Surah Al-Waaqia — The Inevitable
Surah Al-Waaqia (The Inevitable) is chapter 56 of the Quran, with 96 verses. This page presents the Arabic text with a Shona translation, verse by verse.
إِذَا وَقَعَتِ ٱلۡوَاقِعَةُ
Kana chiitiko chazoitika (zuva rekutongwa)
Ayah 1لَيۡسَ لِوَقۡعَتِهَا كَاذِبَةٌ
Hapana marambiro nezvekuitika kwacho
Ayah 2خَافِضَةࣱ رَّافِعَةٌ
Chichadzikisira (vamwe vachienda kuGehena), uye chichakwiridzira (vamwe vachienda kuParadhiso)
Ayah 3إِذَا رُجَّتِ ٱلۡأَرۡضُ رَجࣰّ ا
Apo nyika ichadengenyeka kudengenyeka kunotyisa
Ayah 4وَبُسَّتِ ٱلۡجِبَالُ بَسࣰّ ا
Uye makomo achaparadzwa kuita huruva
Ayah 5فَكَانَتۡ هَبَآءࣰ مُّنۢبَثࣰّ ا
Kuti agove huruva inopepereka
Ayah 6وَكُنتُمۡ أَزۡوَٰجࣰ ا ثَلَٰثَةࣰ
Uye mose muchange muri mapoka matatu
Ayah 7فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ
Naizvozvo avo vachange vari kuruoko rwerudyi (avo vachapiwa mabhuku ezviito zvavo mumaoko avo erudyi), zvichava zvakanaka sei kune avo vari kuruoko rwerudyi! (Seruremekedzo, nekuti vachapinda Paradhiso)
Ayah 8وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ
Uye avo vachange vari kuruoko rweruboshwe (avo vachapiwa mabhuku ezviito zvavo mumaoko avo eruboshwe), vachange vakadii avo vari kuruoko rweruboshwe! (Sekunyadziswa, nekuti vachapinda kumoto)
Ayah 9وَٱلسَّٰبِقُونَ ٱلسَّٰبِقُونَ
Uye vekutanga (muIslaam nekuita mabasa akanaka pasi rino) vachange vari vekutanga (kuParadhiso)
Ayah 10أُوْلَٰٓئِكَ ٱلۡمُقَرَّبُونَ
Vanhu vakadaro vachange vari padyo (naAllah)
Ayah 11فِي جَنَّٰتِ ٱلنَّعِيمِ
Mumapindu emufaro (Paradhiso)
Ayah 12ثُلَّةࣱ مِّنَ ٱلۡأَوَّلِينَ
Huwandu hwavo (vekutanga) huchange huchibva kune vanhu vekutanga (kupinda muIslaam)
Ayah 13وَقَلِيلࣱ مِّنَ ٱلۡأٓخِرِينَ
Uye vashoma veavo (vekutanga) vachange vari kune vanhu vekupedzisira
Ayah 14عَلَىٰ سُرُرࣲ مَّوۡضُونَةࣲ
(Vachange vari) pazvigaro zvakashongedzwa nendarama nematombo akakosha
Ayah 15مُّتَّكِـِٔينَ عَلَيۡهَا مُتَقَٰبِلِينَ
Vakagara ipapo, vakatarisana
Ayah 16يَطُوفُ عَلَيۡهِمۡ وِلۡدَٰنࣱ مُّخَلَّدُونَ
Vakomana vasingafi vanovabatsira nekuvashandira vachange vachitenderera pavari
Ayah 17بِأَكۡوَابࣲ وَأَبَارِيقَ وَكَأۡسࣲ مِّن مَّعِينࣲ
Nemakomichi, nemajagi, uye negirazi rewaini inoerera
Ayah 18لَّا يُصَدَّعُونَ عَنۡهَا وَلَا يُنزِفُونَ
Kubva kwairi havazombowani kurwadziwa nemusoro kana kudhakiwa
Ayah 19وَفَٰكِهَةࣲ مِّمَّا يَتَخَيَّرُونَ
Uye nemuchero wavanosarudza
Ayah 20وَلَحۡمِ طَيۡرࣲ مِّمَّا يَشۡتَهُونَ
Nenyama yeshiri iyo yavanenge vachida
Ayah 21وَحُورٌ عِينࣱ
