Surah Al-Muddaththir — The Cloaked One

Surah Al-Muddaththir (The Cloaked One) is chapter 74 of the Quran, with 56 verses. This page presents the Arabic text with a Tatar translation, verse by verse.

يَٰٓأَيُّهَا ٱلۡمُدَّثِّرُ

Ий тышкы киеме илә бөркәнгән пәйгамбәр

Ayah 1

قُمۡ فَأَنذِرۡ

Торгыл, кешеләрне Аллаһ ґәзабы белән куркыт! Мухәммәд г-м җир белән күк арасында тәхеткә утырган Җәбраил фәрештәне күреп курыкты, тиз генә өенә кайтып ятты һәм Хәдиҗәгә тышкы киемнәре белән капларга кушты. Шул вакыт Җәбраил ошбу сүрәнен, аятьләрен китерә башлады. Бу сүрә икенче иңгән сүрәдер

Ayah 2

وَرَبَّكَ فَكَبِّرۡ

Раббыңны зурлап тәкбир әйт

Ayah 3

وَثِيَابَكَ فَطَهِّرۡ

Вә киемеңне нәҗәсәттән пакь кыл

Ayah 4

وَٱلرُّجۡزَ فَٱهۡجُرۡ

Аллаһуның ачуына илтә торган эшләрне ташла

Ayah 5

وَلَا تَمۡنُن تَسۡتَكۡثِرُ

Кешегә бернәрсә бирсәң аннан күбрәкне өмет итеп бирмә

Ayah 6

وَلِرَبِّكَ فَٱصۡبِرۡ

Вә Раббың ризасы өчен кәферләрнең дошманлыгына сабыр ит, чыда

Ayah 7

فَإِذَا نُقِرَ فِي ٱلنَّاقُورِ

Әгәр кыямәт өчен сур өрелсә

Ayah 8

فَذَٰلِكَ يَوۡمَئِذࣲ يَوۡمٌ عَسِيرٌ

Менә шул көн каты көндер

Ayah 9

عَلَى ٱلۡكَٰفِرِينَ غَيۡرُ يَسِيرࣲ‏

Кәферләргә җиңеллеге юк авыр көндер

Ayah 10

ذَرۡنِي وَمَنۡ خَلَقۡتُ وَحِيدࣰ ا

Мин халык кылган бер кеше белән Мине ялгызымны гына куй

Ayah 11

وَجَعَلۡتُ لَهُۥ مَالࣰ ا مَّمۡدُودࣰ ا

Мин аңа төрле-төрле күп мал бирдем

Ayah 12

وَبَنِينَ شُهُودࣰ ا

Вә үзе янында гына тора торган балалар бирдек, ягъни аталары бай булгач, балалары сәүдә белән китеп йөрмәделәр

Ayah 13

وَمَهَّدتُّ لَهُۥ تَمۡهِيدࣰ ا

Вә аңа тормышны никадәр киң кылу белән киң кылдым

Ayah 14

ثُمَّ يَطۡمَعُ أَنۡ أَزِيدَ

Моның соңында да Минем аңа мал арттырмагымны өмет итәдер

Ayah 15

كَلَّآۖ إِنَّهُۥ كَانَ لِأٓيَٰتِنَا عَنِيدࣰ ا

Юк инде, Бездән яхшылык көтмәсен, тәхкыйк ул Безнең аятьләребезгә карыша иде

Ayah 16

سَأُرۡهِقُهُۥ صَعُودًا

Аны бик мәшәкатьле булган ґәзабка кертермен. Ул Вәлид исемле бер бай мөшриктер, Мәккә мөшрикләре аңа киңәшкә килделәр һәм Коръән вә Мухәммәд хакында аның фикерен сорадылар. Вәлид әйтте: "Сез Мухәммәдне дивана дисез, бу сүзегез һич дөрес түгел, аның гакыллы икәнлеге тирә-якка мәгълүмдер. Сез аны сихерче дисез, аның сихер белән шөгыльләнгәне һич заһир булганы юк. Сез аны ялганчы дисез, аның ялган сөйләгәнен бу көнгәчә һичкем ишеткәне юк, һәм аның сүзләре шагыйрь сүзенә дә охшамый", – дип. Мөшрикләр: син нинди киңәш бирәсең, аңа ни дип әйтик, диделәр. Вәлид аларның сорауларына җавап бире алмыйча уйга калды

Ayah 17

إِنَّهُۥ فَكَّرَ وَقَدَّرَ

Тәхкыйк ул – Вәлид Коръән һәм пәйгамбәр хакында ничек мәкерлек кылырга дип фикерләде, үзенчә халыкларга сөйләргә ялган сүзләр дә хәзерләде

