Surah Al-A'laa — The Most High

Surah Al-A'laa (The Most High) is chapter 87 of the Quran, with 19 verses. This page presents the Arabic text with a Sindhi translation, verse by verse.

سَبِّحِ ٱسۡمَ رَبِّكَ ٱلۡأَعۡلَى

(اي پيغمبر) اُنھي پنھنجي تمام مٿاھين پالڻھار جي نالي جي پاڪائي بيان ڪر

Ayah 1

ٱلَّذِي خَلَقَ فَسَوَّىٰ

جنھن (ساري مخلوق کي) خلقيو پوءِ سنئين لڱين ڪيائين

Ayah 2

وَٱلَّذِي قَدَّرَ فَهَدَىٰ

۽ جنھن اندازو ڪيو پوءِ رستو ڏيکاريائين

Ayah 3

وَٱلَّذِيٓ أَخۡرَجَ ٱلۡمَرۡعَىٰ

۽ جنھن تازو گاھ ڄمايو

Ayah 4

فَجَعَلَهُۥ غُثَآءً أَحۡوَىٰ

پوءِ اُن کي سُڪو سڙيو ڪيائين

Ayah 5

سَنُقۡرِئُكَ فَلَا تَنسَىٰٓ

اسين توکي (قرآن) پاڙھينداسون پوءِ نه وساريندين

Ayah 6

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

مگر جيڪي الله گھريو آھي، بيشڪ اُھو ظاھر کي ڄاڻندو آھي ۽ جيڪي ڳُجھو آھي تنھن کي (به)

Ayah 7

وَنُيَسِّرُكَ لِلۡيُسۡرَىٰ

۽ آسان رستو توکي سنھنجو ڪري ڏينداسين

Ayah 8

فَذَكِّرۡ إِن نَّفَعَتِ ٱلذِّكۡرَىٰ

پوءِ جيڪڏھن نصيحت ڏئڻ فائدو ڪري ته نصيحت ڪر

Ayah 9

سَيَذَّكَّرُ مَن يَخۡشَىٰ

جيڪو ڊڄندو سو سُتت سمجھ وٺندو

Ayah 10

وَيَتَجَنَّبُهَا ٱلۡأَشۡقَى

۽ اُن (نصيحت وٺڻ) کان (اُھو) تمام نڀاڳو پاسو ڪندو

Ayah 11

ٱلَّذِي يَصۡلَى ٱلنَّارَ ٱلۡكُبۡرَىٰ

جو وڏيءَ باھ ۾ پوندو

Ayah 12

ثُمَّ لَا يَمُوتُ فِيهَا وَلَا يَحۡيَىٰ

وري نڪي اُتي مرندو ۽ نڪي جيئرو رھندو

Ayah 13

قَدۡ أَفۡلَحَ مَن تَزَكَّىٰ

بيشڪ اُھو ڇٽو جيڪو سڌريو

Ayah 14

وَذَكَرَ ٱسۡمَ رَبِّهِۦ فَصَلَّىٰ

۽ پڻ پنھنجي پالڻھار جو نالو ياد ڪري نماز پڙھندو رھيو

Ayah 15

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

بلڪ دُنيا جي حياتيءَ کي (آخرت کان) پسند ڪندا آھيو

Ayah 16

وَٱلۡأٓخِرَةُ خَيۡرࣱ وَأَبۡقَىٰٓ

۽ (حقيقت ڪري) آخرت ڀَلي آھي ۽ ھميشه رھڻ واري آھي

Ayah 17

إِنَّ هَٰذَا لَفِي ٱلصُّحُفِ ٱلۡأُولَىٰ

بيشڪ ھيءَ (بيان) پھرين صحيفن ۾ (به لکيل) آھي

Ayah 18

صُحُفِ إِبۡرَٰهِيمَ وَمُوسَىٰ

جي صحيفا ابراھيم ۽ مُوسىٰ جا آھن

Ayah 19