Surah Al-Inshiqaaq — The Splitting Open

Surah Al-Inshiqaaq (The Splitting Open) is chapter 84 of the Quran, with 25 verses. This page presents the Arabic text with a Yoruba translation, verse by verse.

إِذَا ٱلسَّمَآءُ ٱنشَقَّتۡ

Nígbà tí sánmọ̀ bá fàya pẹ́rẹpẹ̀rẹ

Ayah 1

وَأَذِنَتۡ لِرَبِّهَا وَحُقَّتۡ

ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀ –

Ayah 2

وَإِذَا ٱلۡأَرۡضُ مُدَّتۡ

àti nígbà tí A bá fẹ ilẹ̀ lójú

Ayah 3

وَأَلۡقَتۡ مَا فِيهَا وَتَخَلَّتۡ

ó máa ju ohun tí ó wà nínú rẹ̀ síta, ó sì máa pa sófo

Ayah 4

وَأَذِنَتۡ لِرَبِّهَا وَحُقَّتۡ

– ó gbọ́, ó sì tẹ̀lé àṣẹ Olúwa rẹ̀ ni. Ó sì di dandan fún un láti ṣe bẹ́ẹ̀ – (ní ọjọ́ yẹn ni ẹ̀dá máa rí iṣẹ́ ọwọ́ rẹ̀)

Ayah 5

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحࣰ ا فَمُلَٰقِيهِ

Ìwọ ènìyàn dájúdájú ìwọ ń ṣe iṣẹ́ kárakára ní iṣẹ́ àṣepàdé Olúwa rẹ. O sì máa mú un pàdé Rẹ̀

Ayah 6

فَأَمَّا مَنۡ أُوتِيَ كِتَٰبَهُۥ بِيَمِينِهِۦ

Nítorí náà, ní ti ẹni tí wọ́n bá fún ní ìwé iṣẹ́ rẹ̀ ní ọwọ́ ọ̀tún rẹ̀

Ayah 7

فَسَوۡفَ يُحَاسَبُ حِسَابࣰ ا يَسِيرࣰ ا

láìpẹ́ A máa ṣe ìṣírò-iṣẹ́ (rẹ̀) ní ìṣírò ìrọ̀rùn

Ayah 8

وَيَنقَلِبُ إِلَىٰٓ أَهۡلِهِۦ مَسۡرُورࣰ ا

Ó sì máa padà sí ọ̀dọ̀ àwọn ènìyàn rẹ̀ (nínú Ọgbà Ìdẹ̀ra) lẹ́ni ìdùnnú

Ayah 9

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

Ní ti ẹni tí wọ́n bá sì fún ní ìwé iṣẹ́ rẹ̀ láti ẹ̀yìn rẹ̀

Ayah 10

فَسَوۡفَ يَدۡعُواْ ثُبُورࣰ ا

láìpẹ́ ó máa kígbe ìparun

Ayah 11

وَيَصۡلَىٰ سَعِيرًا

Ó sì máa wọ inú Iná t’ó ń jò fòfò

Ayah 12

إِنَّهُۥ كَانَ فِيٓ أَهۡلِهِۦ مَسۡرُورًا

Dájúdájú ó ti wà láààrin àwọn ènìyàn rẹ̀ lẹ́ni ìdùnnú (sí àìgbàgbọ́ nílé ayé)

Ayah 13

إِنَّهُۥ ظَنَّ أَن لَّن يَحُورَ

Dájúdájú ó lérò pé òun kò níí padà (sí ọ̀dọ̀ Allāhu ni)

Ayah 14

بَلَىٰٓۚ إِنَّ رَبَّهُۥ كَانَ بِهِۦ بَصِيرࣰ ا

Rárá (ó máa padà). Dájúdájú Olúwa rẹ̀ jẹ́ Olùríran nípa rẹ̀

Ayah 15

فَلَآ أُقۡسِمُ بِٱلشَّفَقِ

Nítorí náà, Èmi (Allāhu) ń búra pẹ̀lú àwòǹpapa

Ayah 16

وَٱلَّيۡلِ وَمَا وَسَقَ

Mo tún búra pẹ̀lú òru àti ohun tí ó kó jọ sínú rẹ̀

Ayah 17

وَٱلۡقَمَرِ إِذَا ٱتَّسَقَ

Mo tún búra pẹ̀lú òṣùpá nígbà tí ó bá dégbá (pẹ̀lú ìmọ́lẹ̀ rẹ̀)

Ayah 18

لَتَرۡكَبُنَّ طَبَقًا عَن طَبَقࣲ‏

Dájúdájú ẹ̀yin yóò máa bọ́ sínú wàhálà kan láti inú wàhálà kan

Ayah 19

فَمَا لَهُمۡ لَا يُؤۡمِنُونَ

Kí l’ó ṣe wọ́n ná tí wọn kò fi gbàgbọ́ ní òdodo

Ayah 20

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩

Nígbà tí wọ́n bá sì ké al-Ƙur’ān fún wọn, wọn kò níí forí kanlẹ̀

Ayah 21

بَلِ ٱلَّذِينَ كَفَرُواْ يُكَذِّبُونَ

Rárá, ńṣe ni àwọn t’ó ṣàì gbàgbọ́ ń pè é nírọ́

Ayah 22

وَٱللَّهُ أَعۡلَمُ بِمَا يُوعُونَ

Allāhu sì nímọ̀ jùlọ nípa ohun tí wọ́n ń fi pamọ́ (sínú ọkàn wọn)

Ayah 23

فَبَشِّرۡهُم بِعَذَابٍ أَلِيمٍ

Nítorí náà, fún wọn ní ìró ìyà ẹlẹ́ta-eléro

Ayah 24

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ

Àyàfi àwọn t’ó gbàgbọ́ ní òdodo, tí wọ́n sì ṣe àwọn iṣẹ́ rere, ẹ̀san tí kò níí pin ń bẹ fún wọn

Ayah 25