Uye (kuchange kune) maHoor (vakadzi kwavo) vane maziso makuru ane rudo
Ayah 22كَأَمۡثَٰلِ ٱللُّؤۡلُوِٕ ٱلۡمَكۡنُونِ
Sokunge matombo akakosha (mapera) akachengetedzwa
Ayah 23جَزَآءَۢ بِمَا كَانُواْ يَعۡمَلُونَ
Semubairo wezvavaiita
Ayah 24لَا يَسۡمَعُونَ فِيهَا لَغۡوࣰ ا وَلَا تَأۡثِيمًا
Havambonzwi mashoko akaipa imomo kana kutaura kwehuipi imomo
Ayah 25إِلَّا قِيلࣰ ا سَلَٰمࣰ ا سَلَٰمࣰ ا
Asi kutaura kuti: Rugare! Rugare! (kwaziso)
Ayah 26وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ
Uye avo vokuruoko rwerudyi, vachange vari sei avo vekuruoko rwerudyi
Ayah 27فِي سِدۡرࣲ مَّخۡضُودࣲ
Vachange vari pane miti yeLoti isina minzwa
Ayah 28وَطَلۡحࣲ مَّنضُودࣲ
Uye mukati meTalh (miti yemabanana) ine michero yakaturikidzana imwe pamusoro peimwe
Ayah 29وَظِلࣲّ مَّمۡدُودࣲ
Uye nemimvuri yakawedzerwa yakareba
Ayah 30وَمَآءࣲ مَّسۡكُوبࣲ
Uye nemvura ichierera
Ayah 31وَفَٰكِهَةࣲ كَثِيرَةࣲ
Nemichero yakawanda
Ayah 32لَّا مَقۡطُوعَةࣲ وَلَا مَمۡنُوعَةࣲ
Isingashaiki kana kuita mishoma, kana isingaswikiriki
Ayah 33وَفُرُشࣲ مَّرۡفُوعَةٍ
Uye mumibhedha yakasimudzwa mudenga
Ayah 34إِنَّآ أَنشَأۡنَٰهُنَّ إِنشَآءࣰ
Zvirokwazvo, takavasika vakadzi vekuParadhiso vakakosha
Ayah 35فَجَعَلۡنَٰهُنَّ أَبۡكَارًا
Uye tikavaita mhandara
Ayah 36عُرُبًا أَتۡرَابࣰ ا
Vanoda (varume vavo chete), (uye) vezera rimwe
Ayah 37لِّأَصۡحَٰبِ ٱلۡيَمِينِ
Veavo vekuruoko rwekurudyi
Ayah 38ثُلَّةࣱ مِّنَ ٱلۡأَوَّلِينَ
Boka rakawanda (reavo veruoko rwerudyi) richabva kune vanhu vekutanga (vakatambira chitendero cheIslaam)
Ayah 39وَثُلَّةࣱ مِّنَ ٱلۡأٓخِرِينَ
Uye boka rakawanda (reavo vekuruoko rwerudyi) richabva muvanhu vekupedzisira
Ayah 40وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ
Uye avo vekuruoko rweruboshwe, vachange vakarasikirwa sei vekuruoko rweruboshwe
Ayah 41فِي سَمُومࣲ وَحَمِيمࣲ
Mumhepo inopisa ine simba nemvura inokwata
Ayah 42وَظِلࣲّ مِّن يَحۡمُومࣲ
Nemumvuri wehutsi hutema
Ayah 43لَّا بَارِدࣲ وَلَا كَرِيمٍ
(Mvuri iwowo) hautonhoreri, kana kufadza
Ayah 44إِنَّهُمۡ كَانُواْ قَبۡلَ ذَٰلِكَ مُتۡرَفِينَ
Zvirokwazvo, mushure mezvo vainakidzwa
Ayah 45وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ
Uye vaishingirira kuita zvitadzo zvikuru (Kunamata Allah vachivasanganisa nezvimwe zvinhu nekuita mamwe mabasa akaipa)
Ayah 46وَكَانُواْ يَقُولُونَ أَئِذَا مِتۡنَا وَكُنَّا تُرَابࣰ ا وَعِظَٰمًا أَءِنَّا لَمَبۡعُوثُونَ
Uye vaiti: “Kana tikafa tikave ivhu nemapfupa, zvirokwazvo tichazomutswa here?”
Ayah 47أَوَءَابَآؤُنَا ٱلۡأَوَّلُونَ
“Uye madzitateguru edu zvakare?”
