Surah Al-Mursalaat — The Emissaries

Surah Al-Mursalaat (The Emissaries) — 77/114 · 50 aya. Soma na usikilize kwa maandishi ya Kiarabu na tafsiri ya Kiswahili.

وَٱلۡمُرۡسَلَٰتِ عُرۡفࣰ ا

Anaapa Mwenyezi Mungu kwa upepo unapovuma kwa mfululizo, huu baada ya huu

Ayah 1

فَٱلۡعَٰصِفَٰتِ عَصۡفࣰ ا

Na kwa upepo wenye kuvuma kwa ukali wenye kuangamiza

Ayah 2

وَٱلنَّٰشِرَٰتِ نَشۡرࣰ ا

Na kwa Malaika waliopewa jukumu la mawingu, wakawa wayapeleka pale anapotaka Mwenyezi Mungu

Ayah 3

فَٱلۡفَٰرِقَٰتِ فَرۡقࣰ ا

Na kwa Malaika wanaoshuka, kutoka kwa Mwenyezi Mungu

Ayah 4

فَٱلۡمُلۡقِيَٰتِ ذِكۡرًا

na amri zinazopambanua baina ya haki na batili na halali na haramu

Ayah 5

عُذۡرًا أَوۡ نُذۡرًا

Na kwa Malaika wanaoupokea wahyi kutoka kwa Mwenyezi Mungu na kuuteremsha kwa Manabii Wake, unaowapa viumbe wake udhuru kutoka kwa Mwenyezi Mungu na pia onyo kutoka Kwake, ili watu wasiwe na hoja

Ayah 6

إِنَّمَا تُوعَدُونَ لَوَٰقِعࣱ‏

Hakika jambo la Kiyama mnaloahidiwa pamoja na lile la kuhesabiwa na kulipwa ni lenye kuwa hapana shaka

Ayah 7

فَإِذَا ٱلنُّجُومُ طُمِسَتۡ

Basi nyota zitakapofutwa na mwangaza wake ukaondoka

Ayah 8

وَإِذَا ٱلسَّمَآءُ فُرِجَتۡ

na mbingu zitakapopasuka

Ayah 9

وَإِذَا ٱلۡجِبَالُ نُسِفَتۡ

na majabali yatakapopeperuka na kukueanea huku na kule na yakawa ni mapepe yanayorushwa na upepo

Ayah 10

وَإِذَا ٱلرُّسُلُ أُقِّتَتۡ

Na Mitume watapowekewa wakati na muda wa baina yao na ummah wao na kusemwe

Ayah 11

لِأَيِّ يَوۡمٍ أُجِّلَتۡ

«Ni Siku kubwa gani Mitume wameahirishiwa?»

Ayah 12

لِيَوۡمِ ٱلۡفَصۡلِ

Wameahirishiwa Siku ya hukumu na uamuzi baina ya viumbe

Ayah 13

وَمَآ أَدۡرَىٰكَ مَا يَوۡمُ ٱلۡفَصۡلِ

Na nilipi lililokujulisha wewe, ewe binadamu, ni siku gani hiyo ya kutolewa uamuzi na ni zipi shida zake na vituko vyake

Ayah 14

وَيۡلࣱ يَوۡمَئِذࣲ لِّلۡمُكَذِّبِينَ

Maangamivu makubwa Siku hiyo ni ya wale waliyoikanusha Siku hii iliyoahidiwa

Ayah 15

أَلَمۡ نُهۡلِكِ ٱلۡأَوَّلِينَ

Kwani hatukuawaangamiza walitangulia kati ya umma waliopita kwa kuwakanusha kwao Mitume, kama vile watu wa Nūḥ, ‘Ād na Thamūd

Ayah 16

ثُمَّ نُتۡبِعُهُمُ ٱلۡأٓخِرِينَ

Kisha tutawakutanisha na wao wale waliokuja nyuma kati ya wale waliokuwa ni kama wao katika ukanushaji na uasi

Ayah 17

كَذَٰلِكَ نَفۡعَلُ بِٱلۡمُجۡرِمِينَ

Mfano wa uangamizaji huo mkali ndivyo tutakavyowafanya wahalifu kati ya makafiri wa Makkah, kwa kumkanusha kwao Mtume, rehema ya Mwenyezi Mungu na amani zimshukie

