Surat Al-Infitaar — The Cleaving
Surat Al-Infitaar (The Cleaving) — 82/114 · 19 ayat. Waca lan rungokake nganggo teks Arab lan terjemahan basa Jawa.
إِذَا ٱلسَّمَآءُ ٱنفَطَرَتۡ
Samongsa langit wis belah
Ayah 1وَإِذَا ٱلۡكَوَاكِبُ ٱنتَثَرَتۡ
Lan samongsa lintang - lintange wis pating selebar
Ayah 2وَإِذَا ٱلۡبِحَارُ فُجِّرَتۡ
Lan samongsa segara - segara padha dibludagake
Ayah 3وَإِذَا ٱلۡقُبُورُ بُعۡثِرَتۡ
Lan samangsa kubur - kubur padha binukak
Ayah 4عَلِمَتۡ نَفۡسࣱ مَّا قَدَّمَتۡ وَأَخَّرَتۡ
Sarupaning jiwa bakal weruh apa kang didhisikake lan kang dikerekake
Ayah 5يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ
O, manungsa sapa kang jelomprongake sira, nganti duraka ing Pangeranira kang Mulya
Ayah 6ٱلَّذِي خَلَقَكَ فَسَوَّىٰكَ فَعَدَلَكَ
Kang wis gawe awakira genep waras lan patut
Ayah 7فِيٓ أَيِّ صُورَةࣲ مَّا شَآءَ رَكَّبَكَ
Allah namtokake rupanira miturut sakersane
Ayah 8كَلَّا بَلۡ تُكَذِّبُونَ بِٱلدِّينِ
O, ananging sira padha anggorohake marang wawalese
Ayah 9وَإِنَّ عَلَيۡكُمۡ لَحَٰفِظِينَ
Lan sayekti temen ana kang padha anjaga marang sira
Ayah 10كِرَامࣰ ا كَٰتِبِينَ
Para juru nulisi minulya
Ayah 11يَعۡلَمُونَ مَا تَفۡعَلُونَ
Padha meruhi apa kang padha sira lakoni
Ayah 12إِنَّ ٱلۡأَبۡرَارَ لَفِي نَعِيمࣲ
Sayekti para tulus temen bakal padha ana sajeroning nugraha
Ayah 13وَإِنَّ ٱلۡفُجَّارَ لَفِي جَحِيمࣲ
Lan sayekti, para duraka temen bakal ana sajeroning geni murub
Ayah 14يَصۡلَوۡنَهَا يَوۡمَ ٱلدِّينِ
Bakal padha mlebu mrono ing dinane pancasan
Ayah 15وَمَا هُمۡ عَنۡهَا بِغَآئِبِينَ
Lan ora bakal dheweke padha oncat saka ing kono
Ayah 16وَمَآ أَدۡرَىٰكَ مَا يَوۡمُ ٱلدِّينِ
Lan apa kang meruhake ing sira, dina pancasan iku apa
Ayah 17ثُمَّ مَآ أَدۡرَىٰكَ مَا يَوۡمُ ٱلدِّينِ
Maneh, apa kang meruhake ing sira, dina pancasan iku apa
Ayah 18يَوۡمَ لَا تَمۡلِكُ نَفۡسࣱ لِّنَفۡسࣲ شَيۡـࣰٔ اۖ وَٱلۡأَمۡرُ يَوۡمَئِذࣲ لِّلَّهِ
Dinane ora ana sawijining jiwa bisa andayani sathitika marang jiwa (liyane) ing dina iku sakabehane parentah ana astaning Allah
Ayah 19