Surah Al-Burooj — The Constellations

Surah Al-Burooj (The Constellations) is chapter 85 of the Quran, with 22 verses. This page presents the Arabic text with a Yoruba translation, verse by verse.

وَٱلسَّمَآءِ ذَاتِ ٱلۡبُرُوجِ

(Allāhu) búra pẹ̀lú sánmọ̀ tí àwọn ibùsọ̀ (òòrùn, òṣùpá àti àwọn ìràwọ̀) wà nínú rẹ̀

Ayah 1

وَٱلۡيَوۡمِ ٱلۡمَوۡعُودِ

Ó tún búra pẹ̀lú ọjọ́ tí wọ́n ṣe ní àdéhùn

Ayah 2

وَشَاهِدࣲ وَمَشۡهُودࣲ‏

Ó tún búra pẹ̀lú olùjẹ́rìí àti ohun t’ó jẹ́rìí sí

Ayah 3

قُتِلَ أَصۡحَٰبُ ٱلۡأُخۡدُودِ

A ṣẹ́bi lé àwọn t’ó gbẹ́ kòtò (iná)

Ayah 4

ٱلنَّارِ ذَاتِ ٱلۡوَقُودِ

(ìyẹn) iná tí wọ́n ń fi igi kò (nínú kòtò)

Ayah 5

إِذۡ هُمۡ عَلَيۡهَا قُعُودࣱ‏

(Rántí) nígbà tí wọ́n jókòó sí ìtòsí rẹ̀

Ayah 6

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودࣱ‏

Wọ́n sì ń wo ohun tí wọ́n ń ṣe fún àwọn onígbàgbọ́ òdodo

Ayah 7

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Kò sì sí kiní kan tí wọ́n torí rẹ̀ jẹ wọ́n níyà bí kò ṣe pé wọ́n ní ìgbàgbọ́ òdodo nínú Allāhu, Alágbára, Ọlọ́pẹ́

Ayah 8

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءࣲ شَهِيدٌ

Ẹni tí Ó ni ìjọba àwọn sánmọ̀ àti ilẹ̀. Allāhu sì ni Ẹlẹ́rìí lórí gbogbo n̄ǹkan

Ayah 9

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Dájúdájú àwọn t’ó fi ìnira kan àwọn onígbàgbọ́ òdodo lọ́kùnrin àti àwọn onígbàgbọ́ òdodo lóbìnrin, lẹ́yìn náà tí wọn kò ronú pìwàdà, ìyà iná Jahanamọ ń bẹ fún wọn. Ìyà iná t’ó ń jò sì wà fún wọn

Ayah 10

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتࣱ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Dájúdájú àwọn t’ó gbàgbọ́ ní òdodo, tí wọ́n sì ṣe àwọn iṣẹ́ rere, tiwọn ni àwọn Ọgbà Ìdẹ̀ra kan, tí àwọn odò ń ṣàn ní ìsàlẹ̀ rẹ̀. Ìyẹn sì ni èrèǹjẹ ńlá

Ayah 11

إِنَّ بَطۡشَ رَبِّكَ لَشَدِيدٌ

Dájúdájú ìgbámú ti Olúwa rẹ mà le

Ayah 12

إِنَّهُۥ هُوَ يُبۡدِئُ وَيُعِيدُ

Dájúdájú Òun ni Ó pìlẹ̀ (ẹ̀dá), Ó sì máa dá (ẹ̀dá) padà (fún àjíǹde)

Ayah 13

وَهُوَ ٱلۡغَفُورُ ٱلۡوَدُودُ

Òun ni Aláforíjìn, Olólùfẹ́ (ẹ̀dá)

Ayah 14

ذُو ٱلۡعَرۡشِ ٱلۡمَجِيدُ

Òun l’Ó ni Ìtẹ́-ọlá, Ẹni-ọ̀wọ̀ jùlọ

Ayah 15

فَعَّالࣱ لِّمَا يُرِيدُ

Olùṣe-ohun-t’Ó-bá-fẹ́

Ayah 16

هَلۡ أَتَىٰكَ حَدِيثُ ٱلۡجُنُودِ

Ṣebí ìró àwọn ọmọ ogun ti dé ọ̀dọ̀ rẹ

Ayah 17

فِرۡعَوۡنَ وَثَمُودَ

(ọmọ ogun) Fir‘aon àti (ìjọ) Thamūd

Ayah 18

بَلِ ٱلَّذِينَ كَفَرُواْ فِي تَكۡذِيبࣲ‏

Síbẹ̀síbẹ̀ àwọn t’ó ṣàì gbàgbọ́ sì ń pe òdodo nírọ́

Ayah 19

وَٱللَّهُ مِن وَرَآئِهِم مُّحِيطُۢ

Allāhu sì yí wọn ká lẹ́yìn wọn

Ayah 20

بَلۡ هُوَ قُرۡءَانࣱ مَّجِيدࣱ‏

Àmọ́ sá, ohun (tí A fi ránṣẹ́ sí ọ ni) al-Ƙur’ān alápọ̀n-ọ́nlé

Ayah 21

فِي لَوۡحࣲ مَّحۡفُوظِۭ

tí ó wà nínú wàláà tí À ń ṣọ́

Ayah 22