Surah Al-Infitaar — The Cleaving

Surah Al-Infitaar (The Cleaving) is chapter 82 of the Quran, with 19 verses. This page presents the Arabic text with a Yoruba translation, verse by verse.

إِذَا ٱلسَّمَآءُ ٱنفَطَرَتۡ

Nígbà tí sánmọ̀ bá fà ya pẹ́rẹpẹ̀rẹ

Ayah 1

وَإِذَا ٱلۡكَوَاكِبُ ٱنتَثَرَتۡ

àti nígbà tí àwọn ìràwọ̀ bá já bọ́ káàkiri

Ayah 2

وَإِذَا ٱلۡبِحَارُ فُجِّرَتۡ

àti nígbà tí àwọn ibúdò bá ṣàn jára wọn

Ayah 3

وَإِذَا ٱلۡقُبُورُ بُعۡثِرَتۡ

àti (nígbà tí A bá ta ilẹ̀ sókè), tí A sì mú àwọn òkú jáde (láàyè) láti inú àwọn sàréè

Ayah 4

عَلِمَتۡ نَفۡسࣱ مَّا قَدَّمَتۡ وَأَخَّرَتۡ

(nígbà náà ni) ẹ̀mí kọ̀ọ̀kan yóò mọ ohun tí ó tì síwájú (nínú iṣẹ́ rẹ̀) àti ohun tí ó fi sẹ́yìn (nínú orípa iṣẹ́ rẹ̀)

Ayah 5

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Ìwọ ènìyàn, kí ni ó tàn ọ́ jẹ nípa Olúwa rẹ, Alápọ̀n-ọ́nlé

Ayah 6

ٱلَّذِي خَلَقَكَ فَسَوَّىٰكَ فَعَدَلَكَ

Ẹni t’Ó ṣẹ̀dá rẹ? Ó ṣẹ̀dá rẹ̀ ní pípé. Ó sì mú ọ dọ́gba jalẹ̀ léèyàn

Ayah 7

فِيٓ أَيِّ صُورَةࣲ مَّا شَآءَ رَكَّبَكَ

Ó to ẹ̀yà ara rẹ papọ̀ sínú èyíkéyìí àwòrán tí Ó fẹ́

Ayah 8

كَلَّا بَلۡ تُكَذِّبُونَ بِٱلدِّينِ

Ní ti òdodo, ńṣe l’ẹ̀ ń pe Ọjọ́ ẹ̀san nírọ́

Ayah 9

وَإِنَّ عَلَيۡكُمۡ لَحَٰفِظِينَ

Dájúdájú àwọn ẹ̀ṣọ́ sì wà ní ọ̀dọ̀ yín

Ayah 10

كِرَامࣰ ا كَٰتِبِينَ

(Wọ́n jẹ́) alápọ̀n-ọ́nlé, òǹkọ̀wé-iṣẹ́ ẹ̀dá

Ayah 11

يَعۡلَمُونَ مَا تَفۡعَلُونَ

Wọ́n mọ ohun tí ẹ̀ ń ṣe níṣẹ́

Ayah 12

إِنَّ ٱلۡأَبۡرَارَ لَفِي نَعِيمࣲ‏

Dájúdájú àwọn ẹni rere yóò kúkú wà nínú ìgbádùn

Ayah 13

وَإِنَّ ٱلۡفُجَّارَ لَفِي جَحِيمࣲ‏

Dájúdájú àwọn ẹni ibi yó sì kúkú wà nínú iná Jẹhīm

Ayah 14

يَصۡلَوۡنَهَا يَوۡمَ ٱلدِّينِ

Wọn yóò wọ inú rẹ̀ ní Ọjọ́ ẹ̀san

Ayah 15

وَمَا هُمۡ عَنۡهَا بِغَآئِبِينَ

Wọn kò sì níí kúrò nínú rẹ̀

Ayah 16

وَمَآ أَدۡرَىٰكَ مَا يَوۡمُ ٱلدِّينِ

Kí sì ni ó mú ọ mọ ohun t’ó ń jẹ́ Ọjọ́ ẹ̀san

Ayah 17

ثُمَّ مَآ أَدۡرَىٰكَ مَا يَوۡمُ ٱلدِّينِ

Lẹ́yìn náà, kí ni ó mú ọ mọ ohun t’ó ń jẹ́ Ọjọ́ ẹ̀san

Ayah 18

يَوۡمَ لَا تَمۡلِكُ نَفۡسࣱ لِّنَفۡسࣲ شَيۡـࣰٔ اۖ وَٱلۡأَمۡرُ يَوۡمَئِذࣲ لِّلَّهِ

(Ọjọ́ ẹ̀san ni) ọjọ́ tí ẹ̀mí kan kò níí kápá kiní kan fún ẹ̀mí kan. Gbogbo àṣẹ ọjọ́ yẹn sì ń jẹ́ ti Allāhu

Ayah 19