Surah An-Naazi'aat — Those who drag forth

Surah An-Naazi'aat (Those who drag forth) is chapter 79 of the Quran, with 46 verses. This page presents the Arabic text with a Kinyarwanda translation, verse by verse.

وَٱلنَّٰزِعَٰتِ غَرۡقࣰ ا

Ndahiriye ku (bamalayika) bashikanuza (roho z’abahakanyi) n’ubukana buhambaye

Ayah 1

وَٱلنَّٰشِطَٰتِ نَشۡطࣰ ا

No ku (bamalayika) bakuramo (roho z’abemeramana) bitonze

Ayah 2

وَٱلسَّٰبِحَٰتِ سَبۡحࣰ ا

No ku (bamalayika) bogoga ikirere bihuta (batwaye izo roho)

Ayah 3

فَٱلسَّٰبِقَٰتِ سَبۡقࣰ ا

No ku (bamalayika) bihutana (ubutumwa babuzaniye intumwa za Allah ku isi)

Ayah 4

فَٱلۡمُدَبِّرَٰتِ أَمۡرࣰ ا

No ku (bamalayika) bashyira mu bikorwa ibyo bategetswe

Ayah 5

يَوۡمَ تَرۡجُفُ ٱلرَّاجِفَةُ

Umunsi (impanda ya mbere izavuzwa), maze isi n’imisozi bigatigita bikabije (buri kiremwa kigapfa)

Ayah 6

تَتۡبَعُهَا ٱلرَّادِفَةُ

(Umutingito wa mbere) uzakurikirwa n’undi mutingito (maze buri kiremwa kizuke)

Ayah 7

قُلُوبࣱ يَوۡمَئِذࣲ وَاجِفَةٌ

Uwo munsi imitima (ya bamwe) izaba ifite ubwoba n’agahinda

Ayah 8

أَبۡصَٰرُهَا خَٰشِعَةࣱ‏

Ndetse n’indoro yabo izaba yaciye bugufi (isuzuguritse)

Ayah 9

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Bazavuga bati "Ese mu by’ukuri, tuzasubizwa mu buzima (bwacu bwo ku isi) twahozemo

Ayah 10

أَءِذَا كُنَّا عِظَٰمࣰ ا نَّخِرَةࣰ‏

Na nyuma y’uko tubaye amagufa ashangutse

Ayah 11

قَالُواْ تِلۡكَ إِذࣰ ا كَرَّةٌ خَاسِرَةࣱ‏

Baravuga bati "Uko kugaruka kwacu (ku isi twifuza) kwaba ari igihombo

Ayah 12

فَإِنَّمَا هِيَ زَجۡرَةࣱ وَٰحِدَةࣱ‏

(Ubwo impanda izavuzwa bwa kabiri) bizaba ari urusaku rumwe

Ayah 13

فَإِذَا هُم بِٱلسَّاهِرَةِ

Icyo gihe bazisanga imusozi (bongeye kuba bazima nyuma yo gupfa)

Ayah 14

هَلۡ أَتَىٰكَ حَدِيثُ مُوسَىٰٓ

Ese inkuru ya Musa yakugezeho

Ayah 15

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Ubwo Nyagasani we yamuhamagaraga mu kibaya gitagatifu cya Tuwa (agira ati)

Ayah 16

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Jya kwa Farawo kuko rwose yigometse

Ayah 17

فَقُلۡ هَل لَّكَ إِلَىٰٓ أَن تَزَكَّىٰ

Umubwire uti "Ese ushobora kwiyeza (ukareka icyaha cy’ubuhakanyi, ukaba umwemeramana)

Ayah 18

وَأَهۡدِيَكَ إِلَىٰ رَبِّكَ فَتَخۡشَىٰ

Nkakuyobora kwa Nyagasani wawe kugira ngo umutinye

Ayah 19

فَأَرَىٰهُ ٱلۡأٓيَةَ ٱلۡكُبۡرَىٰ

Nuko (Musa) amwereka igitangaza gihambaye

Ayah 20

فَكَذَّبَ وَعَصَىٰ

Ariko (Farawo) yarahinyuye aranigomeka

Ayah 21

ثُمَّ أَدۡبَرَ يَسۡعَىٰ

Maze atera umugongo akataza (ashishikariza abantu be kudakurikira Musa)

