Surah An-Najm — The Star

Surah An-Najm (The Star) is chapter 53 of the Quran, with 62 verses. This page presents the Arabic text with a Shona translation, verse by verse.

وَٱلنَّجۡمِ إِذَا هَوَىٰ

Ndinopika nenyeredzi apo inoenda pasi

Ayah 1

مَا ضَلَّ صَاحِبُكُمۡ وَمَا غَوَىٰ

Umwe wenyu (Muhammad (SAW)) haana kurasika kana kukanganisa

Ayah 2

وَمَا يَنطِقُ عَنِ ٱلۡهَوَىٰٓ

Uye haangotauri zvaanoda pachake

Ayah 3

إِنۡ هُوَ إِلَّا وَحۡيࣱ يُوحَىٰ

Anongori mashoko anodzikiswa kubva kudenga

Ayah 4

عَلَّمَهُۥ شَدِيدُ ٱلۡقُوَىٰ

Akadzidziswa (Qur’aan) neuyo ane masimba makuru (Gabriel)

Ayah 5

ذُو مِرَّةࣲ فَٱسۡتَوَىٰ

Uyo asina hurema pamuviri nepapfungwa dzake, uye akakwidza (Gabriel) akadzikama

Ayah 6

وَهُوَ بِٱلۡأُفُقِ ٱلۡأَعۡلَىٰ

Apo iye (Gabriel) paakanga ari pamusoro-soro pekupedzisira

Ayah 7

ثُمَّ دَنَا فَتَدَلَّىٰ

Ndokubva iye (Gabriel) aswedera ndokuuya padyo

Ayah 8

فَكَانَ قَابَ قَوۡسَيۡنِ أَوۡ أَدۡنَىٰ

Uye akanga ari padyo seuta miviri kana kuti padyo

Ayah 9

فَأَوۡحَىٰٓ إِلَىٰ عَبۡدِهِۦ مَآ أَوۡحَىٰ

Ndokubva (Allah) vadzikisa kumuranda wavo (Muhammad (SAW) kuburikidza naGabriel) zvavaida kudzikisa

Ayah 10

مَا كَذَبَ ٱلۡفُؤَادُ مَا رَأَىٰٓ

Moyo hauna kunyepa pane zvaakaona (Muhammad (SAW)

Ayah 11

أَفَتُمَٰرُونَهُۥ عَلَىٰ مَا يَرَىٰ

Munomupikisa here (Muhammad (SAW)) pane izvo zvaakaona (parwendo rwake rwekudenga, Mi’raaj)

Ayah 12

وَلَقَدۡ رَءَاهُ نَزۡلَةً أُخۡرَىٰ

Uye zvirokwazvo (Muhammad (SAW)) akamuona (Gabriel) kechipiri

Ayah 13

عِندَ سِدۡرَةِ ٱلۡمُنتَهَىٰ

Padyo neSidratul Muntaha (muti weLoti uri pamuganhu redenga rekupedzisira uyo usina mupfuuri)

Ayah 14

عِندَهَا جَنَّةُ ٱلۡمَأۡوَىٰٓ

Padyo nawo pane nzvimbo yekugara yeParadhiso

Ayah 15

إِذۡ يَغۡشَى ٱلسِّدۡرَةَ مَا يَغۡشَىٰ

Apo muti weLoti wakavharwa nezvakauvhara (Chiedza chaAllah uye nengirozi uye nemavara akasiyana siyana)

Ayah 16

مَا زَاغَ ٱلۡبَصَرُ وَمَا طَغَىٰ

Maziso ake (Muhammad (SAW)) haana kutarisa mativi kana kukanganisa

Ayah 17

لَقَدۡ رَأَىٰ مِنۡ ءَايَٰتِ رَبِّهِ ٱلۡكُبۡرَىٰٓ

Zvirokwazvo, (Muhammad (SAW)) akaona zviratidzo zvaTenzi vake zvihombe

Ayah 18

أَفَرَءَيۡتُمُ ٱللَّٰتَ وَٱلۡعُزَّىٰ

Murikuona here Laat naUzza (zvidhori zviviri zvemaArabhu zvavainamata)

