सूरा Abasa — He frowned
सूरा Abasa (He frowned) — 80/114 · 42 आयतहरू. अरबी पाठ र नेपाली अनुवादसहित पढ्नुहोस् र सुन्नुहोस्।
عَبَسَ وَتَوَلَّىٰٓ
उसले रूखापनागरेर मुख फर्कायो ।
Ayah 1أَن جَآءَهُ ٱلۡأَعۡمَىٰ
किनकि उसको पासमा एउटा अन्धो आयो ।
Ayah 2وَمَا يُدۡرِيكَ لَعَلَّهُۥ يَزَّكَّىٰٓ
तिमीलाई के थाह शायद उसको भलो हुने थियो ।
Ayah 3أَوۡ يَذَّكَّرُ فَتَنفَعَهُ ٱلذِّكۡرَىٰٓ
अथवा उपदेश हासिल गर्दथ्यो र उपदेशबाट उसलाई फाइदा हुन्थ्यो ।
Ayah 4أَمَّا مَنِ ٱسۡتَغۡنَىٰ
तर जो लापरवाही गर्दछ ।
Ayah 5فَأَنتَ لَهُۥ تَصَدَّىٰ
उसैको तर्फ तिमी पूरै ध्यान दिन्छौ ।
Ayah 6وَمَا عَلَيۡكَ أَلَّا يَزَّكَّىٰ
हुनत यदि उसले पवित्रता प्राप्त गरेन भने तिमीलाई कुनै दोष आउँदैन ।
Ayah 7وَأَمَّا مَن جَآءَكَ يَسۡعَىٰ
र जो तिम्रो पासमा दगुर्दै आयो ।
Ayah 8وَهُوَ يَخۡشَىٰ
र ऊ (अल्लाहसित) डर्छ पनि ।
Ayah 9فَأَنتَ عَنۡهُ تَلَهَّىٰ
उसलाई तिमीले बेवास्ता गर्दछौ ।
Ayah 10كَلَّآ إِنَّهَا تَذۡكِرَةࣱ
हेर यो ठीक होइन कुरआन उपदेशको चीज हो ।
Ayah 11فَمَن شَآءَ ذَكَرَهُۥ
तसर्थ जसले चाहोस् त्यसबाट उपदेश प्राप्त गरोस् ।
Ayah 12فِي صُحُفࣲ مُّكَرَّمَةࣲ
यो त पवित्र उच्च पंक्तिहरूमा अंकित छ ।
Ayah 13مَّرۡفُوعَةࣲ مُّطَهَّرَةِۭ
जो उच्च ठाउँमा राखिएको र पवित्र छ ।
Ayah 14بِأَيۡدِي سَفَرَةࣲ
यस्ता लेख्नेवालाहरूको हातमा (रहेको) छ ।
Ayah 15كِرَامِۭ بَرَرَةࣲ
जो प्रतिष्ठित र पवित्र छन् ।
Ayah 16قُتِلَ ٱلۡإِنسَٰنُ مَآ أَكۡفَرَهُۥ
अल्लाहको सजाय, मानिस पनि कति अकृतज्ञ छ ।
Ayah 17مِنۡ أَيِّ شَيۡءٍ خَلَقَهُۥ
अल्लाहले उसलाई कुन कुराबाट सृष्टि गर्यो
Ayah 18مِن نُّطۡفَةٍ خَلَقَهُۥ فَقَدَّرَهُۥ
वीर्यको एउटा थोपाबाट सृष्टि गर्यो, अनि त्यसलाई राम्रो अन्दाजमा राख्यो ।
Ayah 19ثُمَّ ٱلسَّبِيلَ يَسَّرَهُۥ
र उसको निम्ति मार्ग सरल बनाइदियो ।
Ayah 20ثُمَّ أَمَاتَهُۥ فَأَقۡبَرَهُۥ
अनि उसलाई मृत्यु प्रदान गर्यो अनि कब्रमा (चिहानमा) पुराइदियो ।
