Surah Al-Burooj — The Constellations

Surah Al-Burooj (The Constellations) is chapter 85 of the Quran, with 22 verses. This page presents the Arabic text with a Shona translation, verse by verse.

وَٱلسَّمَآءِ ذَاتِ ٱلۡبُرُوجِ

(Ndinopika) nedenga rakabata nyenyedzi dzihombe

Ayah 1

وَٱلۡيَوۡمِ ٱلۡمَوۡعُودِ

Uye nezuva rakatsidzwa (zuva rekutongwa)

Ayah 2

وَشَاهِدࣲ وَمَشۡهُودࣲ‏

Uye nechinopupura (zuva rechishanu) uye chinopupurirwa (musi weArafah mumwedzi we Dhul- Hijjah)

Ayah 3

قُتِلَ أَصۡحَٰبُ ٱلۡأُخۡدُودِ

Vakatukwa (vakarengerwa) vanhu veAl-Ukhdood (Gomba) (Panyaya yemukomana na mambo)

Ayah 4

ٱلنَّارِ ذَاتِ ٱلۡوَقُودِ

(Vanhu) vemoto wakakuchidzirwa nebvavi (mafuta)

Ayah 5

إِذۡ هُمۡ عَلَيۡهَا قُعُودࣱ‏

Apo pavakagara pawaiva uri (moto)

Ayah 6

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودࣱ‏

Uye vakapupura izvo zvavaiita vakanangana nevatendi (kuvapisa)

Ayah 7

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Uye vakange vasina mhosva kusara kwekuti vakatenda muna Allah, mukuru wazvose, vane kurumbidzwa kwose

Ayah 8

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءࣲ شَهِيدٌ

Avo vane humambo hwekudenga nepasi! Uye Allah mupupuri wezvose

Ayah 9

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Zvirokwazvo, avo vanoedza vanhurume nevanhukadzi vanotenda (nokuvarwadzisa nekuvapisa), uye voregerera kukumbira ruregerero (kuna Allah), vachave nemutongo weGehena, uye vachave nomutongo wemoto unopisa

Ayah 10

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتࣱ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Zvirokwazvo, avo vanotenda nokuita mabasa akanaka, vachave neminda iyo nzizi dzichange dzichierera muzasi mayo (Paradhiso). Uku ndiko kubudirira kukuru

Ayah 11

إِنَّ بَطۡشَ رَبِّكَ لَشَدِيدٌ

Zvirokwazvo, (Iwe Muhammad (SAW)) mutongo waTenzi vako wakaomarara

Ayah 12

إِنَّهُۥ هُوَ يُبۡدِئُ وَيُعِيدُ

Zvirokwazvo, ndivo vanotanga (mutongo) uye vanodzokorora (mutongo pazuva rekutongwa). (Kana kuti ndivo vanotanga kusika zvinhu zvese, uye vachadzokorora kusika pazuva rekutongwa)

Ayah 13

وَهُوَ ٱلۡغَفُورُ ٱلۡوَدُودُ

Uye ndivo muregereri, vane rudo rwose (kune vatsvene vanotenda muIslaam)

Ayah 14

ذُو ٱلۡعَرۡشِ ٱلۡمَجِيدُ

Muridzi wechigaro chehumambo, murumbidzwi

Ayah 15

فَعَّالࣱ لِّمَا يُرِيدُ

Muiti wechose chavada

Ayah 16

هَلۡ أَتَىٰكَ حَدِيثُ ٱلۡجُنُودِ

Yakasvika here kwauri nyaya yemauto

Ayah 17

فِرۡعَوۡنَ وَثَمُودَ

A Farawo uye nemaThamood

Ayah 18

بَلِ ٱلَّذِينَ كَفَرُواْ فِي تَكۡذِيبࣲ‏

Asi, avo vasingatendi vakashingirira mukuramba (Muhammad (SAW) neshoko rake reIslaam

Ayah 19

وَٱللَّهُ مِن وَرَآئِهِم مُّحِيطُۢ

Uye Allah vanovakomberedza kubva kumashure kwavo (Allah vanoziva mabasa avo ese uye vachavapa mubhadharo wavo)

Ayah 20

بَلۡ هُوَ قُرۡءَانࣱ مَّجِيدࣱ‏

Asi iri iQur’aan rinorumbidzwa

Ayah 21

فِي لَوۡحࣲ مَّحۡفُوظِۭ

(Rakanyorwa) Mugwaro rakachengetedzwa (Al-Lauh Al-Mahfoodh)

Ayah 22