Surah Al-Mujaadila — The Pleading Woman

Surah Al-Mujaadila (The Pleading Woman) is chapter 58 of the Quran, with 22 verses. This page presents the Arabic text with a Xhosa translation, verse by verse.

قَدۡ سَمِعَ ٱللَّهُ قَوۡلَ ٱلَّتِي تُجَٰدِلُكَ فِي زَوۡجِهَا وَتَشۡتَكِيٓ إِلَى ٱللَّهِ وَٱللَّهُ يَسۡمَعُ تَحَاوُرَكُمَآۚ إِنَّ ٱللَّهَ سَمِيعُۢ بَصِيرٌ

Inene uAllâh Uyivile intetho yomfazi oxoxa nawe (Muhammad) ngomyeni wakhe, ebhekisa isikhalazo sakhe kuAllâh. Ke kaloku uAllâh Uyayiva incoko yenu, inene uAllâh nguSokuva, nguSokubona

Ayah 1

ٱلَّذِينَ يُظَٰهِرُونَ مِنكُم مِّن نِّسَآئِهِم مَّا هُنَّ أُمَّهَٰتِهِمۡۖ إِنۡ أُمَّهَٰتُهُمۡ إِلَّا ٱلَّٰٓـِٔي وَلَدۡنَهُمۡۚ وَإِنَّهُمۡ لَيَقُولُونَ مُنكَرࣰ ا مِّنَ ٱلۡقَوۡلِ وَزُورࣰ اۚ وَإِنَّ ٱللَّهَ لَعَفُوٌّ غَفُورࣱ‏

Abo benza idzhihâr1 phakathi kwenu (befuna ukwahlukana) nabafazi babo (abo bafazi babo) abangoonina (ngenyani) Oonina babo ayingabo abanye ngaphandle kwabo babezelwe ngabo. Inene bona bathetha intetho echasekileyo nebubuxoki. Kodwa ke inene Yena uAllâh nguMxoleli Onenceba

Ayah 2

وَٱلَّذِينَ يُظَٰهِرُونَ مِن نِّسَآئِهِمۡ ثُمَّ يَعُودُونَ لِمَا قَالُواْ فَتَحۡرِيرُ رَقَبَةࣲ مِّن قَبۡلِ أَن يَتَمَآسَّاۚ ذَٰلِكُمۡ تُوعَظُونَ بِهِۦۚ وَٱللَّهُ بِمَا تَعۡمَلُونَ خَبِيرࣱ‏

Kananjalo abo benza idzhihâr kubafazi babo baze baphinde bafune ukubuya umva koko bebekutshilo mabakhulule ikhoboka phambi kokuba bachukumisane nabo kwakhona. Oko koko niyalwa ngako; kwaye uAllâh Ukwazi kakuhle enikwenzayo

Ayah 3

فَمَن لَّمۡ يَجِدۡ فَصِيَامُ شَهۡرَيۡنِ مُتَتَابِعَيۡنِ مِن قَبۡلِ أَن يَتَمَآسَّاۖ فَمَن لَّمۡ يَسۡتَطِعۡ فَإِطۡعَامُ سِتِّينَ مِسۡكِينࣰ اۚ ذَٰلِكَ لِتُؤۡمِنُواْ بِٱللَّهِ وَرَسُولِهِۦۚ وَتِلۡكَ حُدُودُ ٱللَّهِۗ وَلِلۡكَٰفِرِينَ عَذَابٌ أَلِيمٌ

Ke kaloku lowo ungafumani (khoboka) makazile iinyanga zibe mbini zilandelelana phambi kokuba achukumisane (nomfazi wakhe kwakhona); kananjalo lowo ungakwaziyo (ukuzila) makondle abantu abangamashumi amathandathu abangamahlwempu. Oko kwenzelwe ukuba nikholwe ngokupheleleyo kuAllâh noMthunywa waKhe; leyo ke yimiqathango ka-Allâh yaye kwabangakholwayo iya kuba sisohlwayo esibuhlungu

Ayah 4

إِنَّ ٱلَّذِينَ يُحَآدُّونَ ٱللَّهَ وَرَسُولَهُۥ كُبِتُواْ كَمَا كُبِتَ ٱلَّذِينَ مِن قَبۡلِهِمۡۚ وَقَدۡ أَنزَلۡنَآ ءَايَٰتِۭ بَيِّنَٰتࣲۚ وَلِلۡكَٰفِرِينَ عَذَابࣱ مُّهِينࣱ‏

Inene abo baphikisa uAllâh noMthunywa waKhe abanto yanto njengabo bangaphambili kunabo babengento yanto. Kananjalo Thina SithumeleiiVesi ezinobungqinaobucacileyo. Kwaye kwabangakholwayo sisohlwayo sehlazo

