Surah Al-A'laa — The Most High

Surah Al-A'laa (The Most High) is chapter 87 of the Quran, with 19 verses. This page presents the Arabic text with a Kurdish translation, verse by verse.

سَبِّحِ ٱسۡمَ رَبِّكَ ٱلۡأَعۡلَى

ته‌سبیحات و ستایشی په‌روه‌ردگاری به‌رزو بڵند و پایه‌دارت بکه‌

Ayah 1

ٱلَّذِي خَلَقَ فَسَوَّىٰ

ئه‌‌و زاته‌ی هه‌موو شتێکی دروستکردووه به‌جوانی و ڕێکوپێک و تێرو ته‌واویی کردووه‌

Ayah 2

وَٱلَّذِي قَدَّرَ فَهَدَىٰ

ئه‌و زاته‌ی که نه‌خشه‌ی کێشاوه بۆ هه‌موو شتێك و جا ڕێنموویی کردووه‌

Ayah 3

وَٱلَّذِيٓ أَخۡرَجَ ٱلۡمَرۡعَىٰ

ئه‌وه‌ی که گژوگیای له له‌وه‌ڕگا ده‌رهێناوه‌

Ayah 4

فَجَعَلَهُۥ غُثَآءً أَحۡوَىٰ

(به‌ڵام دوای ماوه‌یه‌ک) ده‌یکاته پووش و په‌ڵاشتێکی زه‌رده و وشك و ڕه‌شهه‌ڵگه‌ڕاو

Ayah 5

سَنُقۡرِئُكَ فَلَا تَنسَىٰٓ

ئه‌ی محمد (صلی الله علیه وسلم) } ئێمه قورئانت له ڕێگه‌ی جوبره‌ئیله‌وه به‌سه‌ردا ده‌خوێنینه‌وه‌، ئیتر هه‌رگیز بیرت ناچێت

Ayah 6

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

مه‌گه‌ر شتێك ویستی خوای له‌سه‌ربێت، چونکه به‌ڕاستی خوا ئاگاداره به‌و شتانه‌ی که ئاشکراو دیارن، یاخود شاراوه‌ن

Ayah 7

وَنُيَسِّرُكَ لِلۡيُسۡرَىٰ

جا دڵنیابه ئێمه یارمه‌تیت ده‌ده‌ین بۆ ئه‌نجامدانی هه‌موو چاکه‌یه‌ك، هه‌موو کارێكی له‌بارت بۆ ئاسان ده‌که‌ین

Ayah 8

فَذَكِّرۡ إِن نَّفَعَتِ ٱلذِّكۡرَىٰ

که‌واته تۆ ئیتر له‌سه‌ر یادخستنه‌وه و یاداوه‌ری ئه‌و که‌سانه به‌رده‌وام به که سوودیان وه‌رگرتووه و ئاماده‌ن زیاتر تێبگه‌ن

Ayah 9

سَيَذَّكَّرُ مَن يَخۡشَىٰ

بێگومان ئه‌و که‌سه‌ی که ترسی خوای له دڵدا بێت یاده‌وه‌ری وه‌رده‌گرێت

Ayah 10

وَيَتَجَنَّبُهَا ٱلۡأَشۡقَى

خراپترین که‌س خۆی لێ دوور ده‌گرێت

Ayah 11

ٱلَّذِي يَصۡلَى ٱلنَّارَ ٱلۡكُبۡرَىٰ

ئه‌وه‌ی ده‌چێته ناو ئاگره‌که گه‌وره‌که‌وه و ده‌سوتێت تیایدا

Ayah 12

ثُمَّ لَا يَمُوتُ فِيهَا وَلَا يَحۡيَىٰ

له‌وه‌ودوا نه ئه‌وه‌یه بمرێت و (ڕزگاری بێت، نه ئه‌وه‌شه که‌) ژیانێکی ئاسایی به‌سه‌ر به‌رێت

Ayah 13

قَدۡ أَفۡلَحَ مَن تَزَكَّىٰ

بێگومان ئه‌و که‌سه سه‌رفرازه که ده‌روونی خۆی پاك ڕاگرتووه و

Ayah 14

وَذَكَرَ ٱسۡمَ رَبِّهِۦ فَصَلَّىٰ

ناوی په‌روه‌ردگاری ده‌بات و نوێژی بۆ ده‌کات و کڕنووش و سوژده‌ی بۆ بردووه‌

Ayah 15

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

که‌چی ئێوه ڕێبازی ڕزگاری ناگرنه به‌رو به‌ڵکو زیاتر ژیانی دنیاتان مه‌به‌سته‌

Ayah 16

وَٱلۡأٓخِرَةُ خَيۡرࣱ وَأَبۡقَىٰٓ

له‌کاتێکدا قیامه‌ت و به‌ده‌ست هێنانی به‌هه‌شت چاکتره و به‌رده‌وامیشه (هه‌ر به‌راورد ناکرێت له‌گه‌ڵ ته‌مه‌نی کورتی دنیادا)

Ayah 17

إِنَّ هَٰذَا لَفِي ٱلصُّحُفِ ٱلۡأُولَىٰ

بێگومان ئه‌م یادخستنه‌وانه له په‌ڕاوه دێرینه‌کانیشدا باسکراوه‌

Ayah 18

صُحُفِ إِبۡرَٰهِيمَ وَمُوسَىٰ

(له‌وانه‌) کتێبه پیرۆزه‌کانی ئیبراهیم و موسا

Ayah 19