Ayah 48قُلۡ إِنَّ ٱلۡأَوَّلِينَ وَٱلۡأٓخِرِينَ
Iti (Muhammad (SAW)): “(Hongu!) Zvirokwazvo, avo vekare neavo vazvino.”
Ayah 49لَمَجۡمُوعُونَ إِلَىٰ مِيقَٰتِ يَوۡمࣲ مَّعۡلُومࣲ
“Vose zvirokwazvo vachaunganidzwa pamwechete pamusangano wezuva rinozivikanwa.”
Ayah 50ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ
“Uye zvakare zvirokwazvo imi vatadzi vanoramba (zuva rekutongwa)!”
Ayah 51لَأٓكِلُونَ مِن شَجَرࣲ مِّن زَقُّومࣲ
“Zvirokwazvo muchadya kubva pamiti yeZaqqoom (inovava zvikuru).”
Ayah 52فَمَالِـُٔونَ مِنۡهَا ٱلۡبُطُونَ
“Muchazadza matumbu enyu nazvo.”
Ayah 53فَشَٰرِبُونَ عَلَيۡهِ مِنَ ٱلۡحَمِيمِ
“Uye mobva manwa mvura inokwata pamusoro paizvozvo.”
Ayah 54فَشَٰرِبُونَ شُرۡبَ ٱلۡهِيمِ
“Uye muchanwa (izvozvo) sekunge ngamera dzine nyota!”
Ayah 55هَٰذَا نُزُلُهُمۡ يَوۡمَ ٱلدِّينِ
Ndiyo ichava varaidzo yavo pazuva rokutongwa
Ayah 56نَحۡنُ خَلَقۡنَٰكُمۡ فَلَوۡلَا تُصَدِّقُونَ
Isu takakusikai, saka sei musingatendi
Ayah 57أَفَرَءَيۡتُم مَّا تُمۡنُونَ
Hamuoni here mvura yamunoburitsa (hurume)
Ayah 58ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ
Ndimi here makaisika kana kuti isu tisu takaisika
Ayah 59نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ
Takatara rufu kwamuri mose, uye hatikurirwi
Ayah 60عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ
Kukushandurai uye tokusikai kukuitai izvo zvamusingazivi
Ayah 61وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ
Uye zvirokwazvo makatoziva kare mhando yechisikwa chokutanga (Adam), saka sei imi musingarangariri (kana kuchenjerera)
Ayah 62أَفَرَءَيۡتُم مَّا تَحۡرُثُونَ
Zvino chindiudzai nezvembeu dzamunodyara pasi
Ayah 63ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ
Ndimi here munoita kuti dzikure, kana kuti tisu tinodzikudza
Ayah 64لَوۡ نَشَآءُ لَجَعَلۡنَٰهُ حُطَٰمࣰ ا فَظَلۡتُمۡ تَفَكَّهُونَ
Dai taida, tingadai takadziita marara akaoma, uye maizodemba (kana kusiiwa muchidzungaira)
Ayah 65إِنَّا لَمُغۡرَمُونَ
(Muchiti): “Zvirokwazvo taparadzwa!”
Ayah 66بَلۡ نَحۡنُ مَحۡرُومُونَ
“Asi tanyengedzwa (tanyimwa)!”
