Surah Al-Ma'aarij — The Ascending Stairways
Surah Al-Ma'aarij (The Ascending Stairways) is chapter 70 of the Quran, with 44 verses. This page presents the Arabic text with a Fula translation, verse by verse.
سَأَلَ سَآئِلُۢ بِعَذَابࣲ وَاقِعࣲ
Torotooɗo torike lette yanayɗe
Ayah 1لِّلۡكَٰفِرِينَ لَيۡسَ لَهُۥ دَافِعࣱ
wonannde heeferɓe ɓen, alaa duñanoowo ɓe ɗe
Ayah 2مِّنَ ٱللَّهِ ذِي ٱلۡمَعَارِجِ
ko immorde ka Allah, Jom ƴawruɗe
Ayah 3تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمࣲ كَانَ مِقۡدَارُهُۥ خَمۡسِينَ أَلۡفَ سَنَةࣲ
Malaa'ka'en wonndude e Jibriilu hino ƴawa faade e Makko, e nder ñalaande nde eɓɓoore mun woni duuɓi ujune cappanɗe jowi
Ayah 4فَٱصۡبِرۡ صَبۡرࣰ ا جَمِيلًا
Muñño tun, muñal labaangal
Ayah 5إِنَّهُمۡ يَرَوۡنَهُۥ بَعِيدࣰ ا
Kamɓe hiɓe yi*a (lette) ɗen ko woɗɗuɗe
Ayah 6وَنَرَىٰهُ قَرِيبࣰ ا
Meɗen reeni ɗe Menen ko ɓadiiɗe
Ayah 7يَوۡمَ تَكُونُ ٱلسَّمَآءُ كَٱلۡمُهۡلِ
Ñalnde kammu ngun wa'oyta wa ko taayinaa
Ayah 8وَتَكُونُ ٱلۡجِبَالُ كَٱلۡعِهۡنِ
pelle ɗen wa'oya wa hottolle kardaako
Ayah 9وَلَا يَسۡـَٔلُ حَمِيمٌ حَمِيمࣰ ا
ka ɓadondiraaɗo lamdotaako fii jeydaaɗo mun
Ayah 10يُبَصَّرُونَهُمۡۚ يَوَدُّ ٱلۡمُجۡرِمُ لَوۡ يَفۡتَدِي مِنۡ عَذَابِ يَوۡمِئِذِۭ بِبَنِيهِ
Hiɓe hollindiree. Bonɗo on yeloto sottorgol lette ɗen nden ñalnde, ɓiɗɓe makko ɓen
Ayah 11وَصَٰحِبَتِهِۦ وَأَخِيهِ
e gennda makko, e neene gooto makko on
Ayah 12وَفَصِيلَتِهِ ٱلَّتِي تُـٔۡوِيهِ
e gorol makko ngol moolayngol mo
Ayah 13وَمَن فِي ٱلۡأَرۡضِ جَمِيعࣰ ا ثُمَّ يُنجِيهِ
e kala wonɓe ka leydi ɓen, fii no ɗum daɗndira mo
Ayah 14كَلَّآۖ إِنَّهَا لَظَىٰ
Ɗum gasataa. Ngen [Yiite] ko uuyunge
Ayah 15نَزَّاعَةࣰ لِّلشَّوَىٰ
ɓoltaynge guri hoore
Ayah 16تَدۡعُواْ مَنۡ أَدۡبَرَ وَتَوَلَّىٰ
Hinge nodda on ɗuurniiɗo o hucciti
Ayah 17وَجَمَعَ فَأَوۡعَىٰٓ
o mooɓi (jawle) o mari e marirgel
Ayah 18۞إِنَّ ٱلۡإِنسَٰنَ خُلِقَ هَلُوعًا
Pellet, neɗɗo tagaama ko o ɗenƴotooɗo
Ayah 19إِذَا مَسَّهُ ٱلشَّرُّ جَزُوعࣰ ا
si bone memii mo, o faaya
Ayah 20وَإِذَا مَسَّهُ ٱلۡخَيۡرُ مَنُوعًا
si ko mo moƴƴere heɓi mo, o salora
Ayah 21إِلَّا ٱلۡمُصَلِّينَ
Si wanaa juulooɓe ɓen. @Corrected
Ayah 22ٱلَّذِينَ هُمۡ عَلَىٰ صَلَاتِهِمۡ دَآئِمُونَ
ɓen tawɓe ko ɓe duumiiɓe e juulde maɓɓe nden
Ayah 23وَٱلَّذِينَ فِيٓ أَمۡوَٰلِهِمۡ حَقࣱّ مَّعۡلُومࣱ
E ɓen tawɓe hino ka jawle maɓɓe haqqee anndaaɗo
Ayah 24لِّلسَّآئِلِ وَٱلۡمَحۡرُومِ
wonannde torotooɗo e haɗitiiɗi
