Surah Al-Mutaffifin — Defrauding

Surah Al-Mutaffifin (Defrauding) is chapter 83 of the Quran, with 36 verses. This page presents the Arabic text with a Pashto translation, verse by verse.

وَيۡلࣱ لِّلۡمُطَفِّفِينَ

(په تول او پېمانه كې) كمي كوونكو لره هلاكت دى

Ayah 1

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ

هغه كسان چې دوى له خلقو نه ځان ته پېمانه اخلي (، نو) پوره (يې) اخلي

Ayah 2

وَإِذَا كَالُوهُمۡ أَو وَّزَنُوهُمۡ يُخۡسِرُونَ

او كله چې دغو (خلقو) ته پېمانه وركوي، یا يې دوى ته تلي (، نو) كمى كوي

Ayah 3

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ

ایا دغه خلق یقین نه كوي چې بېشكه دوى به بیا راژوندي كول شي

Ayah 4

لِيَوۡمٍ عَظِيمࣲ‏

په ډېره لویه ورځ كې (د حساب لپاره)

Ayah 5

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ

هغه ورځ چې خلق به ’’رب العلمین‘‘ ته ودرېږي

Ayah 6

كَلَّآ إِنَّ كِتَٰبَ ٱلۡفُجَّارِ لَفِي سِجِّينࣲ‏

هیڅكله داسې نه ده په كار، بېشكه د فاجرانو (كافرانو) كتاب (لیكل شوي عملونه) خامخا په سجین كې دي

Ayah 7

وَمَآ أَدۡرَىٰكَ مَا سِجِّينࣱ‏

او ته څه شي پوه كړې چې سجین څه شى دى

Ayah 8

كِتَٰبࣱ مَّرۡقُومࣱ‏

یو دفتر (كتاب) دى لیكل شوى

Ayah 9

وَيۡلࣱ يَوۡمَئِذࣲ لِّلۡمُكَذِّبِينَ

په دغې ورځ كې د دروغ ګڼونكو لپاره هلاكت دى

Ayah 10

ٱلَّذِينَ يُكَذِّبُونَ بِيَوۡمِ ٱلدِّينِ

هغه كسان چې د بدلې ورځ دروغ ګڼي

Ayah 11

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ

او دغه (ورځ) دروغ نه ګڼي مګر هر زیاتي كوونكى، سخت ګناه ګار

Ayah 12

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ

كله چې ده ته زمونږ ایتونه تلاوت كولى شي؛ دى وايي: (دا) د ړومبنیو (خلقو) باطلې قصې دي

Ayah 13

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ

داسې نه ده، بلكې د دوى په زړونو باندې هغو (د ګناه عملونو) زنګ لګولى دى چې دوى به كول

Ayah 14

كَلَّآ إِنَّهُمۡ عَن رَّبِّهِمۡ يَوۡمَئِذࣲ لَّمَحۡجُوبُونَ

داسې نه ده په كار، بېشكه دوى به په دغې ورځ كې له خپل رب نه یقینًا په حجاب (بند) كړى شوي وي

Ayah 15

ثُمَّ إِنَّهُمۡ لَصَالُواْ ٱلۡجَحِيمِ

بیا بېشكه دوى یقینًا دوزخ ته ننوتونكي دي

Ayah 16

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ

بیا به (دوى ته) ویلى شي: دا هغه (دوزخ) دى چې تاسو به دا دروغ ګاڼه

Ayah 17

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ

داسې نه ده، بېشكه د نېكانو (خلقو) عملنامې (لیكلى كتاب) خامخا په ’’علِّیین‘‘ كې دي

Ayah 18

وَمَآ أَدۡرَىٰكَ مَا عِلِّيُّونَ

او ته څه شي پوه كړې چې ’’علّیون‘‘ څه شى دى

Ayah 19

كِتَٰبࣱ مَّرۡقُومࣱ‏

یو دفتر (كتاب) دى چې لیكل شوى دى

Ayah 20

يَشۡهَدُهُ ٱلۡمُقَرَّبُونَ

چې ده ته مقرب (بنده ګان او ملايك) حاضرېږي

Ayah 21

إِنَّ ٱلۡأَبۡرَارَ لَفِي نَعِيمٍ

بېشكه نېكان خلق یقینًا په نعمتونو كې دي

Ayah 22

عَلَى ٱلۡأَرَآئِكِ يَنظُرُونَ

دوى به په تختونو باندې (ناست) وي، ګوري به

Ayah 23

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ

(اى كتونكیه!) ته به د دوى په مخونو كې د نعمتونو تازګي وینې

Ayah 24

يُسۡقَوۡنَ مِن رَّحِيقࣲ مَّخۡتُومٍ

په دوى به مُهر (ټاپه) كړى شوي خالص شراب څښولى شي

Ayah 25

خِتَٰمُهُۥ مِسۡكࣱۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ

چې د دغو مُهر (ټاپه) به مشك وي، او په دغه (نعمتونو) كې، پس په كار ده چې رغبت كوونكي رغبت وكړي

Ayah 26

وَمِزَاجُهُۥ مِن تَسۡنِيمٍ

د دغو (شرابو) ګډون له تسنیم (چينې) څخه دى

Ayah 27

عَيۡنࣰ ا يَشۡرَبُ بِهَا ٱلۡمُقَرَّبُونَ

چې یوه چینه ده چې له دې نه به (د الله) مقربین څښي

Ayah 28

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ

بېشكه هغه كسان چې جرم (د كفر) يې كړى دى۔، دوى به په هغو كسانو پورې خندا كوله چې ایمان يې راوړى و

Ayah 29

وَإِذَا مَرُّواْ بِهِمۡ يَتَغَامَزُونَ

او كله چې به د دوى (مومنانو) په خوا كې تېرېدل (نو) په خپلو منځونو كې به يې سترګكونه وهل

Ayah 30

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ

او كله چې به دوى خپلو كورونو ته واپس كېدل (نو) خوشاله به واپس كېدل

Ayah 31

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ

او كله چې به دوى دغه (مسلمانان) وليدل (نو) ويل به يې: بېشكه دغه خلق یقینًا ګمراهان دي

Ayah 32

وَمَآ أُرۡسِلُواْ عَلَيۡهِمۡ حَٰفِظِينَ

حال دا چې دوى په دغو (مومنانو) باندې نګرانان (څوكيداران) نه وو لېږل شوي

Ayah 33

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ

نو په نن ورځ به هغه كسان چې ایمان يې راوړى دى؛ په كافرانو پورې خندا كوي

Ayah 34

عَلَى ٱلۡأَرَآئِكِ يَنظُرُونَ

په تختونو باندې به ناست وي، چې ګوري به

Ayah 35

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ

یقینًا كافرانو ته د هغه څه بدله وركړى شوه چې دوى به كول

Ayah 36