Surah At-Takwir — The Overthrowing

Surah At-Takwir (The Overthrowing) is chapter 81 of the Quran, with 29 verses. This page presents the Arabic text with a Kurdish translation, verse by verse.

إِذَا ٱلشَّمۡسُ كُوِّرَتۡ

کاتێك خۆر ده‌پێچرێته‌وه و ڕووناکی نامێنێت

Ayah 1

وَإِذَا ٱلنُّجُومُ ٱنكَدَرَتۡ

کاتێکیش ئه‌ستێره‌کان (له خو‌لگه‌ی خۆیان) ده‌ترازێن و ده‌ده‌ن به‌یه‌کدا

Ayah 2

وَإِذَا ٱلۡجِبَالُ سُيِّرَتۡ

کاتێك کێوه‌کان له شوێنی خۆیان هه‌ڵده‌که‌نرێن و به‌ملاولادا ده‌برێن

Ayah 3

وَإِذَا ٱلۡعِشَارُ عُطِّلَتۡ

کا‌تێك حوشترانی ئاوس که ته‌مه‌نی باردارییان ده مانگه گوێیان پێنادرێت (بێگومان ئه‌و وشترانه لای عه‌ره‌ب زۆر نازدارن)

Ayah 4

وَإِذَا ٱلۡوُحُوشُ حُشِرَتۡ

کاتێك گیانله‌به‌رانی کێوی و وه‌حشی و دڕنده به ده‌وری یه‌کدا کۆده‌کرێنه‌وه (ئه‌وانیش دڕندایه‌تی خۆیانیان له بیر ده‌چێته‌وه له سامناکی ئه‌و ڕۆژه‌)

Ayah 5

وَإِذَا ٱلۡبِحَارُ سُجِّرَتۡ

کاتێك ده‌ریاکان گڕ ده‌درێن (دیاره که ته‌قینه‌وه‌ی ئه‌تۆمی ڕووده‌دات و ئاوی ده‌ریاکان ده‌بنه‌وه به هایدرۆجین و ئۆکسجین)

Ayah 6

وَإِذَا ٱلنُّفُوسُ زُوِّجَتۡ

کاتێك گیانی هه‌ر که‌س ده‌گه‌رێته‌وه بۆ لاشه‌ی و جووت ده‌بێته‌وه له‌گه‌ڵیدا

Ayah 7

وَإِذَا ٱلۡمَوۡءُۥدَةُ سُئِلَتۡ

کاتێك کچی زینده به‌چاڵکراو پرسیاری لێده‌کرێت

Ayah 8

بِأَيِّ ذَنۢبࣲ قُتِلَتۡ

به چ گوناهێك، به چ تۆمه‌تێك کوژرا؟

Ayah 9

وَإِذَا ٱلصُّحُفُ نُشِرَتۡ

کاتێك نامه‌ی کرده‌وه‌کان واڵا ده‌کرێت

Ayah 10

وَإِذَا ٱلسَّمَآءُ كُشِطَتۡ

کاتێك ئاسمان لاده‌برێن و داده‌ماڵرێن

Ayah 11

وَإِذَا ٱلۡجَحِيمُ سُعِّرَتۡ

کاتێك دۆزه‌خ داده‌گیرسێت و تاوده‌درێت

Ayah 12

وَإِذَا ٱلۡجَنَّةُ أُزۡلِفَتۡ

کاتێك به‌‌هه‌شت نزیك ده‌خرێته‌وه (له خواناسان)

Ayah 13

عَلِمَتۡ نَفۡسࣱ مَّآ أَحۡضَرَتۡ

ئیتر ئه‌و کاته هه‌رکه‌س ده‌زانێت چی ئاماده کردووه و چ توێشوویه‌کی پێیه‌

Ayah 14

فَلَآ أُقۡسِمُ بِٱلۡخُنَّسِ

سوێند به‌و ئه‌ستێرانه‌ی که په‌نهان ده‌بن و ون ده‌بن له‌چاو، یاخود به‌هۆی سوڕانه‌وه‌ی زه‌وی و خۆیانه‌وه (به‌هۆی هه‌ڵهاتنی خۆره‌وه‌) ون ده‌بن