Ayah 22

فَحَشَرَ فَنَادَىٰ

Nuko akoranya (abantu be), avuga mu ijwi riranguruye

Ayah 23

فَقَالَ أَنَا۠ رَبُّكُمُ ٱلۡأَعۡلَىٰ

Agira ati "Ni njye nyagasani wanyu w’ikirenga

Ayah 24

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Bityo, Allah amuhanira icyaha cya nyuma (cyo kuvuga ko ari we nyagasani w’ikirenga) n’icya mbere (cyo kuba yarabwiye ibyegera bye ko atazi ko bafite indi mana itari we)

Ayah 25

إِنَّ فِي ذَٰلِكَ لَعِبۡرَةࣰ لِّمَن يَخۡشَىٰٓ

Mu by’ukuri, muri ibyo harimo isomo kuri buri wese utinya Allah

Ayah 26

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Ese (yemwe bantu) iremwa ryanyu ni ryo rikomeye, cyangwa ikirere (Allah) yubatse (ni cyo gikomeye)

Ayah 27

رَفَعَ سَمۡكَهَا فَسَوَّىٰهَا

Yazamuye igisenge cyacyo, maze aragitunganya

Ayah 28

وَأَغۡطَشَ لَيۡلَهَا وَأَخۡرَجَ ضُحَىٰهَا

Ijoro ryacyo arigira umwijima, amanywa yacyo arayakesha

Ayah 29

وَٱلۡأَرۡضَ بَعۡدَ ذَٰلِكَ دَحَىٰهَآ

Nyuma y’ibyo arambura isi

Ayah 30

أَخۡرَجَ مِنۡهَا مَآءَهَا وَمَرۡعَىٰهَا

Ayisohoramo amazi yayo n’inzuri zayo

Ayah 31

وَٱلۡجِبَالَ أَرۡسَىٰهَا

Anashimangira imisozi

Ayah 32

مَتَٰعࣰ ا لَّكُمۡ وَلِأَنۡعَٰمِكُمۡ

Kugira ngo bibagirire akamaro, mwe n’amatungo yanyu

Ayah 33

فَإِذَا جَآءَتِ ٱلطَّآمَّةُ ٱلۡكُبۡرَىٰ

Ariko igihe icyago gihambaye (umunsi w’imperuka) kizaza

Ayah 34

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Umunsi umuntu azibuka ibyo yakoze

Ayah 35

وَبُرِّزَتِ ٱلۡجَحِيمُ لِمَن يَرَىٰ

Umuriro wa Jahanamu uzagaragarizwa (buri wese) ureba

Ayah 36

فَأَمَّا مَن طَغَىٰ

Ubwo kuri wa wundi wigometse

Ayah 37

وَءَاثَرَ ٱلۡحَيَوٰةَ ٱلدُّنۡيَا

Agahitamo ubuzima bwo kuri iyi si (agakurikira ibibi aterwa n’irari rye)

Ayah 38

فَإِنَّ ٱلۡجَحِيمَ هِيَ ٱلۡمَأۡوَىٰ

Mu by’ukuri, umuriro wa Jahanamu uzaba ubuturo (bwe)

Ayah 39

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Ariko wa wundi watinye kuzahagarara imbere ya Nyagasani we, akanabuza umutima we kurarikira ibibi

Ayah 40

فَإِنَّ ٱلۡجَنَّةَ هِيَ ٱلۡمَأۡوَىٰ

Mu by’ukuri, Ubusitani (Ijuru) buzaba ubuturo (bwe)

Ayah 41

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

(Abahakanyi) barakubaza (yewe Muhamadi) ku bijyanye n’igihe imperuka izabera

Ayah 42

فِيمَ أَنتَ مِن ذِكۡرَىٰهَآ

Nta bumenyi ufite bwo kugira icyo uyivugaho

Ayah 43

إِلَىٰ رَبِّكَ مُنتَهَىٰهَآ

Ubumenyi bwayo bwihariye Nyagasani wawe

Ayah 44

إِنَّمَآ أَنتَ مُنذِرُ مَن يَخۡشَىٰهَا

Ahubwo wowe (Muhamadi) nta kindi uri cyo uretse kuba uri umuburizi w’abatinya (umunsi w’imperuka)

Ayah 45

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Umunsi bazawubona, bazamera nk’aho babaye ku isi ikigoroba kimwe cyangwa igitondo kimwe

Ayah 46