Surah At-Takwir — The Overthrowing

Surah At-Takwir (The Overthrowing) is chapter 81 of the Quran, with 29 verses. This page presents the Arabic text with a Yoruba translation, verse by verse.

إِذَا ٱلشَّمۡسُ كُوِّرَتۡ

Nígbà tí Wọ́n bá ká òòrùn kóróbójó dànù

Ayah 1

وَإِذَا ٱلنُّجُومُ ٱنكَدَرَتۡ

àti nígbà tí àwọn ìràwọ̀ bá já bọ́ káàkiri

Ayah 2

وَإِذَا ٱلۡجِبَالُ سُيِّرَتۡ

àti nígbà tí Wọ́n bá mú àwọn àpáta rìn (kúrò ní àyè wọn, tí wọ́n kù wọ́n dànù)

Ayah 3

وَإِذَا ٱلۡعِشَارُ عُطِّلَتۡ

àti nígbà tí wọ́n bá pa àwọn ràkúnmí aboyún tì

Ayah 4

وَإِذَا ٱلۡوُحُوشُ حُشِرَتۡ

àti nígbà tí Wọ́n bá ko àwọn ẹranko jọ

Ayah 5

وَإِذَا ٱلۡبِحَارُ سُجِّرَتۡ

àti nígbà tí Wọ́n bá mú àwọn agbami odò gbiná

Ayah 6

وَإِذَا ٱلنُّفُوسُ زُوِّجَتۡ

àti nígbà tí Wọ́n bá so àwọn ẹ̀mí pọ̀ mọ́ra wọn, (ẹni rere pẹ̀lú ẹni rere, ẹni ibi pẹ̀lú ẹni ibi)

Ayah 7

وَإِذَا ٱلۡمَوۡءُۥدَةُ سُئِلَتۡ

àti nígbà tí ọmọbìnrin tí wọ́n bò mọ́lẹ̀ láàyè bá bèèrè pé

Ayah 8

بِأَيِّ ذَنۢبࣲ قُتِلَتۡ

ẹ̀ṣẹ̀ wo ni wọ́n pa òun fún

Ayah 9

وَإِذَا ٱلصُّحُفُ نُشِرَتۡ

àti nígbà tí Wọ́n bá ṣí àwọn tákàdá (iṣẹ́ ẹ̀dá) sílẹ̀

Ayah 10

وَإِذَا ٱلسَّمَآءُ كُشِطَتۡ

àti nígbà tí Wọ́n bá ká sánmọ̀ kúrò lókè

Ayah 11

وَإِذَا ٱلۡجَحِيمُ سُعِّرَتۡ

àti nígbà tí wọ́n bá mú iná Jẹhīm jò fòfò

Ayah 12

وَإِذَا ٱلۡجَنَّةُ أُزۡلِفَتۡ

àti nígbà tí Wọ́n bá sún Ọgbà Ìdẹ̀ra mọ́ (àwọn onígbàgbọ́ òdodo)

Ayah 13

عَلِمَتۡ نَفۡسࣱ مَّآ أَحۡضَرَتۡ

(nígbà náà ni) ẹ̀mí (kọ̀ọ̀kan) yóò mọ ohun tí ó mú wá (nínú iṣẹ́ ire àti iṣẹ́ ibi)

Ayah 14

فَلَآ أُقۡسِمُ بِٱلۡخُنَّسِ

Nítorí náà, Èmi (Allāhu) ń búra pẹ̀lú àwọn ìràwọ̀ t’ó ń yọ ní alẹ́, t’ó ń wọ̀ọ̀kùn ní ọ̀sán

Ayah 15

ٱلۡجَوَارِ ٱلۡكُنَّسِ

(ìyẹn) àwọn ìràwọ̀ t’ó ń rìn lọ rìn bọ̀, t’ó ń wọ̀ọ̀kùn sí ibùwọ̀ wọn

Ayah 16

وَٱلَّيۡلِ إِذَا عَسۡعَسَ

Mo tún búra pẹ̀lú alẹ́ nígbà tí ó bá lọ

Ayah 17

وَٱلصُّبۡحِ إِذَا تَنَفَّسَ

Mo tún búra pẹ̀lú òwúrọ̀ nígbà tí ó bá mọ́lẹ̀

Ayah 18

إِنَّهُۥ لَقَوۡلُ رَسُولࣲ كَرِيمࣲ‏

Dájúdájú (al-Ƙur’ān) ni ọ̀rọ̀ (tí A fi rán Jibrīl) Òjíṣẹ́, alápọ̀n-ọ́nlé

Ayah 19

ذِي قُوَّةٍ عِندَ ذِي ٱلۡعَرۡشِ مَكِينࣲ‏

alágbára, ẹni pàtàkì ní ọ̀dọ̀ Ẹni t’Ó ni Ìtẹ́-ọlá

Ayah 20

مُّطَاعࣲ ثَمَّ أَمِينࣲ‏

ẹni tí wọ́n ń tẹ̀lé àṣẹ rẹ̀ níbẹ̀ yẹn (nínú sánmọ̀), olùfọkàntán

Ayah 21

وَمَا صَاحِبُكُم بِمَجۡنُونࣲ‏

Àti pé ẹni yín (Ànábì Muhammad s.a.w.) kì í ṣe wèrè

Ayah 22

وَلَقَدۡ رَءَاهُ بِٱلۡأُفُقِ ٱلۡمُبِينِ

Ó kúkú rí i nínú òfurufú kedere

Ayah 23

وَمَا هُوَ عَلَى ٱلۡغَيۡبِ بِضَنِينࣲ‏

Àti pé kì í ṣe ahun (tàbí ẹni-afurasí) lórí ìró ìkọ̀kọ̀ (tí A fi ránṣẹ́ sí i)

Ayah 24

وَمَا هُوَ بِقَوۡلِ شَيۡطَٰنࣲ رَّجِيمࣲ‏

Al-Ƙur’ān kì í sì ṣe ọ̀rọ̀ (tí A fi rán) Èṣù, ẹni ẹ̀kọ̀

Ayah 25

فَأَيۡنَ تَذۡهَبُونَ

Nítorí náà, ibo l’ẹ̀ ń lọ

Ayah 26

إِنۡ هُوَ إِلَّا ذِكۡرࣱ لِّلۡعَٰلَمِينَ

Kí sì ni al-Ƙur’ān bí kò ṣe ìrántí fún gbogbo ẹ̀dá

Ayah 27

لِمَن شَآءَ مِنكُمۡ أَن يَسۡتَقِيمَ

(Ó wà) fún ẹni tí ó bá fẹ́ nínú yín láti dúró déédé

Ayah 28

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Ẹ̀yin kò sì níí fẹ́ (láti dúró déédé) àyàfi tí Allāhu bá fẹ́, Olúwa gbogbo ẹ̀dá

Ayah 29