Ayah 18

فَقُتِلَ كَيۡفَ قَدَّرَ

Вәлидкә ләгънәт булсын башы ватылсын – ничек чамалый

Ayah 19

ثُمَّ قُتِلَ كَيۡفَ قَدَّرَ

Ул һәлак булсын, халыкны хактан адаштырырга янә ничек чамалый

Ayah 20

ثُمَّ نَظَرَ

Соңра Коръәнгә каршы ничек мәкерлек кылырга дип, янә уйлап фикерләп карады

Ayah 21

ثُمَّ عَبَسَ وَبَسَرَ

Соңра Коръән сүзен ишеткәндә ачуланып йөзен сытты, маңгаен җыерды

Ayah 22

ثُمَّ أَدۡبَرَ وَٱسۡتَكۡبَرَ

Аннары артына әйләнде вә тәкәбберләнде

Ayah 23

فَقَالَ إِنۡ هَٰذَآ إِلَّا سِحۡرࣱ يُؤۡثَرُ

Башка сүз таба алмагач, бу Коръән Аллаһ сүзе түгел мәгәр әүвәлге сихерчеләрдән калган сихер диде

Ayah 24

إِنۡ هَٰذَآ إِلَّا قَوۡلُ ٱلۡبَشَرِ

Бу Коръән кеше сүзе генә, аны Мухәммәд әүвәлге сихерчеләрдән күчереп алган, диде

Ayah 25

سَأُصۡلِيهِ سَقَرَ

Тиздән аны сакар тәмугына салырмын

Ayah 26

وَمَآ أَدۡرَىٰكَ مَا سَقَرُ

Сиңа ул сакарның ґәзабын кем белдерде

Ayah 27

لَا تُبۡقِي وَلَا تَذَرُ

Ул сакар үзенә салынган нәрсәне калдырмас вә бетермичә куймас

Ayah 28

لَوَّاحَةࣱ لِّلۡبَشَرِ

Ул сакар кешеләрнең тиреләрен яндырыр

Ayah 29

عَلَيۡهَا تِسۡعَةَ عَشَرَ

Ул сакарда унтугыз ґәзаб фәрештәләре бардыр. "Мөшрикләр бу сүзне ишеткәч: "Ґәзаб фәрештәләре унтугыз гына булгач без аларга каршы тора алырбыз, алар безне ґәзаб кыла алмаслар", – диделәр

Ayah 30

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةࣰۖ وَمَا جَعَلۡنَا عِدَّتَهُمۡ إِلَّا فِتۡنَةࣰ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنࣰ ا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضࣱ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلࣰ اۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Ут ияләрен, ягъни җәһәннәмгә ґәзаб кылучыларны башка заттан кылмадык фәкать фәрештәләрдән кылдык, вә аларның саннарын унтугыз дип әйттек, фәкать кәферләргә фетнә булсын өчен, вә Инҗил, Тәүрат әһелләре Мухәммәд г-мнең хак пәйгамбәр икәнлегенә ышансыннар өчен. (Чөнки Тәүратта, Инҗилдә дә унтугыз дип зекер ителмештер). Вә мөэминнәр иманнарын куәтләсеннәр өчен, вә китап әһелләре һәм мөэминнәр: аларның саны унтугыз, дигән сүздән шикләнмәсеннәр өчен, вә күңелләрендә авыру булган монафикълар һәм кәферләр: "Аллаһуның бу мисалны китерүдә максаты нәрсә", – дип әйтсеннәр, ягъни бу сүз Аллаһ сүзенә охшамый, аны Аллаһ әйтмәгән, дип фетнәләнсеннәр өчен. Әнә шулай Аллаһ Аның хак сүзенә ышанган мөэминнәрен туры юлга күндерде. Раббыңның гаскәрләрен Аллаһудан башка һичкем белмәс, ул сакара җәһәннәме һәм унтугыз фәрештә бушка сөйләнмәде, мәгәр кешеләргә вәгазь өчен сөйләнде

Ayah 31

كَلَّا وَٱلۡقَمَرِ

Юк, алай гына түгел, ай белән ант итәмен

Ayah 32

وَٱلَّيۡلِ إِذۡ أَدۡبَرَ

Вә көндездән соң килә торган төн белән

Ayah 33

وَٱلصُّبۡحِ إِذَآ أَسۡفَرَ

Һәм саргаючы таң белән ант итәмен

Ayah 34

إِنَّهَا لَإِحۡدَى ٱلۡكُبَرِ

Тәхкыйк ул сакар җәһәннәме олугъ бәлаләрнең берседер

Ayah 35

نَذِيرࣰ ا لِّلۡبَشَرِ

Ул кешеләрне куркытучыдыр

Ayah 36

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Вә Сезләрдән яхшы эшләрне эшләүдә алга -чыгарга теләгән кешеләргә һәм бозык эшләр белән артта калуны теләгән кешеләргә куркытудыр. Ягъни яхшы кешеләрне дә һәм яман кешеләрне дә куркытыр өчен сөйләнәдер сакар җәһәннәме

