Surah Al-A'laa — The Most High

Surah Al-A'laa (The Most High) is chapter 87 of the Quran, with 19 verses. This page presents the Arabic text with a Twi translation, verse by verse.

سَبِّحِ ٱسۡمَ رَبِّكَ ٱلۡأَعۡلَى

Bͻ wo Wura Nyankopͻn Kokuroko no abodin

Ayah 1

ٱلَّذِي خَلَقَ فَسَوَّىٰ

(Wo Wura) no a Ɔbͻͻ adeε, totoo biribiara pεpεεpε

Ayah 2

وَٱلَّذِي قَدَّرَ فَهَدَىٰ

Na Ɔyε nhyehyεε san kyerε (nipa) kwan

Ayah 3

وَٱلَّذِيٓ أَخۡرَجَ ٱلۡمَرۡعَىٰ

Na Ɔma nwira mono fifire

Ayah 4

فَجَعَلَهُۥ غُثَآءً أَحۡوَىٰ

Na Ɔma no hoa, na edwan

Ayah 5

سَنُقۡرِئُكَ فَلَا تَنسَىٰٓ

(Nkͻmhyεni), Yε’bεkenkan (Qur’aan no) akyerε wo, na wowerε mmfi

Ayah 6

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Gyesε deԑ Nyankopͻn pε. Nokorε sε, Ɔno na Onim deε εda adie ne deε asuma

Ayah 7

وَنُيَسِّرُكَ لِلۡيُسۡرَىٰ

Na Yε’bεyε no mmrε ama wo ama no ayε mmrε

Ayah 8

فَذَكِّرۡ إِن نَّفَعَتِ ٱلذِّكۡرَىٰ

Enti tu (wͻn) fo, efrisε mfasoͻ wͻ afutuo no so

Ayah 9

سَيَذَّكَّرُ مَن يَخۡشَىٰ

Obi a osuro Nyame no debetu neho fo

Ayah 10

وَيَتَجَنَّبُهَا ٱلۡأَشۡقَى

Na otibͻneni no deε ͻbεtwe neho afri ho

Ayah 11

ٱلَّذِي يَصۡلَى ٱلنَّارَ ٱلۡكُبۡرَىٰ

Ɔno na ͻbεkͻ egya kεseε no mu no

Ayah 12

ثُمَّ لَا يَمُوتُ فِيهَا وَلَا يَحۡيَىٰ

Onnwu wͻ mu, na onnya nkwa nso

Ayah 13

قَدۡ أَفۡلَحَ مَن تَزَكَّىٰ

Nokorε sε, obi a obedi neho nni anaasε ͻbεyε kronkron no adi nkonim

Ayah 14

وَذَكَرَ ٱسۡمَ رَبِّهِۦ فَصَلَّىٰ

Na Ͻbͻ ne Wura Nyankopͻn abodin, yԑ Sala (anaa ͻfrε Nyame)

Ayah 15

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Nanso mopε saa wiase asetena yi

Ayah 16

وَٱلۡأٓخِرَةُ خَيۡرࣱ وَأَبۡقَىٰٓ

Aberε nso a Daakye deε no na εyε, εno nso na εwͻ hͻ daa

Ayah 17

إِنَّ هَٰذَا لَفِي ٱلصُّحُفِ ٱلۡأُولَىٰ

Nokorε sε, saa (afutuo) yi wͻ tetefoͻ no Nsεmpa no mu

Ayah 18

صُحُفِ إِبۡرَٰهِيمَ وَمُوسَىٰ

Abraham ne Mose Nsεmpa Nwoma no

Ayah 19