Ayah 19

وَمَنَوٰةَ ٱلثَّالِثَةَ ٱلۡأُخۡرَىٰٓ

Uye naManaat (chimwe chidhori chemaArabhu chavainamata) wechitatu

Ayah 20

أَلَكُمُ ٱلذَّكَرُ وَلَهُ ٱلۡأُنثَىٰ

Ndizvo here kuti imi mune varume ivo (Allah) vane vakadzi

Ayah 21

تِلۡكَ إِذࣰ ا قِسۡمَةࣱ ضِيزَىٰٓ

Zvirokwazvo, ikoko ndiko kugovanisa kwakaipa

Ayah 22

إِنۡ هِيَ إِلَّآ أَسۡمَآءࣱ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِن يَتَّبِعُونَ إِلَّا ٱلظَّنَّ وَمَا تَهۡوَى ٱلۡأَنفُسُۖ وَلَقَدۡ جَآءَهُم مِّن رَّبِّهِمُ ٱلۡهُدَىٰٓ

Anongori mazita chete amakatumidza imi nemadzibaba enyu, izvo Allah havana kudzikisa mvumo yazvo. Vanongotevedzera kufungidzira chete neizvo zvinoda moyo yavo, asi zvirokwazvo nungamiro yauya kwavari kubva kuna Tenzi vavo

Ayah 23

أَمۡ لِلۡإِنسَٰنِ مَا تَمَنَّىٰ

Kana kuti munhu achawana zvaanoda

Ayah 24

فَلِلَّهِ ٱلۡأٓخِرَةُ وَٱلۡأُولَىٰ

Asi Allah ndivo muridzi wenyika yekupedzisira (hupenyu hwemangwana) uye wenyika yekutanga (pasi rino)

Ayah 25

۞وَكَم مِّن مَّلَكࣲ فِي ٱلسَّمَٰوَٰتِ لَا تُغۡنِي شَفَٰعَتُهُمۡ شَيۡـًٔا إِلَّا مِنۢ بَعۡدِ أَن يَأۡذَنَ ٱللَّهُ لِمَن يَشَآءُ وَيَرۡضَىٰٓ

Uye ngirozi ngani dziri kumatenga idzo kureverera kwadzo hakuzombobetseri kana chimwechete, kunze kwekuti mushure mokunge Allah vabvumidza uyo wavanenge vada uye kufadzwa naye

Ayah 26

إِنَّ ٱلَّذِينَ لَا يُؤۡمِنُونَ بِٱلۡأٓخِرَةِ لَيُسَمُّونَ ٱلۡمَلَٰٓئِكَةَ تَسۡمِيَةَ ٱلۡأُنثَىٰ

Zvirokwazvo, avo vasingatendi muzuva rekupedzisira vanotumidza ngirozi nemazita echikadzi

Ayah 27

وَمَا لَهُم بِهِۦ مِنۡ عِلۡمٍۖ إِن يَتَّبِعُونَ إِلَّا ٱلظَّنَّۖ وَإِنَّ ٱلظَّنَّ لَا يُغۡنِي مِنَ ٱلۡحَقِّ شَيۡـࣰٔ ا

Asi havana ruzivo nazvo. Asi vanongotevera kufungidzira. Uye zvirokwazvo kufungidzira hakungatori nzvimbo yechokwadi

Ayah 28

فَأَعۡرِضۡ عَن مَّن تَوَلَّىٰ عَن ذِكۡرِنَا وَلَمۡ يُرِدۡ إِلَّا ٱلۡحَيَوٰةَ ٱلدُّنۡيَا

Naizvozvo siyana (Muhammad (SAW)) neuyo anofuratira yeuchidzo yedu (Qur’aan) uye hapana chaanoda kunze hwehupenyu hwepanyika