Ayah 18

وَيۡلࣱ يَوۡمَئِذࣲ لِّلۡمُكَذِّبِينَ

Maangamivu na adhabu kali Siku ya Kiyama kwa kila mwenye kuukanusha upweke wa Mwenyezi Mungu, unabii, kufufuliwa na kuhesabiwa

Ayah 19

أَلَمۡ نَخۡلُقكُّم مِّن مَّآءࣲ مَّهِينࣲ‏

Je kwani sisi hatukuwaumba nyinyi, enyi mkusanyiko wa makafiri, kutokana na maji dhaifu yaliyo matwevu nayo ni tone la manii

Ayah 20

فَجَعَلۡنَٰهُ فِي قَرَارࣲ مَّكِينٍ

tukayaweka maji haya kwenye mahali palipohifadhika, napo ni kizazi cha mwanamke

Ayah 21

إِلَىٰ قَدَرࣲ مَّعۡلُومࣲ‏

mpaka kipindi maalumu kinachojulikana na Mwenyezi Mungu Aliyetukuka

Ayah 22

فَقَدَرۡنَا فَنِعۡمَ ٱلۡقَٰدِرُونَ

Tukaweza kumuumba, kumtia sura na kumtoa. Basi bora wa wenye kuweza ni s isi

Ayah 23

وَيۡلࣱ يَوۡمَئِذࣲ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kukanusha uweza wetu

Ayah 24

أَلَمۡ نَجۡعَلِ ٱلۡأَرۡضَ كِفَاتًا

Je kwani hatukuifanya hii ardhi mnayoishi juu yake

Ayah 25

أَحۡيَآءࣰ وَأَمۡوَٰتࣰ ا

ikusanye juu ya mgongo wake walio hai wasiohesabika, na ndani ya matumbo yake wafu wasiodhibitika, na

Ayah 26

وَجَعَلۡنَا فِيهَا رَوَٰسِيَ شَٰمِخَٰتࣲ وَأَسۡقَيۡنَٰكُم مَّآءࣰ فُرَاتࣰ ا

tukajaalia iwe na majabali yaliyojikita yaliyo marefu ili isitikisike na nyinyi, na tukawanywesha maji tamu yaliyo mazuri

Ayah 27

وَيۡلࣱ يَوۡمَئِذࣲ لِّلۡمُكَذِّبِينَ

Maangamivu na adhabu kali Siku ya Kiyama kwa waliozikanusha neema hizi

Ayah 28

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

Wataambiwa makafiri Siku ya Kiyama, «Endeni kwenye adhabu ya moto wa Jahanamu mliokuwa mkiukanusha duniani

Ayah 29

ٱنطَلِقُوٓاْ إِلَىٰ ظِلࣲّ ذِي ثَلَٰثِ شُعَبࣲ‏

Endeni mjifinike kwenye kivuli cha moshi wa moto wa Jahanamu ambacho hapo panachembuka vipande vitatu

Ayah 30

لَّا ظَلِيلࣲ وَلَا يُغۡنِي مِنَ ٱللَّهَبِ

Kivuli hiko hakimfanyi mtu ahifadhike na joto la Siku hiyo wala hakizuii muwako wa Moto chochote

Ayah 31

إِنَّهَا تَرۡمِي بِشَرَرࣲ كَٱلۡقَصۡرِ

Hakika moto wa Jahanamu unarusha macheche makubwa ya moto, kila cheche moja katika hayo ni kama jengo lililoimarishwa katika ukubwa na urefu wa kuenda juu

Ayah 32

كَأَنَّهُۥ جِمَٰلَتࣱ صُفۡرࣱ‏

Kama kwamba hizo cheche za moto wa Jahanamu zinazopaa juu ni ngamia weusi ambao rangi yao imeingia kwenye umanjano.»