Ayah 15

ٱلۡجَوَارِ ٱلۡكُنَّسِ

به‌و هه‌سارانه‌ی که په‌نا ده‌گرن و دیار نامێنن

Ayah 16

وَٱلَّيۡلِ إِذَا عَسۡعَسَ

به‌و شه‌وه‌ی که دادێت و تاریکایه‌که‌ی ڕوومان تێده‌کات

Ayah 17

وَٱلصُّبۡحِ إِذَا تَنَفَّسَ

به به‌ره‌به‌یان که پشووی تێدێت، وه‌کو زینده‌وه‌رێك ئاهی تێدێته‌وه و ده‌ست ده‌کات به هه‌ناسه‌دان و ژیان و ڕووناکیه‌که‌ی ده‌رده‌که‌وێت

Ayah 18

إِنَّهُۥ لَقَوۡلُ رَسُولࣲ كَرِيمࣲ‏

(سوێند به‌وانه هه‌مووی) به‌ڕاستی، بێ دوودڵی ئه‌م قورئانه له‌زاری نێردراوێکی به‌ڕێزه‌وه‌یه (که جوبره‌ئیله‌)

Ayah 19

ذِي قُوَّةٍ عِندَ ذِي ٱلۡعَرۡشِ مَكِينࣲ‏

خاوه‌نی هێزو ده‌سه‌ڵاته و لای خاوه‌نی عه‌رش، فریشته‌یه‌کی پایه‌داره‌

Ayah 20

مُّطَاعࣲ ثَمَّ أَمِينࣲ‏

فه‌رمانڕه‌وایه له‌وێ، هه‌روه‌ها ئه‌مین و دڵسۆزه له کاره‌کانیدا

Ayah 21

وَمَا صَاحِبُكُم بِمَجۡنُونࣲ‏

دڵنیابن که هاورێکه‌تان { محمد (صلی الله علیه وسلم) } شێت نیه و (له‌که‌ماڵی ژیریدایه‌)

Ayah 22

وَلَقَدۡ رَءَاهُ بِٱلۡأُفُقِ ٱلۡمُبِينِ

بێگومان محمد (صلی الله علیه وسلم) جوبره‌ئیلی بینی به ئاشکرا له ئاسۆی نومایاندا

Ayah 23

وَمَا هُوَ عَلَى ٱلۡغَيۡبِ بِضَنِينࣲ‏

هه‌رچی پێ ده‌گات، له جیهانی نهێنی و شاراوه‌کانه‌وه‌، لێتان ناشارێته‌وه و ڕاستیتان پێ ڕاده‌گه‌یه‌نێت چونکه هه‌رگیز له گه‌یاندنی په‌یامه‌که‌یدا ڕژدو ڕه‌زیل نیه‌

Ayah 24

وَمَا هُوَ بِقَوۡلِ شَيۡطَٰنࣲ رَّجِيمࣲ‏

ئه‌م قورئانه گوفتاری شه‌یتانی نه‌فرین لێکراو نیه‌

Ayah 25

فَأَيۡنَ تَذۡهَبُونَ

ئیتر بۆ کوێ ده‌چن؟ ڕوو ده‌که‌نه کوێ؟ ڕوو ده‌که‌نه کێ؟

Ayah 26

إِنۡ هُوَ إِلَّا ذِكۡرࣱ لِّلۡعَٰلَمِينَ

ئه‌م قورئانه ته‌نها یادخه‌ره‌وه‌یه بۆ سه‌رجه‌م دانیشتووانی زه‌وی (بۆ په‌ری و ئاده‌میزاد له هه‌موو سه‌رده‌مه‌کاندا)

Ayah 27

لِمَن شَآءَ مِنكُمۡ أَن يَسۡتَقِيمَ

بۆ ئه‌وانه‌تان که ده‌یانه‌وێت ڕێبازی ڕاست و دروست بگرنه‌به‌ر

Ayah 28

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

ویستی ئێوه‌ش نایه‌ته دێته دی مه‌گه‌ر کاتێك خوای په‌روه‌ردگاری جیهانیان بیه‌وێت، (هه‌رکه‌س ویستی خێری هه‌بێت خوای گه‌وره سه‌ربه‌رستی لێ زه‌وت ناکات، له‌گه‌ڵ ئه‌وه‌شدا هه‌ر ئه‌وه پێش دێت که ویستی خوای له‌سه‌ره و توانای تێگه‌یشتنمان له نهێنی و شاراوه‌کا‌ن زۆر سنوورداره‌)

Ayah 29