Ayah 29

ذَٰلِكَ مَبۡلَغُهُم مِّنَ ٱلۡعِلۡمِۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِمَنِ ٱهۡتَدَىٰ

Ndipo pavanosvika neruzivo rwavo. Zvirokwazvo, Tenzi vako ndivo vanoziva uyo anorasika kubva munzira yavo, uye vanoziva uyo ane kutungamirirwa

Ayah 30

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ لِيَجۡزِيَ ٱلَّذِينَ أَسَٰٓـُٔواْ بِمَا عَمِلُواْ وَيَجۡزِيَ ٱلَّذِينَ أَحۡسَنُواْ بِٱلۡحُسۡنَى

Uye kuna Allah ndiko kune zviri kumatenga nepanyika, kuti vagopa mugove kune avo vanoita zvakashata neizvo zvavakaita, uye kupa mugove wakanaka kune avo vanoita zvakanaka

Ayah 31

ٱلَّذِينَ يَجۡتَنِبُونَ كَبَٰٓئِرَ ٱلۡإِثۡمِ وَٱلۡفَوَٰحِشَ إِلَّا ٱللَّمَمَۚ إِنَّ رَبَّكَ وَٰسِعُ ٱلۡمَغۡفِرَةِۚ هُوَ أَعۡلَمُ بِكُمۡ إِذۡ أَنشَأَكُم مِّنَ ٱلۡأَرۡضِ وَإِذۡ أَنتُمۡ أَجِنَّةࣱ فِي بُطُونِ أُمَّهَٰتِكُمۡۖ فَلَا تُزَكُّوٓاْ أَنفُسَكُمۡۖ هُوَ أَعۡلَمُ بِمَنِ ٱتَّقَىٰٓ

Avo vanosiya zvitadzo zvihombe neFawaahish (zvitadzo nebonde risiri pamutemo) kusara kwezvidiki, zvirokwazvo, Tenzi vako vane kuregerera kukuru. Vanokuzivai chaizvo apo vakakusikai kubva muivhu, uye pamakanga muri mudumbu mavanaamai venyu. Naizvozvo musazvichenure. Vanoziva chaizvo uyo anotya (Allah)

Ayah 32

أَفَرَءَيۡتَ ٱلَّذِي تَوَلَّىٰ

Wakamuona here (Muhammad (SAW)) uyo anofuratira (Islaam)

Ayah 33

وَأَعۡطَىٰ قَلِيلࣰ ا وَأَكۡدَىٰٓ

Uye akapa zvishoma ndokubva arega (kupa)

Ayah 34

أَعِندَهُۥ عِلۡمُ ٱلۡغَيۡبِ فَهُوَ يَرَىٰٓ

Ane ruzivo here rwezvisingaonekwi kuti anoona

Ayah 35

أَمۡ لَمۡ يُنَبَّأۡ بِمَا فِي صُحُفِ مُوسَىٰ

Kana kuti haana kuziviswa nezviri mubhuku raMusa

Ayah 36

وَإِبۡرَٰهِيمَ ٱلَّذِي وَفَّىٰٓ

Uye neraAbrahamu uyo akazadzikisa zvose (zvaakatumwa)