Ayah 21ثُمَّ إِذَا شَآءَ أَنشَرَهُۥ
फेरि जब चाहन्छ (चिहानबाट) उभ्याइदिनेछ
Ayah 22كَلَّا لَمَّا يَقۡضِ مَآ أَمَرَهُۥ
केही सन्देह छैन कि अल्लाहले त्यसलाई जुन आदेश दियो, त्यसले उसलाई पूर्ण गरेन ।
Ayah 23فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ
अनि मानिसले आफ्नो भोजनलाई हेर्नुपर्छ ।
Ayah 24أَنَّا صَبَبۡنَا ٱلۡمَآءَ صَبࣰّ ا
हामीले नै धेरै पानी वर्षायौं ।
Ayah 25ثُمَّ شَقَقۡنَا ٱلۡأَرۡضَ شَقࣰّ ا
फेरि हामीले नै धरतीलाई (चिरेर) टुक्रा–टुक्रा पार्यौं ।
Ayah 26فَأَنۢبَتۡنَا فِيهَا حَبࣰّ ا
त्यस पश्चात हामीले नै त्यसमा अन्न उब्जायौं ।
Ayah 27وَعِنَبࣰ ا وَقَضۡبࣰ ا
र अंगूर र तरकारी ।
Ayah 28وَزَيۡتُونࣰ ا وَنَخۡلࣰ ا
र जैतून र खजूरहरू ।
Ayah 29وَحَدَآئِقَ غُلۡبࣰ ا
र बाक्ला घना बगैंचाहरू ।
Ayah 30وَفَٰكِهَةࣰ وَأَبࣰّ ا
र फल र चाराहरू ।
Ayah 31مَّتَٰعࣰ ا لَّكُمۡ وَلِأَنۡعَٰمِكُمۡ
(यी सबै कुरा) तिम्रा प्रयोग र फाइदाको लागि र तिम्रा चौपायाहरूको निम्ति बनायौं ।
Ayah 32فَإِذَا جَآءَتِ ٱلصَّآخَّةُ
तसर्थ जब कानै च्यातिने (कियामतको) प्रचण्ड आवाज आउनेछ ।
Ayah 33يَوۡمَ يَفِرُّ ٱلۡمَرۡءُ مِنۡ أَخِيهِ
त्यसदिन मानिस आफ्ना दाजुभाइहरूबाट ।
Ayah 34وَأُمِّهِۦ وَأَبِيهِ
र आफ्नो आमा र बाबुबाट ।
Ayah 35وَصَٰحِبَتِهِۦ وَبَنِيهِ
र आफ्नो श्रीमती र छोराहरूबाट भाग्नेछ ।
Ayah 36لِكُلِّ ٱمۡرِيࣲٕ مِّنۡهُمۡ يَوۡمَئِذࣲ شَأۡنࣱ يُغۡنِيهِ
यीमध्ये प्रत्येक व्यक्तिलाई त्यसदिन यस्तो चिन्ता हुनेछ जो उसैको लागि पर्याप्त हुनेछ ।
Ayah 37وُجُوهࣱ يَوۡمَئِذࣲ مُّسۡفِرَةࣱ
कैयन् अनुहारहरू त्यसदिन टल्किरहेका हुनेछन् ।
Ayah 38ضَاحِكَةࣱ مُّسۡتَبۡشِرَةࣱ
हाँस्दै खुशी र आनन्दित हुनेछन् ।
Ayah 39وَوُجُوهࣱ يَوۡمَئِذٍ عَلَيۡهَا غَبَرَةࣱ
र कैयन् अनुहारहरू त्यस दिन धूलधूसरित हुनेछन् ।
Ayah 40تَرۡهَقُهَا قَتَرَةٌ
जसमाथि कालोपना छाएको हुनेछ
Ayah 41أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ
यी तिनै काफिरचरित्र दुराचारी मानिसहरू हुनेछन् ।
Ayah 42