe bugugenyi obulungi oba omuti gwa Zakkuumi
Ayah 62إِنَّا جَعَلۡنَٰهَا فِتۡنَةࣰ لِّلظَّٰلِمِينَ
Twagussaawo nga kikemo eri abeeyisa obubi
Ayah 63إِنَّهَا شَجَرَةࣱ تَخۡرُجُ فِيٓ أَصۡلِ ٱلۡجَحِيمِ
Mazima gwo muti guva ku ntobo ya muliro Jahiimu
Ayah 64طَلۡعُهَا كَأَنَّهُۥ رُءُوسُ ٱلشَّيَٰطِينِ
Ebibala byagwo (okumanya bibi) biringa emitwe gya Sitane
Ayah 65فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ
Mazima bo bagenda kugulyako bagenda kujjuza nagwo embuto
Ayah 66ثُمَّ إِنَّ لَهُمۡ عَلَيۡهَا لَشَوۡبࣰ ا مِّنۡ حَمِيمࣲ
Oluvanyuma bagenda kubongeza ku gwo eby'okunywa ebitabuddwa mu lweje
Ayah 67ثُمَّ إِنَّ مَرۡجِعَهُمۡ لَإِلَى ٱلۡجَحِيمِ
Oluvanyuma mazima obuddo bwabwe buli mu muliro Jahiimu
Ayah 68إِنَّهُمۡ أَلۡفَوۡاْ ءَابَآءَهُمۡ ضَآلِّينَ
Mazima bo baasanga bakadde baabwe nga babuze
Ayah 69فَهُمۡ عَلَىٰٓ ءَاثَٰرِهِمۡ يُهۡرَعُونَ
N’olwekyo bo mu buwufu bwabwe batwalibwa kantindiggwa
Ayah 70وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ
Era mazima oluberyeberye lwabwe abasinga obungi mu baasooka baabula
Ayah 71وَلَقَدۡ أَرۡسَلۡنَا فِيهِم مُّنذِرِينَ
So nga ate twatuma mu bo abatiisa
Ayah 72فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ
Kale tunuulira olabe enkomerero y'abaatiisibwa yali etya
Ayah 73إِلَّا عِبَادَ ٱللَّهِ ٱلۡمُخۡلَصِينَ
(Tewali yawona) okugyako abaddu ba Katonda abalondobemu
Ayah 74وَلَقَدۡ نَادَىٰنَا نُوحࣱ فَلَنِعۡمَ ٱلۡمُجِيبُونَ
Mazima Nuhu yatukoowoola naffe nno twali abaamwanukula obulungi
Ayah 75وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ
Netumuwonya n’abantube akabenje akayitirivu
Ayah 76وَجَعَلۡنَا ذُرِّيَّتَهُۥ هُمُ ٱلۡبَاقِينَ
Netufuula ezzadde lye nebaba bo nga be basigaddewo
Ayah 77وَتَرَكۡنَا عَلَيۡهِ فِي ٱلۡأٓخِرِينَ
Netumulekerawo okwogerwako okulungi mu balijja oluvanyuma
Ayah 78سَلَٰمٌ عَلَىٰ نُوحࣲ فِي ٱلۡعَٰلَمِينَ
Emirembe gibeere ku Nuhu (n’okwogerwako okulungi) mu bitonde byonna
Ayah 79إِنَّا كَذَٰلِكَ نَجۡزِي ٱلۡمُحۡسِنِينَ
Mazima ffe bwe tutyo bwe tusasula abakozi b’obulungi
Ayah 80إِنَّهُۥ مِنۡ عِبَادِنَا ٱلۡمُؤۡمِنِينَ
Mazima (Nuhu) ali mu baddu baffe abakkiriza aba nnamaddala
Ayah 81ثُمَّ أَغۡرَقۡنَا ٱلۡأٓخَرِينَ
Oluvanyuma twazikiriza abasigadde (abatakkiriza Nuhu)
Ayah 82۞وَإِنَّ مِن شِيعَتِهِۦ لَإِبۡرَٰهِيمَ
