Surah Ash-Shams — The Sun

Surah Ash-Shams (The Sun) is chapter 91 of the Quran, with 15 verses. This page presents the Arabic text with a Kinyarwanda translation, verse by verse.

وَٱلشَّمۡسِ وَضُحَىٰهَا

Ndahiriye ku izuba n’urumuri rwaryo

Ayah 1

وَٱلۡقَمَرِ إِذَا تَلَىٰهَا

No ku kwezi igihe kurikurikiye

Ayah 2

وَٱلنَّهَارِ إِذَا جَلَّىٰهَا

No ku manywa igihe agaragaje urumuri (rw’izuba)

Ayah 3

وَٱلَّيۡلِ إِذَا يَغۡشَىٰهَا

No ku ijoro igihe riritwikiriye

Ayah 4

وَٱلسَّمَآءِ وَمَا بَنَىٰهَا

No ku kirere ndetse n’uwagihanze

Ayah 5

وَٱلۡأَرۡضِ وَمَا طَحَىٰهَا

No ku isi n’uwayirambuye

Ayah 6

وَنَفۡسࣲ وَمَا سَوَّىٰهَا

No kuri roho n’uwayitunganyije

Ayah 7

فَأَلۡهَمَهَا فُجُورَهَا وَتَقۡوَىٰهَا

Hanyuma akayigaragariza ikibi n’icyiza

Ayah 8

قَدۡ أَفۡلَحَ مَن زَكَّىٰهَا

Mu by’ukuri, uweza roho ye (akubaha Allah kandi agakora ibikorwa byiza) yaratsinze

Ayah 9

وَقَدۡ خَابَ مَن دَسَّىٰهَا

Kandi rwose uwatereranye roho ye ari mu gihombo

Ayah 10

كَذَّبَتۡ ثَمُودُ بِطَغۡوَىٰهَآ

Abantu ba Thamudu bahinyuye (Intumwa yabo) kubera kwigomeka

Ayah 11

إِذِ ٱنۢبَعَثَ أَشۡقَىٰهَا

Ubwo ubarusha ububi yahagurukanaga ibakwe (akajya kwica ingamiya y’imbyeyi)

Ayah 12

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Nuko Intumwa ya Allah (Swaleh) irababwira iti "Iyo ni ingamiya ya Allah (ntimuyigirire nabi), kandi ntimuyibuze gushoka

Ayah 13

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Ariko baramuhinyuye (ya ngamiya) barayica. Nuko Nyagasani wabo arabarimbura ku bw’icyaha cyabo, ndetse bose abarimbura mu buryo bureshya (baba abakuru n’abato, abakire n’abakene, ndetse n’abakomeye n’abaciriritse)

Ayah 14

وَلَا يَخَافُ عُقۡبَٰهَا

Kandi (Allah) ntatinya ingaruka zabyo

Ayah 15