सूरा Al-Inshiqaaq — The Splitting Open

सूरा Al-Inshiqaaq (The Splitting Open) — 84/114 · 25 आयतहरू. अरबी पाठ र नेपाली अनुवादसहित पढ्नुहोस् र सुन्नुहोस्।

إِذَا ٱلسَّمَآءُ ٱنشَقَّتۡ

जब आकाश छिया–छिया परिहाल्नेछ ।

Ayah 1

وَأَذِنَتۡ لِرَبِّهَا وَحُقَّتۡ

र आफ्नो पालनकर्ताको आदेशको पालना गर्नेछ र उसलाई पनि यही चाहियो ।

Ayah 2

وَإِذَا ٱلۡأَرۡضُ مُدَّتۡ

र जब धरतीलाई समतल पारिदिइनेछ ।

Ayah 3

وَأَلۡقَتۡ مَا فِيهَا وَتَخَلَّتۡ

र जे–जति त्यसमा छ, त्यसलाई बाहिर फ्याँकिदिनेछ र (बिल्कुलै) रित्तो भइहाल्नेछ ।

Ayah 4

وَأَذِنَتۡ لِرَبِّهَا وَحُقَّتۡ

र आफ्नो पालकर्ताको आदेश पालना गर्नेछ । र उसलाई उचित पनि यही छ ।

Ayah 5

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحࣰ ا فَمُلَٰقِيهِ

हे मानिस ! तिमी आफ्नो पालनकर्तासित भेट्दासम्म प्रयास र अनेक काम गरेर उसित भेट गर्नेवाला छौ ।

Ayah 6

فَأَمَّا مَنۡ أُوتِيَ كِتَٰبَهُۥ بِيَمِينِهِۦ

अनि जुन सुकैलाई उसको कर्मपत्र उसको दाहिने हातमा दिइनेछ ।

Ayah 7

فَسَوۡفَ يُحَاسَبُ حِسَابࣰ ا يَسِيرࣰ ا

त ऊसित सरलताको साथ हिसाब लिइनेछ ।

Ayah 8

وَيَنقَلِبُ إِلَىٰٓ أَهۡلِهِۦ مَسۡرُورࣰ ا

र त्यो आफ्नो आफन्तहरूतिर खुशी भएर फर्कनेछ ।

Ayah 9

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

र त्यो व्यक्ति जसको कर्मपत्र उसको पिठ्युँको पछाडिबाट दिइनेछ ।

Ayah 10

فَسَوۡفَ يَدۡعُواْ ثُبُورࣰ ا

त त्यसले मृत्युलाई पुकार्ने छ ।

Ayah 11

وَيَصۡلَىٰ سَعِيرًا

र प्रज्वलित नर्कमा (दोजखमा) प्रवेश गर्नेछ ।

Ayah 12

إِنَّهُۥ كَانَ فِيٓ أَهۡلِهِۦ مَسۡرُورًا

त्यो मानिस आफ्नो आफन्तका मानिसहरूमा मग्न रहन्थ्यो ।

Ayah 13

إِنَّهُۥ ظَنَّ أَن لَّن يَحُورَ

र ठानी राख्थ्यो कि अल्लाहतिर फर्केर जानेछैन ।

Ayah 14

بَلَىٰٓۚ إِنَّ رَبَّهُۥ كَانَ بِهِۦ بَصِيرࣰ ا

हो, किन होइन ? यद्यपि उसको पालनकर्ताले उसलाई हेरिराखेको थियो ।

Ayah 15

فَلَآ أُقۡسِمُ بِٱلشَّفَقِ

मलाई कसम छ डुब्ने बेलाको प्रकाशको ।

Ayah 16

وَٱلَّيۡلِ وَمَا وَسَقَ

र रात्रीको कसम र उसद्वारा एकत्रित गरिएका वस्तुहरूको कसम ।

Ayah 17

وَٱلۡقَمَرِ إِذَا ٱتَّسَقَ

र चन्द्रको, जबकि त्यो पूर्ण भइहाल्छ ।

Ayah 18

لَتَرۡكَبُنَّ طَبَقًا عَن طَبَقࣲ‏

कि तिमीले निश्चय नै एक अवस्थाबाट अर्को अवस्थासम्म पुग्नेछौ ।

Ayah 19

فَمَا لَهُمۡ لَا يُؤۡمِنُونَ

त उनीहरूलाई के भएको छ कि ईमान ल्याउँदैनन् ।

Ayah 20

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩

र जब उनीहरूको अगाडि कुरआन पढिन्छ त ढोग (सिज्दा) गर्दैनन् ।

Ayah 21

بَلِ ٱلَّذِينَ كَفَرُواْ يُكَذِّبُونَ

बरु काफिरहरूले झुठ्लाउँछन् ।

Ayah 22

وَٱللَّهُ أَعۡلَمُ بِمَا يُوعُونَ

यिनीहरूले आफ्नो हृदयमा जुन कुरा लुकाउँछन्, त्यसलाई अल्लाह राम्ररी जान्दछ ।

Ayah 23

فَبَشِّرۡهُم بِعَذَابٍ أَلِيمٍ

तसर्थ उनीहरूलाई कष्टदायक यातनाको समाचार सुनाइदिनु ।

Ayah 24

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ

हो, ईमानवालाहरू र असल कर्म गर्नेहरूको निम्ति असीमित र नसकिने पुरस्कार छ ।

Ayah 25