Era mazima ddala Ibrahim ali ku nkolaye(Nuhu)
Ayah 83إِذۡ جَآءَ رَبَّهُۥ بِقَلۡبࣲ سَلِيمٍ
Kubanga yajja ewa Mukama omulabiriziwe n’omutima omuyonjo
Ayah 84إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ
Bwe yagamba kitaawe n’abantu be nti biki bye musinza
Ayah 85أَئِفۡكًا ءَالِهَةࣰ دُونَ ٱللَّهِ تُرِيدُونَ
Ba katonda abajingirire bemwagala nemuleka Katonda
Ayah 86فَمَا ظَنُّكُم بِرَبِّ ٱلۡعَٰلَمِينَ
Olwo Mukama omulabirizi w’ebitonde byonna, ki kye mumulowoozaako
Ayah 87فَنَظَرَ نَظۡرَةࣰ فِي ٱلنُّجُومِ
Olwo nno naatunula olutunula mu munyeenye (nga enkola ya bantube bwe yali)
Ayah 88فَقَالَ إِنِّي سَقِيمࣱ
(Naagamba nti) mazima nze ndi mulwadde
Ayah 89فَتَوَلَّوۡاْ عَنۡهُ مُدۡبِرِينَ
Olwo nebamuvaako nebamulekawo
Ayah 90فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ
Olwo nadda ku ba katonda baabwe naalyoka abagamba nti lwaki temulya
Ayah 91مَا لَكُمۡ لَا تَنطِقُونَ
Mwabaaki, nga temwogera
Ayah 92فَرَاغَ عَلَيۡهِمۡ ضَرۡبَۢا بِٱلۡيَمِينِ
Olwo kwe kutandika okubatema n’omukono gwe ogwa ddyo
Ayah 93فَأَقۡبَلُوٓاْ إِلَيۡهِ يَزِفُّونَ
Olwo (abantu ba Ibrahim bwe baamanya kyakoze) bajja gyali nga banguwa
Ayah 94قَالَ أَتَعۡبُدُونَ مَا تَنۡحِتُونَ
(Ibrahim) naagamba nti, musinza ebyo bye mubajja
Ayah 95وَٱللَّهُ خَلَقَكُمۡ وَمَا تَعۡمَلُونَ
So nga Katonda yeeyabatonda mmwe n'ebyo bye mukola
Ayah 96قَالُواْ ٱبۡنُواْ لَهُۥ بُنۡيَٰنࣰ ا فَأَلۡقُوهُ فِي ٱلۡجَحِيمِ
Nebagamba nti mumuzimbire ekifo (mukikumemu omuliro) olwo nno mumukasuke mu nnabeengeya w’omuliro
Ayah 97فَأَرَادُواْ بِهِۦ كَيۡدࣰ ا فَجَعَلۡنَٰهُمُ ٱلۡأَسۡفَلِينَ
Mu kukola ekyo, baagenderera okumukolera olukwe (bamutte) wabula bbo netubafuula ab'awansi (bwe twalemesa olukwe lwabwe)
Ayah 98وَقَالَ إِنِّي ذَاهِبٌ إِلَىٰ رَبِّي سَيَهۡدِينِ
(Awo Ibrahim naasalawo okusenguka) era naagamba nti mazima nze ngenda ewa Mukama omulabirizi wange ajja kunnungamya
Ayah 99رَبِّ هَبۡ لِي مِنَ ٱلصَّٰلِحِينَ
Ayi Mukama omulabirizi wange ngabira (omwana) nga wa mu balongoofu
Ayah 100فَبَشَّرۡنَٰهُ بِغُلَٰمٍ حَلِيمࣲ
Olwo netumusanyusa nti ajja kufuna omwana omulenzi ow'ekisa
Ayah 101فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ
Omwana oyo (Ismail) bwe yatandika okutambula naye (Ibrahim) naagamba nti owange mutabani wange nkirabye lunye mu kirooto mazima nze nga nkusala kale tunula olabe, ogamba ki? (Ismail) naagamba nti owange taata kola ekyo kyolagirwa, Katonda nga ayagadde ojja kunsanga nga ndi mu bagumiikiriza
Ayah 102فَلَمَّآ أَسۡلَمَا وَتَلَّهُۥ لِلۡجَبِينِ
Bombi bwe baamala okwewaayo eri (ekiragiro kya Katonda) naamugalamiza nga amuwunzise
Ayah 103وَنَٰدَيۡنَٰهُ أَن يَٰٓإِبۡرَٰهِيمُ
Netumukoowoola nti owange Ibrahim
Ayah 104قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ
Mazima otuukirizza endooto, mazima ffe bwe tutyo bwe tusasula abalongoosa
Ayah 105إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ
Mazima ekyo (ekyatuuka ku Ibrahim n’omwana we) ddala kwe kugezesa okw'olwatu
Ayah 106وَفَدَيۡنَٰهُ بِذِبۡحٍ عَظِيمࣲ
Era (Ismail) twamununula n'ensolo ensuffu eyasalibwa
Ayah 107وَتَرَكۡنَا عَلَيۡهِ فِي ٱلۡأٓخِرِينَ
Netumulekerawo okwogerwako okulungi mu balijja oluvanyuma
Ayah 108سَلَٰمٌ عَلَىٰٓ إِبۡرَٰهِيمَ
Emirembe gibeere ku Ibrahim
Ayah 109كَذَٰلِكَ نَجۡزِي ٱلۡمُحۡسِنِينَ
Bwe tutyo bwe tusasula abalongoosa
Ayah 110إِنَّهُۥ مِنۡ عِبَادِنَا ٱلۡمُؤۡمِنِينَ
Mazima ye wa mu baddu baffe abakkiriza (abannamaddala)
Ayah 111وَبَشَّرۡنَٰهُ بِإِسۡحَٰقَ نَبِيࣰّ ا مِّنَ ٱلصَّٰلِحِينَ
Era twamusanyusa n’okumuwa Ishaak nga nabbi nga wa mu balongoofu
Ayah 112وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنࣱ وَظَالِمࣱ لِّنَفۡسِهِۦ مُبِينࣱ
Era twamuwa omukisa netuguwa ne Ishaak era mu zadde lyabwe bombi mwalimu omulongoosa n'yeeyisa obubi ow'olwatu
Ayah 113وَلَقَدۡ مَنَنَّا عَلَىٰ مُوسَىٰ وَهَٰرُونَ
Mazima twabunduggula ebyengera ku Musa ne Haruna
Ayah 114وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ
Netubawonya n’abantu baabwe bombi akabenje ak'amaanyi
Ayah 115وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ
Netubataasa nebaba bbo nga bawanguzi
Ayah 116وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ
Bombi twabawa ekitabo ekinnyonnyofu okutangaaza ekkubo
Ayah 117وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ
Era twabalungamya mu kkubo eggolokofu
Ayah 118وَتَرَكۡنَا عَلَيۡهِمَا فِي ٱلۡأٓخِرِينَ
Era bombi twabalekerawo okwogerwako okulungi mu balijja oluvanyuma
Ayah 119سَلَٰمٌ عَلَىٰ مُوسَىٰ وَهَٰرُونَ
Emirembe gibeere ku Musa ne Haruna
Ayah 120إِنَّا كَذَٰلِكَ نَجۡزِي ٱلۡمُحۡسِنِينَ