Ayah 37

أَلَّا تَزِرُ وَازِرَةࣱ وِزۡرَ أُخۡرَىٰ

Kuti hakuna munhu ane musengwa wake (zvitadzo) achatakura musengwa wemumwe munhu

Ayah 38

وَأَن لَّيۡسَ لِلۡإِنسَٰنِ إِلَّا مَا سَعَىٰ

Uyezve kuti munhu hapana chaachawana kunze kwezvaanoita

Ayah 39

وَأَنَّ سَعۡيَهُۥ سَوۡفَ يُرَىٰ

Uye kuti mabasa ake achaonekwa

Ayah 40

ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ

Uyezve kuti achapiwa mubairo wakafanira wakakwana

Ayah 41

وَأَنَّ إِلَىٰ رَبِّكَ ٱلۡمُنتَهَىٰ

Uye kuti kuna Tenzi vako ndiko kune magumo

Ayah 42

وَأَنَّهُۥ هُوَ أَضۡحَكَ وَأَبۡكَىٰ

Uye ndivo vanoita kuti (munhu) aseke uye kuchema

Ayah 43

وَأَنَّهُۥ هُوَ أَمَاتَ وَأَحۡيَا

Uye kuti ndivo vanokonzera rufu uye neupenyu

Ayah 44

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ

Uye kuti vanosika mapoka maviri, varume nevakadzi

Ayah 45

مِن نُّطۡفَةٍ إِذَا تُمۡنَىٰ

Kubva muNutfah (mbeu yemukadzi nemurume) painobuditswa

Ayah 46

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ

Uye kuti Allah ndivo vachamutsa zvakare (vafi)

Ayah 47

وَأَنَّهُۥ هُوَ أَغۡنَىٰ وَأَقۡنَىٰ

Uye kuti ndivo vanopa hupfumi hwakawanda uye nehushoma

Ayah 48

وَأَنَّهُۥ هُوَ رَبُّ ٱلشِّعۡرَىٰ

Uye kuti Allah ndivo muridzi weAsh-shi’raa (nyenyedzi yainamatwa nemaArabhu)

Ayah 49

وَأَنَّهُۥٓ أَهۡلَكَ عَادًا ٱلۡأُولَىٰ

Uye kuti ndivo (Allah) vakaparadza vanhu vekutanga vemhuri yaAad

Ayah 50

وَثَمُودَاْ فَمَآ أَبۡقَىٰ

Uye maThamood, havana kusiya kana umwechete wavo

Ayah 51

وَقَوۡمَ نُوحࣲ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ

Uye nevanhu vaNowa mushure. Zvirokwazvo, vakanga vari vatadzi zvakanyanya vasinganzwi

Ayah 52

وَٱلۡمُؤۡتَفِكَةَ أَهۡوَىٰ

Uye (Allah) vakaparadza maguta akarasirwa (eSodom uko kwakatumwa Loti)

Ayah 53

فَغَشَّىٰهَا مَا غَشَّىٰ

Naizvozvo vakavharwa neizvo zvakavavhara (chirango nematombo)

Ayah 54

فَبِأَيِّ ءَالَآءِ رَبِّكَ تَتَمَارَىٰ

Zvino ndeapi makomborero aTenzi venyu (imi vanhu) amusingagutsikani nawo

Ayah 55

هَٰذَا نَذِيرࣱ مِّنَ ٱلنُّذُرِ ٱلۡأُولَىٰٓ

Uyu (Muhammad (SAW)) muyambiri wevayambiri venguva yekutanga (kare)

Ayah 56

أَزِفَتِ ٱلۡأٓزِفَةُ

Zuva rekutongwa raswedera padyo

Ayah 57

لَيۡسَ لَهَا مِن دُونِ ٱللَّهِ كَاشِفَةٌ

Hakuna mumwe kunze kwaAllah anogona kuridzosa (shure kana mberi)

Ayah 58

أَفَمِنۡ هَٰذَا ٱلۡحَدِيثِ تَعۡجَبُونَ

Murikushamiswa here nemashoko aya (Qur’aan)

Ayah 59

وَتَضۡحَكُونَ وَلَا تَبۡكُونَ

Uye muchiwaseka musingachemi

Ayah 60

وَأَنتُمۡ سَٰمِدُونَ

Apo muchitambisa nguva yenyu (nemafaro)

Ayah 61

فَٱسۡجُدُواْۤ لِلَّهِۤ وَٱعۡبُدُواْ۩

Naizvozvo pfugamirai Allah uye munamatei (ari ega)

Ayah 62