Ayah 33

وَيۡلࣱ يَوۡمَئِذࣲ لِّلۡمُكَذِّبِينَ

Maangamivu na adhabu kali kwa wenye kukanusha mateso yaliyoahidiwa na Mwenyezi Mungu

Ayah 34

هَٰذَا يَوۡمُ لَا يَنطِقُونَ

Hii ndiyo Siku ya Kiyama ambayo wakanushaji hawatatamka maneno ya kuwanufaisha

Ayah 35

وَلَا يُؤۡذَنُ لَهُمۡ فَيَعۡتَذِرُونَ

wala hawatapewa idhini ya kusema wakatoa nyudhuru, kwa kuwa hawatakuwa na udhuru wowote

Ayah 36

وَيۡلࣱ يَوۡمَئِذࣲ لِّلۡمُكَذِّبِينَ

Maangamivu na adhabu kali kwa wenye kuikanusha siku hii na yaliyomo ndani yake

Ayah 37

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Hii ni Siku ambayo Mwenyezi Mungu Atatoa uamuzi baina ya viumbe, na ukweli na ubatilifu utapambanuka. Tutawakusanya nyinyi Siku hiyo, enyi makafiri wa ummah huu, pamoja na makafiri wa mwanzo miongoni mwa ummah waliopita

Ayah 38

فَإِن كَانَ لَكُمۡ كَيۡدࣱ فَكِيدُونِ

Basi mkiwa na hila za kujitoa na adhabu, tumieni hila zenu na mziokoe nafsi zenu na msukosuko wa Mwenyezi Mungu na mateso Yake

Ayah 39

وَيۡلࣱ يَوۡمَئِذࣲ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuikanusha Siku ya Kiyama

Ayah 40

إِنَّ ٱلۡمُتَّقِينَ فِي ظِلَٰلࣲ وَعُيُونࣲ‏

Hakika ya wale waliomuogopa Mola wao duniani na wakaiogopa adhabu Yake kwa kufuata amri Zake na kujiepusha na makatazo Yake. Wao Siku ya Kiyama watakuwa kwenye vivuli vya miti vilivyonyoka, na chemchemi za maji zinazotembea

Ayah 41

وَفَوَٰكِهَ مِمَّا يَشۡتَهُونَ

na matunda mengi yanayopendwa na nafsi zao ambayo wao wanastarehe nayo. Hapo waambiwe

Ayah 42

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

«Kuleni chakula chenye ladha na mnyweni kinywaji chenye kufurahisha kwa sababu ya matendo mema mliyoyatanguliza duniani.»

Ayah 43

إِنَّا كَذَٰلِكَ نَجۡزِي ٱلۡمُحۡسِنِينَ

Sisi, kwa mfano wa malipo hayo makubwa, tutawalipa watu wema katika matendo yao na utiifu wao kwetu

Ayah 44

وَيۡلࣱ يَوۡمَئِذࣲ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuikanusha Siku ya Malipo na Hesabu, na kuzikanusha sterehe na mateso yaliyomo Siku hiyo

Ayah 45

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

Kisha Mwenyezi Mungu Akawaonya makafiri kwa kusema, «Kuleni aina ya vyakula vya ladha duniani na stareheni kwa matamanio yake yenye kumalizika kwa muda mchache, hakika nyinyi ni wahalifu kwa kumshirikisha kwenu Mwenyezi Mungu.»

Ayah 46

وَيۡلࣱ يَوۡمَئِذࣲ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuikanusha Siku ya kuhesabiwa na kulipwa

Ayah 47

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Na wanapoambiwa hawa washirikina, «Mswalieni Mwenyezi Mungu na mnyenyekeeni,» hawanyenyekei wala hawaswali, bali wanaendelea kuonyesha kiburi chao

Ayah 48

وَيۡلࣱ يَوۡمَئِذࣲ لِّلۡمُكَذِّبِينَ

Maangamivu na adhabu kali Siku ya Kiyama kwa wenye kuzikanusha aya za Mwenyezi Mungu

Ayah 49

فَبِأَيِّ حَدِيثِۭ بَعۡدَهُۥ يُؤۡمِنُونَ

Iwapo wao hawataiamini hii Qur’ani, basi wataamini kitabu gani na maneno gani baada yake? Na Qur’ani yenyewe ni Kitabu kilichobainisha kila kitu, kilicho wazi katika hekima zake, hukumu zake na habari zake, chenye kushinda katika matamko yake na maana yake

Ayah 50