Mazima ffe bwe tutyo bwe tusasula abalongoosa
Ayah 121إِنَّهُمَا مِنۡ عِبَادِنَا ٱلۡمُؤۡمِنِينَ
Mazima bombi ba mu baddu baffe abakkiriza (abannamaddala)
Ayah 122وَإِنَّ إِلۡيَاسَ لَمِنَ ٱلۡمُرۡسَلِينَ
Era mazima ddala Elias wa mu babaka
Ayah 123إِذۡ قَالَ لِقَوۡمِهِۦٓ أَلَا تَتَّقُونَ
Jjukira ekiseera bwe yagamba abantu be abaffe temutya (Katonda)
Ayah 124أَتَدۡعُونَ بَعۡلࣰ ا وَتَذَرُونَ أَحۡسَنَ ٱلۡخَٰلِقِينَ
Musinza ekibumbe ne muleka (Katonda) omutonzi asinga abatonzi bonna
Ayah 125ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ
Katonda ye Mukama omulabirizi wa mmwe era ye Mukama omulabirizi wa bakadde ba mmwe abaasooka
Ayah 126فَكَذَّبُوهُ فَإِنَّهُمۡ لَمُحۡضَرُونَ
Ne bamulimbisa n’olwekyo mazima bo baakuleetebwa (babitebye)
Ayah 127إِلَّا عِبَادَ ٱللَّهِ ٱلۡمُخۡلَصِينَ
Okugyako abaddu ba Katonda abalondemu
Ayah 128وَتَرَكۡنَا عَلَيۡهِ فِي ٱلۡأٓخِرِينَ
Era twamulekera okwogerwako obulungi mu balijja oluvanyuma
Ayah 129سَلَٰمٌ عَلَىٰٓ إِلۡ يَاسِينَ
Emirembe gibe ku bantu ba Elias
Ayah 130إِنَّا كَذَٰلِكَ نَجۡزِي ٱلۡمُحۡسِنِينَ
Mazima ffe bwe tutyo bwe tusasula abalongoosa
Ayah 131إِنَّهُۥ مِنۡ عِبَادِنَا ٱلۡمُؤۡمِنِينَ
Mazima ye wa mu baddu baffe abakkiriza abannamaddala
Ayah 132وَإِنَّ لُوطࣰ ا لَّمِنَ ٱلۡمُرۡسَلِينَ
Era mazima Luutu wa mu babaka
Ayah 133إِذۡ نَجَّيۡنَٰهُ وَأَهۡلَهُۥٓ أَجۡمَعِينَ
(Jjukira) bwe twamuwonya n’abantube bonna
Ayah 134إِلَّا عَجُوزࣰ ا فِي ٱلۡغَٰبِرِينَ
Okugyako omukadde (Mukyalawe) eyali mu baasigala
Ayah 135ثُمَّ دَمَّرۡنَا ٱلۡأٓخَرِينَ
Oluvanyuma twazikiriza abaasigala
Ayah 136وَإِنَّكُمۡ لَتَمُرُّونَ عَلَيۡهِم مُّصۡبِحِينَ
Era mazima mmwe mubayitako (muyita ku matongo gaabwe) ku makya
Ayah 137وَبِٱلَّيۡلِۚ أَفَلَا تَعۡقِلُونَ
N'ekiro abaffe temutegeera
Ayah 138وَإِنَّ يُونُسَ لَمِنَ ٱلۡمُرۡسَلِينَ
Era mazima Yunus wa mu babaka
Ayah 139إِذۡ أَبَقَ إِلَى ٱلۡفُلۡكِ ٱلۡمَشۡحُونِ
Jjukira (bwe yasuulawo omulimu Katonda gwe yamukwasa) naalinnya eryato eryali limaze okutikka
Ayah 140فَسَاهَمَ فَكَانَ مِنَ ٱلۡمُدۡحَضِينَ
(Bwe lyasemberera okusaanawo olw'okuba lyali litisse nnyo), olwo nno (Yunus) yeetaba mu kalulu (ak'okusalawo ab'okukasukibwa mu nnyanja, akalulu kaagenda okuggwa) nga ali mu be kakutte (ne bamukasuka mu nnyanja)
Ayah 141فَٱلۡتَقَمَهُ ٱلۡحُوتُ وَهُوَ مُلِيمࣱ
