Surat An-Naazi'aat — Those who drag forth

Surat An-Naazi'aat (Those who drag forth) — 79/114 · 46 ayat. Waca lan rungokake nganggo teks Arab lan terjemahan basa Jawa.

وَٱلنَّٰزِعَٰتِ غَرۡقࣰ ا

Demi (Malaikat - Malaikat) kang medhoti nyawane kelawan sora

Ayah 1

وَٱلنَّٰشِطَٰتِ نَشۡطࣰ ا

Demi (Malaikat - Malaikat) kang nglolosi nyawa kelawan alon (marang wong mukmin)

Ayah 2

وَٱلسَّٰبِحَٰتِ سَبۡحࣰ ا

Demi (Malaikat) kang tumurun saka langit kanti rikat

Ayah 3

فَٱلسَّٰبِقَٰتِ سَبۡقࣰ ا

Lan (Malaikat) kang dhisiki banter

Ayah 4

فَٱلۡمُدَبِّرَٰتِ أَمۡرࣰ ا

Lan (Malaikat) kang ngatur urusan (donya)

Ayah 5

يَوۡمَ تَرۡجُفُ ٱلرَّاجِفَةُ

(Satemene sira bakal ditangekake) ana dina nalika paniyupe slompret kawitan horege alam kabeh

Ayah 6

تَتۡبَعُهَا ٱلرَّادِفَةُ

Nuli ditungka horege maneh kang kapindho

Ayah 7

قُلُوبࣱ يَوۡمَئِذࣲ وَاجِفَةٌ

Ing kono atine wong kang padha maido padha teratapan

Ayah 8

أَبۡصَٰرُهَا خَٰشِعَةࣱ‏

Pandelenge padha konjem (wedi)

Ayah 9

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Padha celathu, "Apa aku iki dibalekake urip maneh

Ayah 10

أَءِذَا كُنَّا عِظَٰمࣰ ا نَّخِرَةࣰ‏

Sawise dadi balung kang pisah - pisah urip maneh

Ayah 11

قَالُواْ تِلۡكَ إِذࣰ ا كَرَّةٌ خَاسِرَةࣱ‏

Padha celathu, "Yen mangkono baliku urup maneh aku bali kapitunan

Ayah 12

فَإِنَّمَا هِيَ زَجۡرَةࣱ وَٰحِدَةࣱ‏

Ananging iku mung petak sapisan wae

Ayah 13

فَإِذَا هُم بِٱلسَّاهِرَةِ

Lan mara delengen dheweke padha tangi

Ayah 14

هَلۡ أَتَىٰكَ حَدِيثُ مُوسَىٰٓ

Apa ora wis teka marang sira ceritane Musa

Ayah 15

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Nalikane dipangandikani Pangerane ana jurang Thuwa

Ayah 16

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Lungoo marang panggonane Fir'aun, awit kebangetan anggone kafir

Ayah 17

فَقُلۡ هَل لَّكَ إِلَىٰٓ أَن تَزَكَّىٰ

Dhawuha, "Punapa paduka kepengin anuceni sarira

Ayah 18

وَأَهۡدِيَكَ إِلَىٰ رَبِّكَ فَتَخۡشَىٰ

Sarta kula badhe nuntun paduka dhateng Pangeran supados ajrih

Ayah 19

فَأَرَىٰهُ ٱلۡأٓيَةَ ٱلۡكُبۡرَىٰ

Banjur panjenengane ngatonake tondha kang gedhe marang dheweke

Ayah 20

فَكَذَّبَ وَعَصَىٰ

Ananging dheweke anggorohake (kasunyatan) sarta pra ambangun turut

Ayah 21

ثُمَّ أَدۡبَرَ يَسۡعَىٰ

Tumuli dheweke bali kalawan rerikatan

Ayah 22

فَحَشَرَ فَنَادَىٰ

Banjur ngumpulake (wong - wong) tumuli dhawuh

Ayah 23

فَقَالَ أَنَا۠ رَبُّكُمُ ٱلۡأَعۡلَىٰ

Celathune, "Aku iki Pangeranira Kang Maha Luhur

Ayah 24

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Ananging Allah amatrapi dheweke kelawan pidana ing akherat sarta ing uripe kang dhisik

Ayah 25

إِنَّ فِي ذَٰلِكَ لَعِبۡرَةࣰ لِّمَن يَخۡشَىٰٓ

Lelakone Fir'aun kasebut mesthi dadi wewulang kanggo wong kang wedi ing Allah

Ayah 26

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Apa Allah angone nguripake sira saka pati luwuh angel tinimbang anggone gawe langit

Ayah 27

رَفَعَ سَمۡكَهَا فَسَوَّىٰهَا

Andhuwurake payoning langit banjur warata tanpa cacat

Ayah 28

وَأَغۡطَشَ لَيۡلَهَا وَأَخۡرَجَ ضُحَىٰهَا

Gawe peteng wayahe wengi, sarta gawe padhang wayahe awan

Ayah 29

وَٱلۡأَرۡضَ بَعۡدَ ذَٰلِكَ دَحَىٰهَآ

Sawuse mangkono Allah gelar bumi

Ayah 30

أَخۡرَجَ مِنۡهَا مَآءَهَا وَمَرۡعَىٰهَا

Alah metokake banyu lan thethukulan saka bumi

Ayah 31

وَٱلۡجِبَالَ أَرۡسَىٰهَا

Lan ngukuhake gunung ana bumi

Ayah 32

مَتَٰعࣰ ا لَّكُمۡ وَلِأَنۡعَٰمِكُمۡ

Kabeh dadi bebungah marang sira lan ingon - ingonira raja kaya

Ayah 33

فَإِذَا جَآءَتِ ٱلطَّآمَّةُ ٱلۡكُبۡرَىٰ

Ing besuk tekane horeg - horegan (malapetaka) gedhe teka

Ayah 34

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Dinane manungsa padha eling apa kang wus ditindhakake

Ayah 35

وَبُرِّزَتِ ٱلۡجَحِيمُ لِمَن يَرَىٰ

Lan neraka dipitontonake tumrap sapa sing deleng

Ayah 36

فَأَمَّا مَن طَغَىٰ

Wondene wong kang ambalasar (kafir)

Ayah 37

وَءَاثَرَ ٱلۡحَيَوٰةَ ٱلدُّنۡيَا

Sarta milih kauripan dunya

Ayah 38

فَإِنَّ ٱلۡجَحِيمَ هِيَ ٱلۡمَأۡوَىٰ

Sayekti neraka iku panggonane

Ayah 39

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Dene wong kang wedi anggone ngadhep ing ngarsaning Pangerane sarta anahan jiwane saka pepenginan asor

Ayah 40

فَإِنَّ ٱلۡجَنَّةَ هِيَ ٱلۡمَأۡوَىٰ

Lah sayekti suwarga iku panggonane

Ayah 41

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Dheweke padha takon marang sira prakara wayahe, endhi ketentuane (Qiyamat)

Ayah 42

فِيمَ أَنتَ مِن ذِكۡرَىٰهَآ

Tumrap prakara apa? Sira iku wong kang angelingake prakara iku

Ayah 43

إِلَىٰ رَبِّكَ مُنتَهَىٰهَآ

Marang pangeranira pantoging tujune prakara iku

Ayah 44

إِنَّمَآ أَنتَ مُنذِرُ مَن يَخۡشَىٰهَا

Sira iku mung juru pepeling tumrap wong kang wedi marang prakra iku

Ayah 45

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Ing dinane dheweke andeleng kaya - kaya anggone manggon ora liya kajaba mung sasore utawa sakesuk

Ayah 46