Ayah 5

يَوۡمَ يَبۡعَثُهُمُ ٱللَّهُ جَمِيعࣰ ا فَيُنَبِّئُهُم بِمَا عَمِلُوٓاْۚ أَحۡصَىٰهُ ٱللَّهُ وَنَسُوهُۚ وَٱللَّهُ عَلَىٰ كُلِّ شَيۡءࣲ شَهِيدٌ

NgeMini uAllâh Aya kubavusa bonke, Abaxelele abakwenzayo. UAllâh Ukubalile, lo gama bakulibeleyo bona; kwaye uAllâh liNgqina ngaphezu kweento zonke

Ayah 6

أَلَمۡ تَرَ أَنَّ ٱللَّهَ يَعۡلَمُ مَا فِي ٱلسَّمَٰوَٰتِ وَمَا فِي ٱلۡأَرۡضِۖ مَا يَكُونُ مِن نَّجۡوَىٰ ثَلَٰثَةٍ إِلَّا هُوَ رَابِعُهُمۡ وَلَا خَمۡسَةٍ إِلَّا هُوَ سَادِسُهُمۡ وَلَآ أَدۡنَىٰ مِن ذَٰلِكَ وَلَآ أَكۡثَرَ إِلَّا هُوَ مَعَهُمۡ أَيۡنَ مَا كَانُواْۖ ثُمَّ يُنَبِّئُهُم بِمَا عَمِلُواْ يَوۡمَ ٱلۡقِيَٰمَةِۚ إِنَّ ٱللَّهَ بِكُلِّ شَيۡءٍ عَلِيمٌ

Akuboni na ukuba uAllâh Wazi okusemazulwini nasemhlabeni? Akukho ncoko yabathathu (eyenzelwa ekhusini) koko Yena Uba ngowesine kubo, kungekho bahlanu koko Yena ngowesithandathu kubo akukho banganeno kunoko kungekho bangaphezulu kunoko koko Yena Ukunye nabo (ngolwazi) nokuba baphi na apho bakhoyo. Ke kaloku Uya kubaxelela ngoko bakwenzayo ngoMhla woVuko, Inene uAllâh, nguMazi weento zonke

Ayah 7

أَلَمۡ تَرَ إِلَى ٱلَّذِينَ نُهُواْ عَنِ ٱلنَّجۡوَىٰ ثُمَّ يَعُودُونَ لِمَا نُهُواْ عَنۡهُ وَيَتَنَٰجَوۡنَ بِٱلۡإِثۡمِ وَٱلۡعُدۡوَٰنِ وَمَعۡصِيَتِ ٱلرَّسُولِۖ وَإِذَا جَآءُوكَ حَيَّوۡكَ بِمَا لَمۡ يُحَيِّكَ بِهِ ٱللَّهُ وَيَقُولُونَ فِيٓ أَنفُسِهِمۡ لَوۡلَا يُعَذِّبُنَا ٱللَّهُ بِمَا نَقُولُۚ حَسۡبُهُمۡ جَهَنَّمُ يَصۡلَوۡنَهَاۖ فَبِئۡسَ ٱلۡمَصِيرُ

Akubabonanga na abo babalelwe (ukuba babe yinxalenye) yencoko yasekhusini? Babuyela ke koko babalelwe kuko bancokola phakathi kwabo ngesono nangogabadelo nokungabi nantobeko kuMthunywa (ka-Allâh). Ke kaloku xa befika kuwe bakubulisa ngombuliso Angakubulisi ngawo uAllâh, bathi: “ Kutheni na kaloku uAllâh Angasohlwayi ngoko sikutshiloyo?” Okwaneleyo kubo sisiHogo; abaya kungena kuso batshe, ayisembi ngako indawo yokugqibela yabo

Ayah 8

يَٰٓأَيُّهَا ٱلَّذِينَ ءَامَنُوٓاْ إِذَا تَنَٰجَيۡتُمۡ فَلَا تَتَنَٰجَوۡاْ بِٱلۡإِثۡمِ وَٱلۡعُدۡوَٰنِ وَمَعۡصِيَتِ ٱلرَّسُولِ وَتَنَٰجَوۡاْ بِٱلۡبِرِّ وَٱلتَّقۡوَىٰۖ وَٱتَّقُواْ ٱللَّهَ ٱلَّذِيٓ إِلَيۡهِ تُحۡشَرُونَ

Hini na nina bakholwayo xa nincokola ekhusini musani ukuncokola ngesono, ugabadelo nangokungamthobeli uMthunywa koko ncokolani ngobulungisa nobunyulu. Noyike uAllâh Eniza kuqokelelwa (phambi) kwaKhe