Ayah 67أَفَرَءَيۡتُمُ ٱلۡمَآءَ ٱلَّذِي تَشۡرَبُونَ
Munoiona here mvura yamunonwa
Ayah 68ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ
Ndimi here munoita kuti inaye panyika kana kuti tisu tinokonzera kuti inaye pasi
Ayah 69لَوۡ نَشَآءُ جَعَلۡنَٰهُ أُجَاجࣰ ا فَلَوۡلَا تَشۡكُرُونَ
Dai taida, tingadai takaiita munyu. Naizvozvo nemhaka yei musingatendi (Allah)
Ayah 70أَفَرَءَيۡتُمُ ٱلنَّارَ ٱلَّتِي تُورُونَ
Munouona here moto uyo wamunotungidza
Ayah 71ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ
Ndimi here munoita kuti muti wacho ukure, kana kuti tisu tinoukudza
Ayah 72نَحۡنُ جَعَلۡنَٰهَا تَذۡكِرَةࣰ وَمَتَٰعࣰ ا لِّلۡمُقۡوِينَ
Isu takauita yeuchidzo (yeGehena), uye chinhu chekushandisa kune vari parwendo (nevamwe vari munyika)
Ayah 73فَسَبِّحۡ بِٱسۡمِ رَبِّكَ ٱلۡعَظِيمِ
Zvino rumbidza zita raTenzi vako mukuru
Ayah 74۞فَلَآ أُقۡسِمُ بِمَوَٰقِعِ ٱلنُّجُومِ
Saka ndinopika nekugara kwenyenyedzi
Ayah 75وَإِنَّهُۥ لَقَسَمࣱ لَّوۡ تَعۡلَمُونَ عَظِيمٌ
Uye zvirokwazvo uku ndiko kupika kukuru dai maiziva
Ayah 76إِنَّهُۥ لَقُرۡءَانࣱ كَرِيمࣱ
Kuti zvirokwazvo (uku) kuverenga kunoremekedzwa (Qur’aan rinoremekedzwa)
Ayah 77فِي كِتَٰبࣲ مَّكۡنُونࣲ
Kuri Mubhuku rakachengetedzwa (Al-Lauh Al-Mahfoodh)
Ayah 78لَّا يَمَسُّهُۥٓ إِلَّا ٱلۡمُطَهَّرُونَ
Iro (Bhuku rinaAllah) risingabatwi nemumwe munhu kunze kweavo vakachena (ngirozi)
Ayah 79تَنزِيلࣱ مِّن رَّبِّ ٱلۡعَٰلَمِينَ
Rakadzikiswa (Qur’aan) kubva kuna Tenzi vezvisikwa zvose
Ayah 80أَفَبِهَٰذَا ٱلۡحَدِيثِ أَنتُم مُّدۡهِنُونَ
Ndiro here shoko iri (Qur’aan) ramunoramba (imi vasingatendi)
Ayah 81وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ
Uye pachinzvimbo (chokutenda Allah) pararamo yavakakupai, munovaramba (nekusatenda)
Ayah 82فَلَوۡلَآ إِذَا بَلَغَتِ ٱلۡحُلۡقُومَ
Naizvozvo sei musingabatsiri kana (mweya weuyo arikufa) wasvika pagurokuro
Ayah 83وَأَنتُمۡ حِينَئِذࣲ تَنظُرُونَ
Uye imi ipapo makatarisa
Ayah 84وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ
Asi isu (ngirozi dzedu dzinotora mweya) tiri padyo naye kupfuura imi, asi hamuzvioni
Ayah 85فَلَوۡلَآ إِن كُنتُمۡ غَيۡرَ مَدِينِينَ
Sei musingati kana chokwadi musingazotongwi
Ayah 86تَرۡجِعُونَهَآ إِن كُنتُمۡ صَٰدِقِينَ
Dzosai mweya (pamuviri wacho), kana imi muri pachokwadi
Ayah 87فَأَمَّآ إِن كَانَ مِنَ ٱلۡمُقَرَّبِينَ
Zvino kana iye munhu ari kufa ari weavo wepedyo (naAllah)
Ayah 88فَرَوۡحࣱ وَرَيۡحَانࣱ وَجَنَّتُ نَعِيمࣲ
(Kwaari kune) kuzorora neraramo, uye Paradhiso rinonakidza
Ayah 89وَأَمَّآ إِن كَانَ مِنۡ أَصۡحَٰبِ ٱلۡيَمِينِ
Uye kana iye (mufi) ari wekurudyi
Ayah 90فَسَلَٰمࣱ لَّكَ مِنۡ أَصۡحَٰبِ ٱلۡيَمِينِ
Zvino pane kuchengetedzeka nerunyararo kune avo vekuruoko rwerudyi
Ayah 91وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ
Asi kana iye (mufi) ari umwe weavo vanoramba, vakarasika
Ayah 92فَنُزُلࣱ مِّنۡ حَمِيمࣲ
Kwaari kuchave nemafaro emvura inokwata
Ayah 93وَتَصۡلِيَةُ جَحِيمٍ
Uye kutsva mumoto weGehena
Ayah 94إِنَّ هَٰذَا لَهُوَ حَقُّ ٱلۡيَقِينِ
Zvirokwazvo, ichi ndicho chokwadi chaicho
Ayah 95فَسَبِّحۡ بِٱسۡمِ رَبِّكَ ٱلۡعَظِيمِ
Naizvozvo rumbidza zita raTenzi vako mukuru
Ayah 96