Olwo nno ekyennyanja kwe kumumira nga ye y'anenyezebwa
Ayah 142فَلَوۡلَآ أَنَّهُۥ كَانَ مِنَ ٱلۡمُسَبِّحِينَ
Singa mazima ddala teyali mu batendereza (Katonda)
Ayah 143لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ
Yandibadde mu lubuto lwakyo okutuusa ku lunaku lwe balizuukizibwa
Ayah 144۞فَنَبَذۡنَٰهُ بِٱلۡعَرَآءِ وَهُوَ سَقِيمࣱ
Wabula twamukasuka ku lukalu naye nga yali mulwadde
Ayah 145وَأَنۢبَتۡنَا عَلَيۡهِ شَجَرَةࣰ مِّن يَقۡطِينࣲ
Twamumereza ekimera eky'ekiryo (kimusiikirize kimugobeko n'ensowera)
Ayah 146وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ
Era twamutuma eri abantu emitwalo kkumi oba okusingawo
Ayah 147فَـَٔامَنُواْ فَمَتَّعۡنَٰهُمۡ إِلَىٰ حِينࣲ
Bakkiriza, olwo nno netubeeyagaza okutuuka ebbanga eggere
Ayah 148فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ
Kaakano ggwe babuuze (aba Kuraish) nti Mukama omulabiriziwo y'aba n'abawala bo nebaba n’abalenzi
Ayah 149أَمۡ خَلَقۡنَا ٱلۡمَلَٰٓئِكَةَ إِنَٰثࣰ ا وَهُمۡ شَٰهِدُونَ
Oba abaffe bo baaliwo nga tutonda ba Malayika nga bakazi
Ayah 150أَلَآ إِنَّهُم مِّنۡ إِفۡكِهِمۡ لَيَقُولُونَ
Abange mazima mu kutemerera kwabwe batuuka n'okugamba nti
Ayah 151وَلَدَ ٱللَّهُ وَإِنَّهُمۡ لَكَٰذِبُونَ
Katonda yazaala nga ate ddala bo balimba
Ayah 152أَصۡطَفَى ٱلۡبَنَاتِ عَلَى ٱلۡبَنِينَ
(Katonda) asalawo okutwala abawala n'aleka abalenzi
Ayah 153مَا لَكُمۡ كَيۡفَ تَحۡكُمُونَ
Mwabaaki mulamula mutya (ebintu)
Ayah 154أَفَلَا تَذَكَّرُونَ
Abaffe temwebuulirira
Ayah 155أَمۡ لَكُمۡ سُلۡطَٰنࣱ مُّبِينࣱ
Oba mulina obujulizi obweyolefu (nga kye kibakozesa ekyo)
Ayah 156فَأۡتُواْ بِكِتَٰبِكُمۡ إِن كُنتُمۡ صَٰدِقِينَ
Kale muleete ekiwandiiko kyammwe bwe muba ab'amazima
Ayah 157وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبࣰ اۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ
(Abatakkiriza) nebateeka oluganda wakati we (Katonda) n'amajinni, nga ate amajinni gamanyi nti mazima ggo gaakuleetebwa (mu maaso ga Katonda gabitebye)
Ayah 158سُبۡحَٰنَ ٱللَّهِ عَمَّا يَصِفُونَ
Katonda musukkulumu ku bye boogera
Ayah 159إِلَّا عِبَادَ ٱللَّهِ ٱلۡمُخۡلَصِينَ
Wabula abaddu ba Katonda abalondobemu (anti bbo tebagwa mu kiti kyabo abamwogerako eby'ensimattu)
Ayah 160فَإِنَّكُمۡ وَمَا تَعۡبُدُونَ
