Surah Al-Alaq — The Clot

Surah Al-Alaq (The Clot) is chapter 96 of the Quran, with 19 verses. This page presents the Arabic text with a Tatar translation, verse by verse.

ٱقۡرَأۡ بِٱسۡمِ رَبِّكَ ٱلَّذِي خَلَقَ

Ий Мухәммәд г-м Коръәнне укы һәрнәрсәне халык кылучы Раббың исеме илә

Ayah 1

خَلَقَ ٱلۡإِنسَٰنَ مِنۡ عَلَقٍ

Ул халык кылды кешене оешкан каннан

Ayah 2

ٱقۡرَأۡ وَرَبُّكَ ٱلۡأَكۡرَمُ

Укыгыл, синең Раббың – Аллаһ бик хөрмәтле вә юмарттыр

Ayah 3

ٱلَّذِي عَلَّمَ بِٱلۡقَلَمِ

Ул – Аллаһ каләм белән язуны өйрәтте

Ayah 4

عَلَّمَ ٱلۡإِنسَٰنَ مَا لَمۡ يَعۡلَمۡ

Кешегә белмәгән нәрсәләрен өйрәтте

Ayah 5

كَلَّآ إِنَّ ٱلۡإِنسَٰنَ لَيَطۡغَىٰٓ

Юк, Без кеше өчен никадәр мәрхәмәтле һәм юмарт булсак та, тәхкыйк кеше Без куйган чиктән үтәдер, аннары азып адашадыр

Ayah 6

أَن رَّءَاهُ ٱسۡتَغۡنَىٰٓ

Үзен Аллаһуга мохтаҗ түгел дип белеп. (Әлбәттә, кеше дөньяда һәм ахирәттә Аллаһуга мохтаҗ икәнен белсә, һич Аллаһуга каршылык кыла алмый. Фәкать Аллаһуга үзенең мохтаҗ икәнлеген белмәгән кеше Аллаһуга карышып Аңа дошман буладыр, аннары җәһәннәмгә китә)

Ayah 7

إِنَّ إِلَىٰ رَبِّكَ ٱلرُّجۡعَىٰٓ

Тәхкыйк җәза өчен кыямәт көнне кубарылып кайту Раббыңадыр

Ayah 8

أَرَءَيۡتَ ٱلَّذِي يَنۡهَىٰ

Әйә күрдеңме, берәүнең намаз укучыны намаздан тыюы тиешме, яхшы эшме

Ayah 9

عَبۡدًا إِذَا صَلَّىٰٓ

Ул Аллаһ колы – Мухәммәд г-м үзенең, иң зур бурычын үтәү өчен намаз укыганда

Ayah 10

أَرَءَيۡتَ إِن كَانَ عَلَى ٱلۡهُدَىٰٓ

Әйә ул намаз укучы Аллаһ колын намаз укудан тыю дөресме, ул һәркемгә яхшылыкны гына теләүче һәм хак туры юлда булса да

Ayah 11

أَوۡ أَمَرَ بِٱلتَّقۡوَىٰٓ

Әйә ул Аллаһ колын намаз укудан тыю дөрес булырмы, ул кешеләрне Аллаһудан куркырга һәм гөнаһлардан сакланып изге гамәлләр кылырга өндәсә дә? (Әбү Җәһел бервакытны, әгәр Мухәммәднең сәҗдә кылганын күрсәм, әлбәттә, башын кисәчәкмен, дип вәгъдә кылды, һәм Мухәммәднең сәҗдә кылганын күргәч, теләген үтәргә ашыгып килде ләкин барып җитмичә, барча» әгъзалары калтыраган хәлдә кире китте. Иптәшләре: сиңа ни булды, дип сорадылар, ул: минем белән Мухәммәд арасында уттан дивар килеп чыкты аз гына янмыйча калдым, диде)

Ayah 12

أَرَءَيۡتَ إِن كَذَّبَ وَتَوَلَّىٰٓ

Әйә ул намаздан тыючы кәфер, үзе Аллаһ китабы Коръәнне ялган дисә дә һәм Раббысына итагать итүдән вә Аңа гыйбадәт кылудан баш тартса да, намаздан тыямы, намаздан тыярга үзен хаклы саныймы

Ayah 13

أَلَمۡ يَعۡلَم بِأَنَّ ٱللَّهَ يَرَىٰ

Әйә намаздан тыючы ул кәфер белмиме Аллаһуның һәркемне күргәнен

Ayah 14

كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

Юк, алай кирәкмәс, намаздан тыю ни кабахәт эшдер, әгәр ул бу эшеннән туктамаса, әлбәттә, маңгай чәченнән тотып җәһәннәмгә өстерәрбез

Ayah 15

نَاصِيَةࣲ كَٰذِبَةٍ خَاطِئَةࣲ‏

Һәр эшне хата, ялганчы һәм зур гөнаһ кылучының маңгай чәченнән өстерәрбез. (Ул кәфер минем дусларым күп, дип мактанды)

Ayah 16

فَلۡيَدۡعُ نَادِيَهُۥ

Ул намаздан тыючы кәфер, чакырсын үзенең ярдәмчеләрен

Ayah 17

سَنَدۡعُ ٱلزَّبَانِيَةَ

Без тиздән ґәзаб фәрештәләрен чакырырбыз, аларны җәһәннәмгә өстерәрбез

Ayah 18

كَلَّا لَا تُطِعۡهُ وَٱسۡجُدۡۤ وَٱقۡتَرِب۩

Юк, кирәкмәс, намаздан тыю бик яман кабахәт эштер, аңа итагать итмә сүзенә колак салма, сәҗдә кыл, намаз укы һәм Аллаһуга ятсын булуны кәсеп ит! (Беренче иңгән бу сүрәдә үк Аллаһ намаз укырга әмер бирде. Чөнки намаздан башка иман да, дин дә юк. Намаз – диннең йөрәге һәм башыдыр)

Ayah 19