Ayah 9

إِنَّمَا ٱلنَّجۡوَىٰ مِنَ ٱلشَّيۡطَٰنِ لِيَحۡزُنَ ٱلَّذِينَ ءَامَنُواْ وَلَيۡسَ بِضَآرِّهِمۡ شَيۡـًٔا إِلَّا بِإِذۡنِ ٱللَّهِۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ

Iincoko zasekhusini zivela kuShaytân esenzela ukukhubekisa abo bakholwayo, kodwa akayi kubonzakalisa ngaphandle kokuba anikwe imvume nguAllâh. Ke kaloku amakholwa makaxhomekeke kuAllâh

Ayah 10

يَٰٓأَيُّهَا ٱلَّذِينَ ءَامَنُوٓاْ إِذَا قِيلَ لَكُمۡ تَفَسَّحُواْ فِي ٱلۡمَجَٰلِسِ فَٱفۡسَحُواْ يَفۡسَحِ ٱللَّهُ لَكُمۡۖ وَإِذَا قِيلَ ٱنشُزُواْ فَٱنشُزُواْ يَرۡفَعِ ٱللَّهُ ٱلَّذِينَ ءَامَنُواْ مِنكُمۡ وَٱلَّذِينَ أُوتُواْ ٱلۡعِلۡمَ دَرَجَٰتࣲۚ وَٱللَّهُ بِمَا تَعۡمَلُونَ خَبِيرࣱ‏

Hini na nina bakholwayo, xa nixelelwa ukuba: “Vulani izithuba phakathi kwenu,” entlanganisweni, vulani izithuba kaloku, uAllâh Uya kunenzela isithuba. Naxa niyalelwe ukuba: “Phakamani,” phakamani; uAllâh Uya kuba phakamisa abo bakholwayo phakathi kwenu nabo babenikwe ulwazi, ngokwamabakala kananjalo uAllâh Unolwazi ngoko nikwenzayo

Ayah 11

يَٰٓأَيُّهَا ٱلَّذِينَ ءَامَنُوٓاْ إِذَا نَٰجَيۡتُمُ ٱلرَّسُولَ فَقَدِّمُواْ بَيۡنَ يَدَيۡ نَجۡوَىٰكُمۡ صَدَقَةࣰۚ ذَٰلِكَ خَيۡرࣱ لَّكُمۡ وَأَطۡهَرُۚ فَإِن لَّمۡ تَجِدُواْ فَإِنَّ ٱللَّهَ غَفُورࣱ رَّحِيمٌ

Hini na nina bakholwayo, xa nifuna ukuthetha noMthunywa bucala, nikelani ngamalizo phambi kokuthetha naye oko kukona kulungileyo kuni kwaye kububunyulu. Kodwa ke ukuba aninanto (yakunikela) inene uAllâh nguMxoleli nguSozinceba

Ayah 12

ءَأَشۡفَقۡتُمۡ أَن تُقَدِّمُواْ بَيۡنَ يَدَيۡ نَجۡوَىٰكُمۡ صَدَقَٰتࣲۚ فَإِذۡ لَمۡ تَفۡعَلُواْ وَتَابَ ٱللَّهُ عَلَيۡكُمۡ فَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَطِيعُواْ ٱللَّهَ وَرَسُولَهُۥۚ وَٱللَّهُ خَبِيرُۢ بِمَا تَعۡمَلُونَ

Ingaba niye noyika na ukuza nomnikelo phambi kokuthetha (naye)? Ke kaloku ukuba akunjalo uAllâh Unixolele yenzani iSalâh, ninikele ngeZakâh, nithobele uAllâh noMthunywa waKhe. Kananjalo uAllâh Unolwazi ngoko nikwenzayo

Ayah 13

۞أَلَمۡ تَرَ إِلَى ٱلَّذِينَ تَوَلَّوۡاْ قَوۡمًا غَضِبَ ٱللَّهُ عَلَيۡهِم مَّا هُم مِّنكُمۡ وَلَا مِنۡهُمۡ وَيَحۡلِفُونَ عَلَى ٱلۡكَذِبِ وَهُمۡ يَعۡلَمُونَ

Ubabonile na abo benza ubumbano nabantu uAllâh Anomsindo (ngakubo), bona abangobenu bengengabo nababo kwaye bafunga ubuxoki lo gama besazi (ukuba baya xoka)

Ayah 14

أَعَدَّ ٱللَّهُ لَهُمۡ عَذَابࣰ ا شَدِيدًاۖ إِنَّهُمۡ سَآءَ مَا كَانُواْ يَعۡمَلُونَ

UAllâh Ubalungiselele isohlwayo esibuhlungu kanobom. Inene kungcolile oko bakwenzayo

Ayah 15

ٱتَّخَذُوٓاْ أَيۡمَٰنَهُمۡ جُنَّةࣰ فَصَدُّواْ عَن سَبِيلِ ٱللَّهِ فَلَهُمۡ عَذَابࣱ مُّهِينࣱ‏