Kale nno mazima ddala mmwe n'ebyo bye musinza
Ayah 161مَآ أَنتُمۡ عَلَيۡهِ بِفَٰتِنِينَ
Temusobola mmwe kufiiriza Katonda (ne mumujjako abaddu be)
Ayah 162إِلَّا مَنۡ هُوَ صَالِ ٱلۡجَحِيمِ
Be ppo oyo y'ewokwesonseka omuliro Jahiimu (oyo musobola okumubuza)
Ayah 163وَمَا مِنَّآ إِلَّا لَهُۥ مَقَامࣱ مَّعۡلُومࣱ
(Ba Malayika ne bagamba nti) era tewali n'omu ku ffe okugyako nga alina ekifo ekimanyiddwa
Ayah 164وَإِنَّا لَنَحۡنُ ٱلصَّآفُّونَ
Era mazima ffe (bulijjo) ffe tubeera mu nnyiriri (nga tusinza Katonda)
Ayah 165وَإِنَّا لَنَحۡنُ ٱلۡمُسَبِّحُونَ
Era mazima ffe ddala ffe abatendereza (Katonda)
Ayah 166وَإِن كَانُواْ لَيَقُولُونَ
Newaakubadde nga (abakaafiiri) ddala bagamba nti
Ayah 167لَوۡ أَنَّ عِندَنَا ذِكۡرࣰ ا مِّنَ ٱلۡأَوَّلِينَ
Ddala singa twalina okujjukizibwa nga kuva eri abaasooka
Ayah 168لَكُنَّا عِبَادَ ٱللَّهِ ٱلۡمُخۡلَصِينَ
Twandibadde abaddu ba Katonda abalondobemu
Ayah 169فَكَفَرُواْ بِهِۦۖ فَسَوۡفَ يَعۡلَمُونَ
(Wabula kitalo byonna ebyo bwe byajja nga ne Nabbi Muhammad kwali) baabiwakanya, kale kyaddaaki balimanya
Ayah 170وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ
Mazima kyakulembera ekigambo kyaffe eri abaddu baffe abaatumwa
Ayah 171إِنَّهُمۡ لَهُمُ ٱلۡمَنصُورُونَ
Nti mazima bbo ddala be b'okutaasibwa
Ayah 172وَإِنَّ جُندَنَا لَهُمُ ٱلۡغَٰلِبُونَ
Era mazima eggye lyaffe ddala bo be baba abawanguzi
Ayah 173فَتَوَلَّ عَنۡهُمۡ حَتَّىٰ حِينࣲ
Kale baveeko okutuusa ekiseera ekigere
Ayah 174وَأَبۡصِرۡهُمۡ فَسَوۡفَ يُبۡصِرُونَ
Era batunuulire kyaddaaki baliraba
Ayah 175أَفَبِعَذَابِنَا يَسۡتَعۡجِلُونَ
Abaffe ebibonerezo byaffe bye basaba bibatuukeko mangu
Ayah 176فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ
Lwe birituuka mu lujja lwabwe galiba makya mabi eri abaaweebwa amawulire agabatiisa (omuliro ne batawulira)
Ayah 177وَتَوَلَّ عَنۡهُمۡ حَتَّىٰ حِينࣲ
Era baveeko okutuusa ekiseera ekigere
Ayah 178وَأَبۡصِرۡ فَسَوۡفَ يُبۡصِرُونَ
Era tunula kyaddaaki baliraba
Ayah 179سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ
Mukama omulabirizi wo, nannyini buyinza musukkulumu Ku ebyo bye boogera
Ayah 180وَسَلَٰمٌ عَلَى ٱلۡمُرۡسَلِينَ
Era emirembe gibeere ku babaka (ba Katonda)
Ayah 181وَٱلۡحَمۡدُ لِلَّهِ رَبِّ ٱلۡعَٰلَمِينَ
Era buli kitendo kya Mukama omulabirizi w'ebitonde
Ayah 182