Surah Al-Burooj — The Constellations

Surah Al-Burooj (The Constellations) is chapter 85 of the Quran, with 22 verses. This page presents the Arabic text with a Xhosa translation, verse by verse.

وَٱلسَّمَآءِ ذَاتِ ٱلۡبُرُوجِ

Ndifunga ngesibhakabhaka esibambe iinkwenkwezi ezinkulu

Ayah 1

وَٱلۡيَوۡمِ ٱلۡمَوۡعُودِ

NangeMini yesithembiso

Ayah 2

وَشَاهِدࣲ وَمَشۡهُودࣲ‏

NangeMini yokungqina nangeMini1 engqinelwayo

Ayah 3

قُتِلَ أَصۡحَٰبُ ٱلۡأُخۡدُودِ

Baqalekisiwe abenza umsele

Ayah 4

ٱلنَّارِ ذَاتِ ٱلۡوَقُودِ

Womlilo ogalelwe isivuthisi

Ayah 5

إِذۡ هُمۡ عَلَيۡهَا قُعُودࣱ‏

Behleli ecaleni kwawo (bebukele abo babetshiswa kuwo)

Ayah 6

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودࣱ‏

Yaye baye baba ngamangqina oko babekwenza ngokuchasene nabakholwayo

Ayah 7

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Akukho tyala limbi ababelenzile (abakholwayo) ngaphandle kokukholwa kuAllâh, uSomandla, Ofanelwe ziindumiso zonke

Ayah 8

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءࣲ شَهِيدٌ

Yena nguMnini bukumkani bamazulu nomhlaba! Yaye uAllâh UliNgqina ngaphezulu kwazo zonke izinto

Ayah 9

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

(Inene abo batshutshisa amakholwa namakholwakazi ngokuwangcungcuthekisa) baze bangaguquki, baza kufumana isohlwayo sesiHogo, yaye baza kufumana isohlwayo soMlilo otshisayo

Ayah 10

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتࣱ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Inene abo bakholwayo baze benze izenzo zobulungisa, okwabo iya kuba yiMiyezo ekumpompoza amanzi ngaphantsi kwayo. Leyo iya kuba yimpumelelo enkulu

Ayah 11

إِنَّ بَطۡشَ رَبِّكَ لَشَدِيدٌ

Inene (wena Muhammad) isohlwayo seNkosi yakho sibuhlungu kakhulu

Ayah 12

إِنَّهُۥ هُوَ يُبۡدِئُ وَيُعِيدُ

Inene (iNkosi yakho) yiYo Eqalayo, (ukudala) Yiyo negqibelayo

Ayah 13

وَهُوَ ٱلۡغَفُورُ ٱلۡوَدُودُ

Yaye Yona nguMxoleli, uSoluthando

Ayah 14

ذُو ٱلۡعَرۡشِ ٱلۡمَجِيدُ

UMnini Trone, eZukileyo

Ayah 15

فَعَّالࣱ لِّمَا يُرِيدُ

NguMenzi wentando yaKhe

Ayah 16

هَلۡ أَتَىٰكَ حَدِيثُ ٱلۡجُنُودِ

Ingaba ibali lemikhosi lifikile na kuwe

Ayah 17

فِرۡعَوۡنَ وَثَمُودَ

(Imikhosi ) kaFir’awn namaThamûd

Ayah 18

بَلِ ٱلَّذِينَ كَفَرُواْ فِي تَكۡذِيبࣲ‏

Yeha abangakholwayo bayaqhubeka nokuphikisa (uMprofeti uMuhammad) nomyalezo wakhe oyi-Islam

Ayah 19

وَٱللَّهُ مِن وَرَآئِهِم مُّحِيطُۢ

Kodwa Yena uAllâh Ubarhangqele ngemva kwabo

Ayah 20

بَلۡ هُوَ قُرۡءَانࣱ مَّجِيدࣱ‏

Inene le yi’Kur’ân ezukileyo

Ayah 21

فِي لَوۡحࣲ مَّحۡفُوظِۭ

Ibhalwe eCwecweni elilondoloziweyo

Ayah 22