Bathabathe izifungo zabo zobuxoki bazenza into yokusithela baze baphambukisa (abantu) eNdleleni ka-Allâh, ke kaloku okwabo sisohlwayo esibuhlungu

Ayah 16

لَّن تُغۡنِيَ عَنۡهُمۡ أَمۡوَٰلُهُمۡ وَلَآ أَوۡلَٰدُهُم مِّنَ ٱللَّهِ شَيۡـًٔاۚ أُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ

Ubutyebi babo nabantwana babo asokuze bubancede nto ngokuchasene noAllâh. Abo ngamadlelane oMlilo, baya kuhlala apho ngonaphakade

Ayah 17

يَوۡمَ يَبۡعَثُهُمُ ٱللَّهُ جَمِيعࣰ ا فَيَحۡلِفُونَ لَهُۥ كَمَا يَحۡلِفُونَ لَكُمۡ وَيَحۡسَبُونَ أَنَّهُمۡ عَلَىٰ شَيۡءٍۚ أَلَآ إِنَّهُمۡ هُمُ ٱلۡكَٰذِبُونَ

NgeMini uAllâh Aya kubavusa bonke, yaye baya kufunga kuYe njengoko befunga kuni becinga ukuba bemi phezu kwento kanti ngabo abangamaxoki

Ayah 18

ٱسۡتَحۡوَذَ عَلَيۡهِمُ ٱلشَّيۡطَٰنُ فَأَنسَىٰهُمۡ ذِكۡرَ ٱللَّهِۚ أُوْلَٰٓئِكَ حِزۡبُ ٱلشَّيۡطَٰنِۚ أَلَآ إِنَّ حِزۡبَ ٱلشَّيۡطَٰنِ هُمُ ٱلۡخَٰسِرُونَ

UShaytân ubagqumile wabenza balibala ngokukhumbula uAllâh. Elo ke libandla likaShaytân, Inene, ibandla likaShaytân, lilo eliya kuba ngabalahlekelwa

Ayah 19

إِنَّ ٱلَّذِينَ يُحَآدُّونَ ٱللَّهَ وَرَسُولَهُۥٓ أُوْلَٰٓئِكَ فِي ٱلۡأَذَلِّينَ

Inene abo baphikisa uAllâh noMthunywa waKhe baya kuba phakathi kwabona bahlazeke ngokwenene

Ayah 20

كَتَبَ ٱللَّهُ لَأَغۡلِبَنَّ أَنَا۠ وَرُسُلِيٓۚ إِنَّ ٱللَّهَ قَوِيٌّ عَزِيزࣱ‏

UAllâh Ubhalile Wathi: “ NdiM nabaThunywa baM Abaza kuphumelela.” Inene nguAllâh Onamandla nobungangamsha

Ayah 21

لَّا تَجِدُ قَوۡمࣰ ا يُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِ يُوَآدُّونَ مَنۡ حَآدَّ ٱللَّهَ وَرَسُولَهُۥ وَلَوۡ كَانُوٓاْ ءَابَآءَهُمۡ أَوۡ أَبۡنَآءَهُمۡ أَوۡ إِخۡوَٰنَهُمۡ أَوۡ عَشِيرَتَهُمۡۚ أُوْلَٰٓئِكَ كَتَبَ فِي قُلُوبِهِمُ ٱلۡإِيمَٰنَ وَأَيَّدَهُم بِرُوحࣲ مِّنۡهُۖ وَيُدۡخِلُهُمۡ جَنَّٰتࣲ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ رَضِيَ ٱللَّهُ عَنۡهُمۡ وَرَضُواْ عَنۡهُۚ أُوْلَٰٓئِكَ حِزۡبُ ٱللَّهِۚ أَلَآ إِنَّ حِزۡبَ ٱللَّهِ هُمُ ٱلۡمُفۡلِحُونَ

Awungekhe ubafumaneabantuabakholwakuAllâhnakwiMini yokugqibela bebathanda abo baphikisa uAllâh noMthunywa waKhe, enokuba abo bantu ngooyise babo okanye ngoonyana babo, okanye ngabantakwabo okanye zizizalwana zabo na. Kwabo banjalo (uAllâh) Ubhale ukholo ezintliziyweni zabo, Wabaxhasa ngomoya ovela kuYe. Kananjalo (uAllah) Uya kubangenisa eMiyezweni ekumpompoza imilambo ngaphantsi kwayo, bahlale apho (ngonaphakade). UAllâh Uya kukholiseka ngabo nabo bakholiseke nguYe. Bona balibandla lika-Allâh, Inene ibandla lika-Allâh, lilo eliza kuphumelela

Ayah 22