Ayah 37

كُلُّ نَفۡسِۭ بِمَا كَسَبَتۡ رَهِينَةٌ

Аллаһуга итагать итмәгән һәрбер кеше үзенең кылган гөнаһы белән бәйләнгәндер

Ayah 38

إِلَّآ أَصۡحَٰبَ ٱلۡيَمِينِ

Мәгәр гамәл дәфтәрләре уң кулларыннан бирелгән күп сәваблы мөселманнар бәйләнмәсләр

Ayah 39

فِي جَنَّٰتࣲ يَتَسَآءَلُونَ

Анар җәннәтләрдә булырлар, җәһәннәмгә кергән таныш кешеләрдән сорашырлар

Ayah 40

عَنِ ٱلۡمُجۡرِمِينَ

Аллаһуга итагать итмәгән күп гөнаһлы кешеләрдән

Ayah 41

مَا سَلَكَكُمۡ فِي سَقَرَ

Сезне сакар җәһәннәменә нәрсә салды, нинди сәбәп белән анда кердегез

Ayah 42

قَالُواْ لَمۡ نَكُ مِنَ ٱلۡمُصَلِّينَ

Сакардагы кешеләр әйтерләр: "Без намаз укучылардан түгел идек

Ayah 43

وَلَمۡ نَكُ نُطۡعِمُ ٱلۡمِسۡكِينَ

Дәхи без фәкыйрьләрне ашатучылардан, аларга садака бирүчеләрдән булмадык

Ayah 44

وَكُنَّا نَخُوضُ مَعَ ٱلۡخَآئِضِينَ

Дәхи хактан качып төрле бозык эшләргә чумган кешеләргә ияреп без дә бозыклыкка чумадыр идек

Ayah 45

وَكُنَّا نُكَذِّبُ بِيَوۡمِ ٱلدِّينِ

Һәм кыямәт көнен ялганга тотар идек

Ayah 46

حَتَّىٰٓ أَتَىٰنَا ٱلۡيَقِينُ

Бу әйтелгәннәрне эшләдек, хәтта гомеребез бетеп үлем килгәнче", – дип

Ayah 47

فَمَا تَنفَعُهُمۡ شَفَٰعَةُ ٱلشَّٰفِعِينَ

Аларга шәфкатьчеләрнең шәфәгате һич файда бирмәс

Ayah 48

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Нәрсә булган аларга, ни сәбәпле батылдан хакны аеручы Коръәннән баш тарталар

Ayah 49

كَأَنَّهُمۡ حُمُرࣱ مُّسۡتَنفِرَةࣱ‏

Алар Коръәннән вә аның вәгазьләреннән һәм хөкемнәреннән качалар, куркып өреккән ишәк кеби

Ayah 50

فَرَّتۡ مِن قَسۡوَرَةِۭ

Ул ишәк арысланнан өркеп качар

Ayah 51

بَلۡ يُرِيدُ كُلُّ ٱمۡرِيࣲٕ مِّنۡهُمۡ أَن يُؤۡتَىٰ صُحُفࣰ ا مُّنَشَّرَةࣰ‏

Бәлки алардан һәрбересе телидер Аллаһудан һәрберсенә ачык хат бирелмәкне. Ягъни мөшрикләр: "Аллаһ безгә һәрберебезгә кәгазь иңдерсә, ул кәгазьгә: Мухәммәд хак пәйгамбәр, Коръән Минем китабым, дип язылган булса, иман китерер идек", – диделәр

Ayah 52

كَلَّاۖ بَل لَّا يَخَافُونَ ٱلۡأٓخِرَةَ

Юк әле, алар тиешсезне сорамасыннар, бәлки алар ахирәт ґәзабыннан курыкмыйлар. Әгәр курыксалар иде, әлбәттә, иман китереп Коръән белән гамәл кылыр иделәр һәм Коръәннән башка дәлил сорамас иделәр

Ayah 53

كَلَّآ إِنَّهُۥ تَذۡكِرَةࣱ‏

Юк, Коръән уенчык түгел, бәлки ул Коръән гакыллы кешеләр өчен хакыйкый көчле вәгазьдер

Ayah 54

فَمَن شَآءَ ذَكَرَهُۥ

Теләгән кеше ул Коръән белән вәгазьләнеп туры юлга керсен һәм иманлы динле булсын

Ayah 55

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Юк ул Коръән белән һәммә кеше вәгазьләнмәс мәгәр Аллаһ теләгән кеше генә вәгазьләнер. Димәк Коръән белән вәгазьләнеп һәм гамәл кылып туры юлны табуны Аллаһудан сорарга кирәк! Ул – Аллаһ Аның ачуыннан вә ґәзабыннан сакланырга тиешле булган заттыр һәм гөнаһларның ярлыкануын Аңардан сорарга тиешле заттыр

Ayah 56