Ayah 25وَٱلَّذِينَ يُصَدِّقُونَ بِيَوۡمِ ٱلدِّينِ
e ɓen gomɗimɓe ñalaande njoɓdi diina
Ayah 26وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ
E ɓen tawɓe ko ɓe huluɓe lette Joomi maɓɓe ɗen
Ayah 27إِنَّ عَذَابَ رَبِّهِمۡ غَيۡرُ مَأۡمُونࣲ
tawde pellet, lette Joomi maɓɓe ɗen wanaa hoolniiɗe
Ayah 28وَٱلَّذِينَ هُمۡ لِفُرُوجِهِمۡ حَٰفِظُونَ
E ɓen tawɓe ko reenuɓe farjuuji maɓɓe ɗin
Ayah 29إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ
si wanaa e rewɓe maɓɓe maa ɓen horɓe maɓɓe ɓe ɓe jeyiri ñaame maɓɓe, ɗon on ɓe feletaake
Ayah 30فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ
Kala non ɗaɓɓuɗo [ka dakmitora] caggal ɗum, haray ko ɓen woni jaggituɓe ɓen
Ayah 31وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ
E ɓen tawɓe ko aynituɓe koolaaje e aadiiji maɓɓe ɗin
Ayah 32وَٱلَّذِينَ هُم بِشَهَٰدَٰتِهِمۡ قَآئِمُونَ
E ɓen tawɓe ko ñiiɓuɓe e seedeeji mun
Ayah 33وَٱلَّذِينَ هُمۡ عَلَىٰ صَلَاتِهِمۡ يُحَافِظُونَ
e ɓen tawɓe ko reenooɓe e juulde maɓɓe nden
Ayah 34أُوْلَٰٓئِكَ فِي جَنَّٰتࣲ مُّكۡرَمُونَ
Ɓen ɗon ko teddinoyteeɓe e Aljannaaji
Ayah 35فَمَالِ ٱلَّذِينَ كَفَرُواْ قِبَلَكَ مُهۡطِعِينَ
E ko heɓi yedduɓe ɓen takko maaɗa, hiɓe heñora
Ayah 36عَنِ ٱلۡيَمِينِ وَعَنِ ٱلشِّمَالِ عِزِينَ
ka nano e ka ñaamo, ko ɓe dentoy-dentoy
Ayah 37أَيَطۡمَعُ كُلُّ ٱمۡرِيࣲٕ مِّنۡهُمۡ أَن يُدۡخَلَ جَنَّةَ نَعِيمࣲ
Hara gooto kala e maɓɓe tamƴinoto naatoygol Aljanna neemaaji
Ayah 38كَلَّآۖ إِنَّا خَلَقۡنَٰهُم مِّمَّا يَعۡلَمُونَ
Ɗun waɗataa ! Men tagiriɓe ko ɓe anndi
Ayah 39فَلَآ أُقۡسِمُ بِرَبِّ ٱلۡمَشَٰرِقِ وَٱلۡمَغَٰرِبِ إِنَّا لَقَٰدِرُونَ
Mi woondirii Jeyɗo fuɗirɗe e mutirɗe On, pellet, ko Men hattanɓe
Ayah 40عَلَىٰٓ أَن نُّبَدِّلَ خَيۡرࣰ ا مِّنۡهُمۡ وَمَا نَحۡنُ بِمَسۡبُوقِينَ
wattitirgol ɓe ko ɓuri ɓe moƴƴude, Men siforaa ronkugol [ɗum]
Ayah 41فَذَرۡهُمۡ يَخُوضُواْ وَيَلۡعَبُواْ حَتَّىٰ يُلَٰقُواْ يَوۡمَهُمُ ٱلَّذِي يُوعَدُونَ
Accuɓe ɓe jumpa, ɓe fija haa ɓe hawroya e ñalaande maɓɓe nde ɓe kammbirananoo
Ayah 42يَوۡمَ يَخۡرُجُونَ مِنَ ٱلۡأَجۡدَاثِ سِرَاعࣰ ا كَأَنَّهُمۡ إِلَىٰ نُصُبࣲ يُوفِضُونَ
ñalnde ɓe yaltiroyta e genaale ɗen heñaare, wa si tawii ko kaaƴe (sanamu) ɓe woni wugganaade
Ayah 43خَٰشِعَةً أَبۡصَٰرُهُمۡ تَرۡهَقُهُمۡ ذِلَّةࣱۚ ذَٰلِكَ ٱلۡيَوۡمُ ٱلَّذِي كَانُواْ يُوعَدُونَ
Hara gite maɓɓe no heli, koyeera no suddi ɓe. Ko nden ñalaande woni ko ɓe kammbirananoo
Ayah 44