Surah Al-Aadiyaat — The Chargers

Surah Al-Aadiyaat (The Chargers) is chapter 100 of the Quran, with 11 verses. This page presents the Arabic text with a Yoruba translation, verse by verse.

وَٱلۡعَٰدِيَٰتِ ضَبۡحࣰ ا

Allāhu búra pẹ̀lú àwọn ẹṣin t’ó ń sáré t’ó ń mí hẹlẹhẹlẹ ní ojú-ogun

Ayah 1

فَٱلۡمُورِيَٰتِ قَدۡحࣰ ا

Ó tún búra pẹ̀lú àwọn ẹṣin tí pátákò ẹsẹ̀ wọn ń ṣáná (níbi eré sísá)

Ayah 2

فَٱلۡمُغِيرَٰتِ صُبۡحࣰ ا

Ó tún búra pẹ̀lú àwọn ẹṣin t’ó ń kọlu ọ̀tá ẹ̀sìn ní òwúrọ̀ kùtùkùtù

Ayah 3

فَأَثَرۡنَ بِهِۦ نَقۡعࣰ ا

Wọ́n sì fi (pátákò ẹsẹ̀ wọn) tu eruku (ilẹ̀ ọ̀tá) sókè

Ayah 4

فَوَسَطۡنَ بِهِۦ جَمۡعًا

Wọ́n tún bẹ́ gìjà papọ̀ pẹ̀lú rẹ̀ sáààrin àkójọ ọ̀tá

Ayah 5

إِنَّ ٱلۡإِنسَٰنَ لِرَبِّهِۦ لَكَنُودࣱ‏

Dájúdájú ènìyàn ni aláìmoore sí Olúwa rẹ̀

Ayah 6

وَإِنَّهُۥ عَلَىٰ ذَٰلِكَ لَشَهِيدࣱ‏

Dájúdájú Allāhu sì ń jẹ́ Ẹlẹ́rìí lórí ìyẹn

Ayah 7

وَإِنَّهُۥ لِحُبِّ ٱلۡخَيۡرِ لَشَدِيدٌ

Àti pé dájúdájú ènìyàn le gan-an níbi ìfẹ́ oore ayé

Ayah 8

۞أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ

Ṣé kò mọ̀ pé nígbà tí wọ́n bá tú ohun t’ó wà nínú sàréè jáde (fún àjíǹde)

Ayah 9

وَحُصِّلَ مَا فِي ٱلصُّدُورِ

tí wọ́n sì tú ohun t’ó wà nínú igbá-àyà ẹ̀dá síta pátápátá

Ayah 10

إِنَّ رَبَّهُم بِهِمۡ يَوۡمَئِذࣲ لَّخَبِيرُۢ

dájúdájú Olúwa wọn ni Alámọ̀tán nípa wọn ní Ọjọ́ yẹn

Ayah 11