Surah At-Taariq — The Morning Star

Surah At-Taariq (The Morning Star) is chapter 86 of the Quran, with 17 verses. This page presents the Arabic text with a Twi translation, verse by verse.

وَٱلسَّمَآءِ وَٱلطَّارِقِ

Mede ͻsoro, ne anadwo-Srafoͻ no di nse

Ayah 1

وَمَآ أَدۡرَىٰكَ مَا ٱلطَّارِقُ

Na εdeεn na εbεkyerε wo deε εyε Anadwo-Srafoͻ no

Ayah 2

ٱلنَّجۡمُ ٱلثَّاقِبُ

Ɛyε Nsoromma a, εhyerεn papaapa

Ayah 3

إِن كُلُّ نَفۡسࣲ لَّمَّا عَلَيۡهَا حَافِظࣱ‏

Ɔkra biara nnihͻ a, ͻwεnfoͻ nni nesoͻ

Ayah 4

فَلۡيَنظُرِ ٱلۡإِنسَٰنُ مِمَّ خُلِقَ

Enti onipa nhwε adeε a yεbͻͻ no firii mu

Ayah 5

خُلِقَ مِن مَّآءࣲ دَافِقࣲ‏

Yεbͻͻ no frii nsuo a, epue ba mu

Ayah 6

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Epue fri sisie ne mfem-padeε ntεm

Ayah 7

إِنَّهُۥ عَلَىٰ رَجۡعِهِۦ لَقَادِرࣱ‏

Ɛyε nokorε sε, Nyankopͻn wͻ tumi sε (onipa wu a) Onyane no san ba nkwa mu bio

Ayah 8

يَوۡمَ تُبۡلَى ٱلسَّرَآئِرُ

Ɛda a, deε asuma biara bεda adie no

Ayah 9

فَمَا لَهُۥ مِن قُوَّةࣲ وَلَا نَاصِرࣲ‏

(Saa Da no) onipa nni tumi anaa ͻboafoͻ biara

Ayah 10

وَٱلسَّمَآءِ ذَاتِ ٱلرَّجۡعِ

Mede ͻsoro a, edi nsutͻ ho akͻneaba

Ayah 11

وَٱلۡأَرۡضِ ذَاتِ ٱلصَّدۡعِ

Ne asaase a, ebue (ma nnͻbae ne nsuo puepue fri mu) no di nse sε

Ayah 12

إِنَّهُۥ لَقَوۡلࣱ فَصۡلࣱ‏

Nokorε, saa (Qur’aan yi) yε Asεm a εda nokorε ne nkontompo adie

Ayah 13

وَمَا هُوَ بِٱلۡهَزۡلِ

Na εnyε fεw die

Ayah 14

إِنَّهُمۡ يَكِيدُونَ كَيۡدࣰ ا

Nokorε sε, (abͻneεfoͻ no) rebͻ pͻ (atia Muhammad)

Ayah 15

وَأَكِيدُ كَيۡدࣰ ا

Na Me (Nyankopͻn) nso Merebͻ pͻ

Ayah 16

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Enti (Nkͻmhyεni), wodeε to wobo ase ma boniayεfoͻ no, na ma wͻn εberε kakra

Ayah 17