Sura Al-Qiyaama — The Resurrection

Sura Al-Qiyaama (The Resurrection) — 75/114 · 40 aya. Karanta kuma ka saurara da rubutun Larabci da fassarar Hausa.

لَآ أُقۡسِمُ بِيَوۡمِ ٱلۡقِيَٰمَةِ

Bã sai Nã yi rantsuwa* da Rãnar ¡iyãma ba

Ayah 1

وَلَآ أُقۡسِمُ بِٱلنَّفۡسِ ٱللَّوَّامَةِ

Bã sai Nã yi rantsuwa da rai mai yawan zargin* kansa ba

Ayah 2

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Sin, mutum yana zaton cẽwa bã zã Mu tãra ƙasusuwansa ba

Ayah 3

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Na'am! Mãsu ĩkon yi Muke a kan Mu daidaita gaɓõɓin yãtsunsa

Ayah 4

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Ba haka ba! Mutum so yake, ya yi fãjirci, ya ƙaryata abin da yake a gabansa

Ayah 5

يَسۡـَٔلُ أَيَّانَ يَوۡمُ ٱلۡقِيَٰمَةِ

Yanã tambaya: "Yaushe ne Rãnar ¡iyãma

Ayah 6

فَإِذَا بَرِقَ ٱلۡبَصَرُ

To, idan gani ya ɗimauta (ya yi ƙyalli)

Ayah 7

وَخَسَفَ ٱلۡقَمَرُ

Kuma, watã ya yi husũfi (haskensa ya dushe)

Ayah 8

وَجُمِعَ ٱلشَّمۡسُ وَٱلۡقَمَرُ

Aka tãra rãnã da watã

Ayah 9

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Mutum zai ce a rãn nan "Ina wurin gudu

Ayah 10

كَلَّا لَا وَزَرَ

A'aha! bãbu mafaka

Ayah 11

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

zuwa ga Ubangijinka wurin tabbata, a rãnar nan, yake

Ayah 12

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Ana gayã wa mutum, a rãnar nan, abin da ya gabatar da wanda ya jinkirtar

Ayah 13

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةࣱ‏

Ba haka ba! Mutum, ga abin da ya shafi kansa, masani ne

Ayah 14

وَلَوۡ أَلۡقَىٰ مَعَاذِيرَهُۥ

Kuma ko da yã jẽfa uzurorinsa (bã zã a saurãre shi ba)

Ayah 15

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Kada ka mõtsar* da harshenka game da shi dõmin ka yi gaugãwar riƙe shi (Alƙur'ãni)

Ayah 16

إِنَّ عَلَيۡنَا جَمۡعَهُۥ وَقُرۡءَانَهُۥ

Lalle ne, wãjibi ne a gare Mu, Mu tãra shi. Mu (tsare maka) karãtunsa

Ayah 17

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

To idan Muka karanta shi sai ka bi karatunsa

Ayah 18

ثُمَّ إِنَّ عَلَيۡنَا بَيَانَهُۥ

sa'an nan, lalle wãjibi ne a gare Mu, bayãninsa

Ayah 19

كَلَّا بَلۡ تُحِبُّونَ ٱلۡعَاجِلَةَ

A'aha! Bã haka ba kunã son mai gaugawar nan (duniya) ne

Ayah 20

وَتَذَرُونَ ٱلۡأٓخِرَةَ

Kunã barin ta ƙarshen (Lãhira)

Ayah 21

وُجُوهࣱ يَوۡمَئِذࣲ نَّاضِرَةٌ

Wasu huskõki, a rãnar nan, mãsu annuri ne

Ayah 22

إِلَىٰ رَبِّهَا نَاظِرَةࣱ‏

Zuwa ga Ubangijinsu mãsu kallo ne

Ayah 23

وَوُجُوهࣱ يَوۡمَئِذِۭ بَاسِرَةࣱ‏

Wasu huskõki, a rãnar nan, mãsu gintsẽwa ne

Ayah 24

تَظُنُّ أَن يُفۡعَلَ بِهَا فَاقِرَةࣱ‏

Sunã zaton a sako musu masĩfa mai karya tsatso

Ayah 25

كَلَّآ إِذَا بَلَغَتِ ٱلتَّرَاقِيَ

A'aha! Iadan (rai) ya kai ga karankarmai

Ayah 26

وَقِيلَ مَنۡۜ رَاقࣲ‏

kuma aka ce: "Wãne ne mai tawada

Ayah 27

وَظَنَّ أَنَّهُ ٱلۡفِرَاقُ

Kuma ya tabbata cẽwa rabuwa dai ce

Ayah 28

وَٱلۡتَفَّتِ ٱلسَّاقُ بِٱلسَّاقِ

Kuma ƙwabri ya lauye da wani ƙwabri

Ayah 29

إِلَىٰ رَبِّكَ يَوۡمَئِذٍ ٱلۡمَسَاقُ

Zuwa ga Ubangijinka, a rãnar nan, magargaɗa* take

Ayah 30

فَلَا صَدَّقَ وَلَا صَلَّىٰ

To, bai gaskatã ba, kuma bai yi salla ba

Ayah 31

وَلَٰكِن كَذَّبَ وَتَوَلَّىٰ

Amma dai ya ƙaryata, kuma ya jũya baya

Ayah 32

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Sa'an nan, ya tafi zuwa ga mutãnensa, yana tãƙama

Ayah 33

أَوۡلَىٰ لَكَ فَأَوۡلَىٰ

Halaka tã tabbata a gare ka, sa'an nan ita ce mafi dãcewa

Ayah 34

ثُمَّ أَوۡلَىٰ لَكَ فَأَوۡلَىٰٓ

Sa'an nan, wata halaka tã tabbata a gare ka dõmin tã fi dãce wa

Ayah 35

أَيَحۡسَبُ ٱلۡإِنسَٰنُ أَن يُتۡرَكَ سُدًى

Shin, mutum nã zaton a bar shi sagaga (wãto bãbu nufin kõme game da shi)

Ayah 36

أَلَمۡ يَكُ نُطۡفَةࣰ مِّن مَّنِيࣲّ يُمۡنَىٰ

Bai kasance ɗigo na maniyyi ba, wanda ake jefarwa (a cikin mahaifa)

Ayah 37

ثُمَّ كَانَ عَلَقَةࣰ فَخَلَقَ فَسَوَّىٰ

Sa'an nan, ya zama gudan jini, sa'an nan Allah Ya halitta shi, sa'an nan Ya daidaita gaɓõɓinsa

Ayah 38

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Sa'an nan, Ya sanya daga gare shi, nau'i biyu: namiji damace

Ayah 39

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Ashẽ wannan bai zama Mai iko ba bisa ga rãyar da matattu

Ayah 40